Мамлекеттик кызматкерлер алган сертификаттары менен.

Көлдө атка минерлер иш кагаздарын мамлекеттик тилде жүргүзүүнү үйрөнүп жатышат

69
Мындай окуулар Кыргызстандын аймагында былтыркы жылдын январь айынан бери өткөрүлүп келет.

БИШКЕК, 28-янв. — Sputnik. Ысык-Көлдө иш кагаздарын мамлекеттик тилде жүргүзүү боюнча окутуу иштери жүрүп жатканын Мамлекеттик тил боюнча улуттук комиссия билдирди.

Маалыматка ылайык, мындай окуулар Кыргызстандын аймагында былтыркы жылдын январь айынан бери өткөрүлүп келет. Мында аймактарда үч күндүк семинар-тренингдер өтүп, мамлекеттик жана муниципалдык кызматкерлердин мамлекеттик тил боюнча сабаттуулугу арттырылат. 

  • Ысык-Көлдө иш кагаздарын мамлекеттик тилде жүргүзүү боюнча окутуу иштери жүрүп жатканын Мамлекеттик тил боюнча улуттук комиссия билдирди
    Ысык-Көлдө иш кагаздарын мамлекеттик тилде жүргүзүү боюнча окутуу иштери жүрүп жатканын Мамлекеттик тил боюнча улуттук комиссия билдирди
    пресс-служба Нацкомиссии
  • Мында аймактарда үч күндүк семинар-тренингдер өтүп, мамлекеттик жана муниципалдык кызматкерлердин мамлекеттик тил боюнча сабаттуулугу арттырылат.
    Мында аймактарда үч күндүк семинар-тренингдер өтүп, мамлекеттик жана муниципалдык кызматкерлердин мамлекеттик тил боюнча сабаттуулугу арттырылат.
    пресс-служба Нацкомиссии
1 / 2
пресс-служба Нацкомиссии
Ысык-Көлдө иш кагаздарын мамлекеттик тилде жүргүзүү боюнча окутуу иштери жүрүп жатканын Мамлекеттик тил боюнча улуттук комиссия билдирди

Бул сапар 2016-жылдын алгачкы семинар-тренинги Ысык-Көл облусунун мамлекеттик жана муниципалдык кызматкерлери үчүн Каракол жана Чолпон-Ата шаарларында уюштурулду. 

Окуунун жыйынтыгы менен 94 катышуучуга тастыктамалар тапшырылды. 

Комиссия "Иш кагаздарын мамлекеттик тилде жүргүзүүнүн негиздери" аттуу 24 сааттык методикалык семинар-тренинг бул жылы дагы республиканын бардык аймактарында улантыларын белгиледи.

69
Белгилер:
тренинг, комиссия, тил, Ысык-Көл
Тема боюнча
Бишкек мэриясы орус тилдүү кызматкерлерин кыргызча сүйлөтүп жатат
Орто мектептерде англис тилинин жумалыгы өтөт
Чүй облусундагы Оруу-Сай лыжа базасы. Архив

Бейшембиге карата аба ырайы

61
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

61
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

106
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

106
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды