Тоо лыжа базаларынын биринде бүгүн VII туристтик фестиваль өткөрүлөт

© Sputnik / Табылды КадырбековТоо лыжа базаларынын биринде эс алып жаткан адамдар. Архив
Тоо лыжа базаларынын биринде эс алып жаткан адамдар. Архив - Sputnik Кыргызстан
Жазылуу
Фестивалдан түшкөн каражат аутизм менен ооруган балдарга жумшалат.

БИШКЕК, 20-фев. — Sputnik. Тоо лыжа базаларынын биринде бүгүн жетинчи туристтик фестиваль өткөрүлөт. Бул тууралуу Маданият, маалымат жана туризм министрлигинин маалымат кызматы билдирди. 

"Бүгүн "Кыргызстан тоо лыжа жана кышкы эс алуу өлкөсү" аталышындагы VII туристтик фестиваль өткөрүлөт", — деп айтылат маалыматта. 

Тоодо лыжа тепкен наристелер — лыжа тебүүгө баланы 4 жашынан баштап үйрөтүүгө болот
Андан түшкөн каражат аутизм менен ооруган балдарга жумшалат. 

Мындан сырткары фестиваль аркылуу Кыргызстандагы спорттун кышкы түрлөрүн даңазалоого шарт түзүлөөрү маалыматта белгиленген. 

Уюштуруучулардын катарына Туризм департаменти, өкмөттүн алдындагы бизнес менен инвестицияны өнүктүрүү кеңеши жана бир катар мекемелер кирген.

Тоо-лыжа базаларында эс алуунун баалары, алардын жайгашкан бийиктиги, трассалардын узундугу жана татаалдыгы жөнүндө Sputnik инфографикасынан биле аласыздар>> 

Жаңылыктар түрмөгү
0