Жанын кыйган адамдын өзүн өзү өрттөшүнүн болжолдуу себеби аныкталды

© flickr.com / Jeff TurnerШиреңке. Архив
Ширеңке. Архив - Sputnik Кыргызстан
Жазылуу
Окуя Бишкектин Фучик көчөсүндө болгон. Жаш жигит бензин сатып алган жайдан алыс узабай өзүн өрттөгөн.

БИШКЕК, 1-фев. — Sputnik. Тергөөчүлөрдүн айтымында, көз жумган адам өзүн өзү өрттөөгө үй-бүлөлүк көйгөйлөрүнөн улам барган. Бул тууралуу Sputnik Кыргызстан агенттигине шаардык ИИБ билдирди.

Медет Садыркулов каза болгон автоунаа. Архив - Sputnik Кыргызстан
Өрттөлгөн Садыркулов. Өткөнгө саресеп. Кудайга койгон Гаипкулов
Буга чейин 24 жаштагы жаран Фучик көчөсүндө өзүн өзү өрттөп жибергени маалымдалган. Ал ооруканага жеткирилип, денесинин 90 пайызы күйүп калгандыктан бир суткадан кийин каза болгон. 

Укук коргоо органдарынын айтымында, туугандары менен күбөлөр аталган жарандын 30-январь күнү унаада май түгөнүп калгандыктан канистр менен май куюучу жайга барып, бензин куйдуруп алганын билдиришкен.

"Бензин сатып алгандан кийин алыс узабай эле өзүнө өрт койгон", — дешти милиция кызматкерлери.

Күбөлөр жаш жигиттин жакында эле атасы каза болгонун, апасы оор абалда экенин айтышкан. Мындан улам милиция анын өлүмүнө үй-бүлөлүк көйгөйлөр себеп болгонун божомолдошууда.

Учурда окуянын тергөөгө чейинки чоо-жайы аныкталып жатат.

Жаңылыктар түрмөгү
0