Жайыттагы маралдар. Архив

Леонардо Ди Каприонун маралдарга берген акчасы кандай бөлүштүрүлөт

199
Каражаттын басымдуу бөлүгү жаныбарларды ташууга жана адистердин ишине кетет. Долбоорду ишке ашырып жаткан топтун мүчөлөрүнө айлык каралган эмес.

БИШКЕК, 31-янв. — Sputnik. Маралдарды Жалал-Абад облусуна реинтродукциялоого Леонардо Ди Каприонун фонду тарабынан бөлүнгөн акчанын басымдуу бөлүгү жол киреге кете турганын долбоордун жетекчиси Гамал Сооронкулов билдирди.

Буга чейин Кыргызстанда Нарындын мамлекеттик коругунда кармалган маралдарды Жалал-Абаддын Аксы районуна которуу боюнча долбоор башталып жатканы маалымдалган. Максаты — жаныбарлардын түпкү жерине кайтаруу. Леонардо Ди Каприонун фонду Кристенсен фондусу менен биргеликте бул максатка быйыл 30 миң доллар бөлүп берген.

Маралдарды Нарындан Жалал-Абаддын Авлетим аймагына чейин жүк ташуучу унаа менен жеткирүүгө 1950 доллар жумшалат. Ал эми бөлүнгөн каражаттын 15 миң 950 доллары жаныбарларды Алан-Тоого жеткирген тик учактарга төлөнмөкчү.

1 миң 412 долларга ноутбук, принтер, фотокапкан, видео жана фотокамералар алынат. 5 миң 120 доллар чатыр, кышкы жана жайкы атайын кийим, дүрбү, рация, бензин меш, идиш-аяк, маралдар үчүн куту, дары-дармек алууга сарпталат. Адистердин командировкасы жана жашоосу үчүн 2 миң 968 доллар каралган. 

Мындан тышкары, долбоордун ишине чет элдик адистер тартылат. Эл аралык деңгээлдеги ветеринардык дарыгерге 2 миң доллар төлөнөрү айтылууда. 

Ал эми реклама жана материалдарды соцтармактарга жайгаштырууга 600 доллар бөлүнгөн. 

Мында долбоорду ишке ашырып жаткан 17 кишиден турган топко айлык акы каралган эмес. 

Мамлекеттик айлана-чөйрөнү коргоо агенттигинин маалыматы боюнча учурда Кыргызстандын аймагында маралдын 427 башы бар. Алар негизинен Сары-Челек жана Нарын коруктары менен Ысык-Көл облусун байырлайт.

Актер Леонардо Ди Каприо 1998-жылы адамдардын табият менен таттуу мамиледе болуусун көздөгөн кайрымдуулук фондун ачкан. 

15 жыл ичинде актёр миллиондогон жардамдарды көрсөтө алган. Мындан сырткары, бул уюм илбирстерди көбөйтүү Фондусунун курамына кирет. Ал уюмга он эки өлкө менен бирге Кыргызстан да мүчөлүк кылат. 

Кыргызстандагы маралдар боюнча долбоорго фонддон дагы 60 миң доллар алуу каралган. Мында 30 миңи эмдиги жылы бөлүнсө, дагы ошончо каражат 2018-жылы берилмекчи.

199
Белгилер:
Нарын, Жалал-Абад, марал, корук, долбоорлор
Тема боюнча
Леонардо Ди Каприо маралдарды Жалал-Абадга кайтарууга жардам берет
Кабул шаары. Архив

ЖМК: талибдер өзбек тилин расмий макамынан ажыратып салды

63
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

63
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы

79
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

79
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби