БИШКЕК, 26-янв. — Sputnik. Баткен облусунун чек ара аймактарына жакын жайгашкан айылдардагы мектептерде окуучуларды туура жолго үгүттөгөн жана кооптуу радикалдык уюмдар туурасында маалымат берүү иштери жүрүп жатат. Бул туурасында Баткен облустук казыятынын маалымат кызматынан кабарлашты.
19 Үчтүн айы 2016, 10:39
Кезектеги түшүндүрүү иш-чаралары Баткен районундагы Аскар Жоробаев атындагы орто мектепте өттү. Ага 9-10-11-класстарынын окуучулары, ата-энелер, мугалимдер катышты.
Райондогу Апкан айылынын имамы Искендер Ажыбаев туура жолдон чыгарып, адамдын тагдырына балта чаба турган уюмдар жана алардын кесепети жөнүндө айтып бергендигин маалымат кызматы билдирди.
Жолугушууга келгендерге ислам дини тууралуу жана КРде ишмердүүлүгүнө тыюу салынган уюмдар менен агымдар боюнча бир топ пайдалуу маалыматтар берилди.
