Столдогу гезиттер. Архив

Беш өрдөк: Ташиевди иттей тепкилегенге күчү жеткен Абдраимов, ээрден шыпырылчу Турганбаев

887
(жаңыланган 15:30 14.12.2015)
Кыргызстандагы басылмаларга чыккан айың-кептерди аныктап, жума сайын гезит-журналдарга саресеп салабыз. Айың кептер айылынан арылабыз.

БШКнын төрагасы Туйгунаалы Абдраимов Ташиев менен Мамытовдун мээсин чагып, тынчыткысы келип…

"Азия News" гезити 10-декабарда чыккан санында Борбордук шайлоо комиссиясынын төрагасы Туйгунаалы Абдраимов Камчыбек Ташиев менен Талант Мамытовдун мээсин чагып, тынчыткысы келгенин жазып чыкты. Гезитке мындай маекти Абдраимов өзү берген дейт гезит.

"…Тойдо баары менин сөзүмө көңүл буруп калды… Өмүрбек Бабанов баш болуп, бетимен өпкүлөп, баары ордунан тура калышты. Төр тарапта Камчыбек Ташиев менен Талант Мамытов отуруптур, айбат кылгандай түр жасашып. Ташиев үн катты: "Бир күнү жооп бересиң, сени жайлайм!" дейт. "Чыкчы бери?!" дедим. Ортого кишилер түшө калды. Тиги жанындагы Талант да делдеңдеп жүрөт. Ажыратып коюшту да, болбосо Ташиев менен Таланттын мээсин чагып, ошол жерден тынчытат элем", — деген сөзүн аталган гезит жарыялады.

Борбордук шайлоо комиссиясынын төрагасы Туйгунаалы Абдраимовдун жардамчысы Муратбек Нурмаматов БШК жетекчиси гезитке мындай интервью бербегенин Sputnik маалымат агенттигине билдирди.

"Борбордук шайлоо комиссиясынын төрагасы аталган гезитке интервью берген эмес", — деди ал.

Турганбаев жаңы жылдан кийин ээрден оодарылат имиш 

"Ачык саясат Plus" гезити 11-декабрда чыккан санында Ички иштер министри Мелис Турганбаев жаңы жылдан кийин кызматтан кетип, анын ордуна Бакыт Жусубалиев, же Кашкар Жунушалиев министр болот экен деп жазды.

"Мелис Турганбаев жаңы жылдан кийин министрликтен кетээри туурасында сөз болуп жатат. Угушубузга караганда Коргоо кеңешине барчудай. Ал эми анын ордуна министр болчулар — Бакыт Жусубалиев менен Кашкар Жунушалиев… Милиция кызматкерлеринин айтымына караганда министрликке Бакыт Жусубалиевдин келишин каалап жатышкан экен", — деп жазат аталган гезит.

Гезитке чыккан бул маалымат боюнча ички иштер министри Мелис Турганбаевдин маалыматы бар экенин ИИМдин маалымат катчысы Бакыт Сейитов Sputnik агенттигине билдирди.

"Бул маалыматтарды ушак катары кабыл алыш керек. Мындай маанайдагы кабар кимдир бирөөнүн буйрутмасы менен жарыяланган болушу ыктымал. Учурда министр милиция кызматкерлерине шарт түзүп, реформаларды ишке ашыруу боюнча иштерди жасап жатат", — деди ал.

Сейитов ошондой эле, министрлик кийинки жылы жасала турган иштердин пландарын түзүп чыкканын кошумчалады.

Орун басардын жаман ою же Таластын жетекчиси болгусу келген Кенекеев

"Азия News" гезити 10-декабрда чыккан санында Талас облусунун губернаторунун биринчи орун басарлыгына да ыраазы болбогон Дайыр Кенекеев облус башчысы болууга тымызын көзүн кызартып жатыптыр деп жазды.

"Ушул күндөрү облус губернаторунун 1-орун басарлык кызматына да ыраазы болбогон Дакең жогору жакка киши салып, Жуманазаровду жаманаттылоо менен шугулданып, тымызын анын ордуна көз кызартып жаткандыгын айланасындагылар эле кеп кылышууда. Алчы-таасын жеген Байышбек байкебиз деле боконосу ката элек Кенекеевге оңой менен алдыра койбосо керек", — деп жазат аталган гезит.

Дайыр Кенекеев гезитте жазылган мындай маалыматтарга көнүп калганын Sputnik агенттигине берген маегинде белгиледи. 

"Учурда биз Байыш Токтомушевич менен эриш-аркак иштеп жатабыз. Мындай маанайда жазылган маалыматтарга көнүп калганбыз. Себеби, буга чейин министр болуп да иштегем. Бир кызматка келсең ал иштин бир минус жагы да бар. Мен муну ошолордун бири катары эле баалайм. Гезиттин жазгандары чындыкка жатпайт, жалган", — деди ал.

Кенекеев жаратылышынан эле бирөөнүн креслосуна көз артпасын, анын натурасы ушундай экенин кошумчалады.

887
Белгилер:
ушак, ЖМК, Камчыбек Ташиев, Мелис Турганбаев, Кыргызстан
Тема:
Беш өрдөк – айың-кептер айылы (23)
Тема боюнча
Беш өрдөк: Бакиевдин китептерин жазган Раев, бажычылардын чөнтөгүн жукарткан Раимбек
Беш өрдөк: Рахман менен Жамбылды "ууру туткан" Борончу, кызмат сураган Сарпашев
Проект строительства логистического центра по переработке и сортировке баткенского урюка и текстильной фабрики в Баткенской области

Жылына 8 тонна. Баткенде өрүктү кайра иштеткен логистикалык борбор курулууда

57
(жаңыланган 17:02 12.08.2020)
Мындан тышкары текстиль фабрикасынын курулушу башталган. Ишкерликтин бул түрлөрүнө төрт гектар жер бөлүнүп, 14 миллион доллар каражат салынган.

