Кылмыш иши папкасы. Архив

Аскер прокуратурасы УКМКнын аскер бөлүгүндөгү окуя боюнча кылмыш ишин козгоду

56
(жаңыланган 12:03 26.01.2016)
УКМК жоокердин сабалышынан кийин аскердик бөлүктө текшерүү жүргүзө баштады. Буга чейин бөлүктүн жетекчилиги кызматтан четтетилгени айтылган.

БИШКЕК, 26-янв. — Sputnik. Аскер прокуратурасы Улуттук коопсуздук боюнча мамлекеттик комитеттин аскер бөлүгүндө кызмат өтөгөн жоокердин сабалышы боюнча кылмыш ишин козгогонун аталган мекеме билдирди.

Буга чейин Республикалык жоокер энелеринин комитети Мамарасул Абытбек уулу УКМКнын №64479 бөлүгүнүн офицери тарабынан ур-токмокко алынганын айтып чыккан. Жоокер эстен тангыча сабалганы маалымдалган.

Учурда ал аскер госпиталында дарыланууда жатат. Таяктан дене-бою көгөрүп, башында жана ич жагында шишиктер бар экени аныкталды. Дарыгерлер жоокерге баш мээси чайкалган деген диагноз коюшту.

Чырлуу окуядан улам аскер бөлүктүн жетекчиси, анын орун басары жана рота командири кызматтан бошотулду. Бул боюнча Кылмыш жаза кодексинин 305-беренесинин 2-бөлүгүнүн (Күч колдонуу менен кызмат абалынан кыянат пайдалануу) негизинде кылмыш иши козголду.

56
Белгилер:
кылмыш, жоокер, бөлүк, Аскер, УКМК
Тема боюнча
Улуттук гвардиянын жоокеринин өлүмүн тергөө учурунда 10 аскер кызматкери иштен четтетилген
Эки жоокерге ок чыгарган Улуттук гвардиянын аскери үй камагына чыгарылды
Шприц чыгарган ишкана. Архивдик сүрөт

Министр Кара-Суудагы шприц чыгарган ишкананы көрдү. Сүрөт

19
(жаңыланган 15:11 17.01.2021)
Ишкананын ээси мурда шприцтер менен түштүк аймагын гана камсыздап келишсе, жакынкы убакыттарда республиканы камсыздап жатышканын айткан.

БИШКЕК, 17-янв. — Sputnik. Саламаттык сактоо министри Алымкадыр Бейшеналиев Оштун Кара-Суу районундагы шприц чыгаруучу ишкана менен таанышканын мекеменин маалымат кызматы кабарлады.

Белгилей кетсек, соңку күндөрү министр түштүк жергесинде иш сапары менен жүрөт.

Жеке ишкер Канатбек Кадыров ишкана 5 жана 10 граммдык шприцтер менен инсулин алганга ылайыкталган шприцтерди чыгарарын айткан.

"Мурда шприцтер менен түштүк аймагын гана камсыздасак, жакынкы убакыттарда республиканы камсыз кылганга жетиштик. Эми медициналык кол каптарды дагы чыгаралы деп турабыз", — деген ишкер.

Министр мындай кадамдар өлкө үчүн жеңилдик экенин айтып, ишкана жетекчисине ыраазычылыгын билдирген.

19
Белгилер:
ишкер, ишкана, Алымкадыр Бейшеналиев, КР Саламаттык сактоо министрлиги, Кара-Суу району, Ош
Тема боюнча
Ош облусунун ооруканаларына 26 тез жардам унаасы берилди
Маршрутка айдоочусу жана милиция кызматкери. Архивдик сүрөт

ШИИБ маршрутка айдоочуларын чагымчылдыкка алдырбоого чакырды

37
(жаңыланган 14:45 17.01.2021)
Милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирме түшкөн.

БИШКЕК, 17-янв. — Sputnik. Бишкек шаардык ички иштер башкармалыгы кичи автобустардын айдоочуларын чагымчылдыкка алдырбоого чакырды.

Белгилүү болгондой, милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирүү түшкөн.

"Борбор калаада коомдук тартипти туруксуздаштыруу КРдин мыйзамын бузуу болуп саналат. Ошондуктан ШИИБ маршрутка айдоочуларын чагымчылдыкка алдырбоого чакырат", — деп айтылат маалыматта.

Ошол эле учурда айдоочулар коом үчүн өтө зарыл жана чоң иш аткарып жатканын эстен чыгарбашы керектиги белгилеген.

"Эгер чагымчыл иштерге жол берилип, коомдук тартип бузула турган болсо, ошондой эле коомдук транспортто же көчөдө жарандардын жана балдардын коопсуздугуна коркунуч жаралса, менчик жана мамлекеттик мүлктөр жабыркаса, КРдин мыйзамына ылайык олуттуу чаралар көрүлөт", — деп эскерткен ШИИБ.

Милиция 12-январда Бишкек шаардык кеңеши, мэрия жана шаардык кызматтардын өкүлдөрү жеке менчик ташып жеткирүүчү компаниялардын жетекчилери менен жолукканын эске салган. Анда жол кирени көтөрүү маселеси козголгон.

Айрым маршрутка айдоочулары жол кирени 15 сомго чейин көтөрүү талабын койгон. Мэрия аталган маселе акырындык менен чечилерин, маршрутка айдоочуларынын койгон талаптарын караган жумушчу топ түзүлгөнүн буга чейин айткан.

ШИИБ айдоочуларга кагаз түрүндө эскертүү таратылганын белгиледи. Анда кокус коомдук тартип бузула турган болсо, мэрия жеке менчик фирмалар менен кызматташууну карап чыга турганы жазылган.

37
Белгилер:
тартип, эскертүү, коом, айдоочу, маршрутка, ШИИБ
Тема боюнча
Мэрия: Бишкектеги маршрутка айдоочулары иш таштаса лицензиялары алынат