Тубаса жүрөк оорулуу балдарга Кореядан акысыз операция жасалат

© Sputnik / Михаил Фомичев / Медиабанкка өтүүОорулуунун операция учурунда абалын көрсөтүүчү монитор. Архив
Оорулуунун операция учурунда абалын көрсөтүүчү монитор. Архив - Sputnik Кыргызстан
Жазылуу
Дарыгерлер 33 баланын саламаттыгын текшерип, анын 12сине операция жасайт. Бул Кыргызстандын бардык аймагындагы аз камсыз болгон үй-бүлөлөрдүн балдары экени айтылууда.

БИШКЕК, 26-янв. — Sputnik. Кореялык адистер кыргызстандык балдарга акысыз операция жасай турганын өлкөнүн Кызыл жарым ай коому билдирди.

Маалыматка ылайык, дарыгерлер буга чейин операция болгон балдарды дагы бир ирет текшерүүдөн өткөрмөкчү. Андан соң 33 баланын ден соолугун текшерип, анын ичинен 12 наристени операция жасоо үчүн тандап алышат.

12 баланын алтоо быйыл, калганы 2017-жылы операция болот.

Оорукана. Архив - Sputnik Кыргызстан
Эне жана баланы коргоо улуттук борборуна Япония медициналык жабдык берет
Тандоо медициналык көрсөткүчтөрдүн жана бала жашап жаткан үй-бүлөнүн социалдык-экономикалык шартын эске алуу менен жүргүзүлөт. 

Кызыл жарым ай коому Кыргызстандын Баткен, Жалал-Абад, Ош, Талас жана Ысык-Көл облустарында жашаган аз камсыз үй-бүлөлөрдүн операцияга муктаж 13 баланын маалыматын берген. Дагы 20 баланын тизмесин Саламаттык сактоо министрлиги сунуштаган.

Былтыр июль айында Түштүк Кореянын ооруканаларында операция жасатуу үчүн ар аймактан беш бала жөнөтүлгөн. 2010-жылдан тарта 26 тубаса жүрөк оорулуу балага аталган өлкөдө операция жасалган. 

Балдардын дарылануусу, жашоо жана башка чыгымдары ар бир наристе үчүн болжол менен 30 миң долларды түзөт. Бардык каражат Түштүк Корея тарабынан төлөнмөкчү.

Жаңылыктар түрмөгү
0