БИШКЕК, 12-авг. — Sputnik. Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты. Бул тууралуу өлкө башчынын маалымат кызматы кабарлады.

Ага ылайык, өнөр жай түрлөрү үчүн төрт гектар жер бөлүнгөн. Өрүктү кайра иштетүү боюнча долбоорго 8 миллион долларга жакын инвестиция салынган.

  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өнөр жай түрлөрү үчүн төрт гектар жер бөлүнгөн.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өрүктү кайра иштетүү боюнча долбоорго 8 миллион долларга жакын инвестиция салынган.
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
"Борбордун ишке кириши менен 200 жумушчу орун түзүлүп, ал эми жергиликтүү фермерлер өздөрүнүн продукциясын — даңазалуу Баткен өрүгүн сатууну жөнгө сала алышат. Жыл сайын сегиз тонна өрүктү кайра иштетүү үчүн мүмкүнчүлүк жаралат", — деп айтылат маалыматта.

Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда. Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.

Көйгөйдүн баары ачыкталды. Президент Баткенде оңдолуп жаткан оорукананы көрдү

Өз кезегинде Жээнбеков ишкерликтин мыйдай түрлөрү колдоого аларлык экенин белгилеген.

Долбоорлордун курулуш иштерин толук бүткөрүү 2020-жылдын декабрына пландалган.

57
Белгилер:
курулуш, долбоорлор, ишкер, өнөр жай, фабрика, өрүк, Сооронбай Жээнбеков, Баткен
Тема боюнча
Шерипов: көлдүктөр жаңгакка кызыкдар эмес, алма-өрүккө көнүп алышкан
Ат-Башыга курулчу логистикалык борбор: инвестордун 45 миллион сому кайда?
Өкмөт: Ат-Башыга логистикалык борбор курчу инвесторго 45 млн. сому кайтарылат
Эстеликтеги гүлдөр. Архив

Эл акыны Гүлсайра Момунова дүйнө салды

72
(жаңыланган 16:57 12.08.2020)
Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн. 1971-жылы Жазуучулар союзунун, 1965-жылдан тарта СССР Журналисттер союзунун мүчөсү болгон.

БИШКЕК, 12-авг. — Sputnik. Кыргыз Республикасынын эл акыны Гүлсайра Момунова оорудан улам каза болгонун жакындары тастыктады. Алардын айтымында, 83 жаштагы акын пневмонияга кабылып, үч күн мурун ооруканадан чыккан.

Алдын ала маалымат боюнча, Момунованын сөөгү 13-август күнү "Ала-Арча" көрүстөнүнө коюлат.

Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн.

1971-жылы Жазуучулар союзунун, 1965-жылдан бери СССР Журналисттер союзунун мүчөсү болгон.

1987-жылы "Кыргыз Республикасынын маданиятына эмгек сиңирген ишмер" наамын алган. 2001-жылы "Эр Манас урпагы" медалы менен сыйланып, 2003-жылы "Түгөлбай Ата" адабий сыйлыгынын лауреаты болгон. 2011-жылы Кыргыз Республикасынын эл акыны наамын алган.

72
Белгилер:
өлүм, оору, акын
Тема боюнча
Экс-министр Жамал Ташыбекова көз жумду
Хакасияда болгон жол кырсыгы

Эс алам деп... Хакасиядагы жол кырсыгында кыргызстандык жигиттер каза болду

0
(жаңыланган 17:02 12.08.2020)
Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

БИШКЕК, 12-авг. — Sputnik. Хакасияда беш кыргызстандык жол кырсыгына кабылып, экөө көз жумду. Бул тууралуу аймак боюнча Жол кыймылы коопсуздугун камсыздоо башкармалыгынын "ВКонтакте" тармагындагы баракчасына жарыяланды.

  • На месте ДТП с кыргызстанцами в Хакасии
    Хакасияда беш кыргызстандык жол кырсыгына кабылып, экөө көз жумду
    © Фото / УГИБДД Хакасии
  • На месте ДТП с кыргызстанцами в Хакасии
    Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.
    © Фото / УГИБДД Хакасии
1 / 2
© Фото / УГИБДД Хакасии
Хакасияда беш кыргызстандык жол кырсыгына кабылып, экөө көз жумду

Маалыматка караганда, кыргызстандыктар Красноярск крайынан көлгө түшүп, эс алуу үчүн барышкан. Кырсык 11-август күнү саат 13:50дө Ачинск — Ужур — Шира — Троицкое автожолунун 232-чакырымында болгон.

Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

"Кесепетинде арткы орундуктагы эки киши көз жумган. Айдоочу менен 24 жана 20 жаштагы эки жигитке медициналык жардам көрсөтүлдү. Бирок алар ооруканага жаткан жок", — деп айтылат кабарда.

Машина талкаланган. Бишкектин четиндеги үрөй учурган кырсыктын видеосу

Кырсыктын чоо-жайы иликтенип жатат.

0
Белгилер:
өлүм, жол кырсык, Хакасия, Россия
Тема боюнча
Бетме-бет сүзүшкөн. Көлдөгү жол кырсыктын чоо-жайы