Екатеринбургда жоголгон 14 жаштагы Айганыш Канат кызы. Архив

45 күн мурда жоголгон Айганыш Самарада жүрөт деген маалыматтар жалган болуп чыккан

239
(жаңыланган 13:46 17.02.2016)
Екатеринбургда жоголгон 14 жаштагы Айганыш Канат кызын издөө иштери уланып жатат.

БИШКЕК, 17-фев. — Sputnik. Мындан 45 күн мурда Россиянын Екатеринбург шаарында үйүнөн дүкөнгө чыгып, жоголуп кеткен Айганыш Канат кызы али табыла элек, издөө иштери улантылууда. Бул туурасында КРдин Екатеринбургдагы башкы консулу Төлөнбай Кожобаев Sputnik Кыргызстан маалымат агенттигине билдирди.

"Мындан бир нече күн мурда Самара шаарына бир эркек жана аял киши менен кетиптир деген маалыматтар түшкөн, аны тактай келсек, жалган болуп чыгып жатат. РФтин Тергөө комитетинин Свердлов облусу боюнча башкармалыгынын жетекчиси Валерий Задорин менен жолугуп, бул маселе боюнча сүйлөшсөм, кыз тирүү деген маалымат берди. Учурда издөө иштери улантылууда", — деди башкы консул Кожобаев.

2016-жылдын 4-январында Екатеринбург шаарында жашап жаткан кыргызстандык өспүрүм Айганыш Канат кызы кечинде дүкөнгө чыгып кеткен бойдон үйгө кайрылып келген эмес. Өспүрүмдү энеси Ош облусунун Мырзаке айылынан тааныштарынын үйүнө бала багуу үчүн жиберген.

239
Белгилер:
жоголуу, Төлөнбай Кожобаев, Айганыш Канат кызы, Екатеринбург
Тема:
13 жаштагы Айганыш Канат кызы Екатеринбургда изделүүдө (10)
Тема боюнча
Консул: Екатеринбургда жоголгон Айганыштын тирүү экени тууралуу маалыматтар бар
Көз жаш, жокчулук. Энеси Екатеринбургда жоголгон кичинекей кызы жөнүндө айтып берди
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

365
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

365
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда
Лыжа базасында эс алуучу. Архив

Дүйшөмбүгө карата аба ырайы

66
30-ноябрга караган түнү өлкө аймагында абанын температурасы төмөндөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 29-ноя. — Sputnik. 30-ноябрь, дүйшөмбүдө, күндүз республиканын кээ бир райондорунда кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас, Нарын облустарында -3…-8, Ош, Жалал-Абад, Баткен аймактарында -4 …-9, Ысык-Көлдө -4…+1 градус болот.

Ош жана Бишкек шаарларында жаан-чачын жаабайт. Күндүн табы борбор калаада -4…-6, Ош шаарында -1…+1 градуска жетет.

66
Белгилер:
Кыргызстан, ноябрь, аба ырайы
Тема боюнча
Декабрга карата аба ырайы. Тоолуу жерлерде суук 34 градуска жетет