Мусулман адам. Архив

ИИМ: диний экстремисттердин 80%ы "Таблиги жамааттан" чыккан

114
(жаңыланган 18:20 08.12.2015)
ИИМ "Таблиги жамааттын" Борбор Азиянын бир катар өлкөлөрүндө тыюу салынганын, бирок, алар Кыргызстанда каттоодон өтпөстөн активдүү иш жүргүзүп жаткандыгын билдирди. Ошол үчүн ал "жамааттын" ишмердүүлүгүн катуу көзөмөлгө алууну керек деп эсептейт.

БИШКЕК, 8-дек. — Sputnik. Ички иштер министрлиги "Таблиги жамаат" кыймылы боюнча маалымат таратып, анын түз же кыйыр түрдө экстремисттик, террористтик уюмдарга азгыргандар катары жүргөндүгү тынчсыздануу жаратып жаткандыгын айтты. 

Аталган ведомстводон акыркы учурда өлкөдө даватчылардын саны көбөйгөндүгүн маалымадап, алардын бирикмеси кооптуулукту алып жүрүшү мүмкүн деген ойду билдиришти.

"Таблиги жамааттын" ишмердүүлүгүнө Тажикстанда, Казакстанда, Өзбекстанда, Россияда, АКШда, Индияда жана Иранда тыюу салынган.

"Бизде "Таблиги жамаатка" тыюу салынган эмес, алардын катары улам көбөйүп барат, анан калса алар жашыруун жүрүп, каржы булактарын көрсөтпөйт. Баары ачык болушу керек. Адам бир нече айга даватка кетип жатканда, кайсы акчага кетти деген суроо жаралат. Тыюу салынган "Жайшуль Махдинин" мүчөлөрү болуп чыгып, жакында эле оор кылмыш кылып кармалгандар да алгач, даватчылардан болушкан. Учурда жарандар үйлөрдүн эшигин каккылап жүргөндөр даватчынын кейпин жамынган террорист же экстремист экендигин кантип айырмалап биле алабыз деген суроолорду берүүдө", — деп айтылат ИИМ тараткан маалыматта. 

Мечиттеги адам. Архив
© Sputnik / Табылды Кадырбеков
ИИМдин 10-Башкы башкармалыгынын жетекчисинин орун басары Раим Салимов даватка аттангандар бүлөсүн, ал тургай кичинекей балдарынын тагдырын чоочундарга таштап кетип жаткандыгын айткан. Буга ал атасы даватка кетип, зомбулукка учурап, эс-учун жоготуп ооруканага түшкөн Аламүдүн районундагы эки жашар баланын окуясын келтирген. 

Салимов эч ким кепилдик бере албагандыктан, жарандарды даватка чакырып, каккылап келгендерге эшикти ачпоону кеңеш кылды. Ал "Таблиги жамааттын" ишмердүүлүгүн катуу көзөмөлгө алууну керек деп эсептээрин билдирген.

ИИМ Россиянын Жогорку Сотунун "Таблиги жамаат" улуттар жана диндер арасында ажырымды жаратып, аймактык бүтүндүүлүккө кооптуулук келтирет деп бүтүм чыгаргандыгын эскертти.

ИИМ өкүлү аталган кыймылдын мүчөлөрү исламдын өзгөртүлгөн версиясын элге таратып жүргөндүгүн айтат.

"Эксперттердин пикиринде диний экстремисттердин 80 пайызга жакыны "Таблиги жамааттан" чыккан. Учурда аталган кыймылдын түз же кыйыр түрдө болсо да экстремисттик жана террористтик уюмдарга азгыргандар катары жүргөндүгү түйшөлтүүдө", — деп айтылат маалыматта.

Салимов "Таблиги жамаатына" бир ирет кирип алган киши жашоосун уюмдун колуна кармата берип, баш оту менен миссионерге айланарын кошумчалаган.

114
Белгилер:
Раим Салимов, 'Таблиги жамаат', ИИМдин 10-башкармалыгы
Тема боюнча
Раим Салимов: Ирак, Сириядан келген качкындарды тыкыр текшерүү керек
Атамбаев балдарга зомбулук көрсөткөндөргө катуу жаза колдонулушу керектигин айтты
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

230
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

230
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду
Тоолуу аймак. Архивдик сүрөт

Дүйшөмбүгө карата аба ырайы

235
18-октябрда өлкөнүн дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 17-окт. — Sputnik. Дүйшөмбүдө күндүз кээ бир райондордо жаан, тоолуу райондордо кар жаашы ыктымал. Бул тууралуу Кыргызгидромет билдирди.

Абанын температурасы Чүй облусунда +15…+20, Талас, Ысык-Көл, Нарын өрөөндөрүндө +14…+19, Ош, Жалал-Абад, Баткен аймактарында +20…+25 градусту көрсөтөт.

Күндүн табы Бишкекте +18…+20, Ош шаарында +23…+25 градус болот.

235
Белгилер:
аба ырайы, октябрь, Кыргызстан
Тема боюнча
Жаан жаабайбы? Бир жумага карата аба ырайы