Кыргызстан дин башкармалыгы. Архив

Аттестацияга кирбей калган 59 медресе мүдүрлөрүнүн ордуна муфтий жаңыларын дайындайт

65
Кыргызстандагы диний окуу жайлардын мугалимдери менен жетекчилеринин көбү аттестацияга кирбей калды.

БИШКЕК, 24-фев. — Sputnik. Кыргызстандагы медреселердин ичинен аттестацияга кирбей калгандырынын ордуна 59 жаңы мүдүр дайындалат. Бул туурасында аттестациялык комиссиянын төрагасы, Кыргызстан дин башкармалыгынын өкүлү Абдулла Асанкулов Sputnik Кыргызстанга кабарлады. 

Кыргызстандагы 72 медресенин жетекчилеринин 59у светтик, кээ бирөөлөрдүн диний жогорку диплому жок болгондуктан, аттестацияга киргизилбей турган болду. Ал эми медреселердин ичинен 12си, 483 мугалимдин ичинен 205и да аттестациядан алыс калды. 

Аттестацияга даярдык азыркы диний окуу жайларынын чыныгы абалын көрсөтүп койду. 

Мындай олуттуу фактылар менен цифралардан кийин муфтият кандай чечим кабыл алып, диний билим берүү жаатындагы калпыстыкты кантип жоюуну карап жаткандыгын Асанкулов айтып берди. 

"Аттестацияга кирбей калган мугалимдер эми балдарды окутууга укугу жок болуп калды. Ал ишине кайра катып келүүнү кааласа, билим алып, жок дегенде сырттан окуп, келерки жылы аттестацияга кирүүгө мүмкүнчүлүк берилет",— деди Асанкулов.

Ал эми медреселерге документтерин мыйзамдаштырып, тиешелүү тараптардан уруксат кагаздарын топтоп келүүгө бир ай мөөнөт берилет.

Асанкулов светтик же диний билими жок мүдүрлөрдүн ордуна башкаларын Кыргызстан мусулмандар Дин башкармалыгынын жетекчиси дайындаарын билдирди.

"Алардын ордуна жаңыларын муфтий дайындайт. Албетте, жогорку билимдүү адистерди табуу кыйын, кыязы медреселердин мугалимдеринин ичинен орун басарлык кызматка коюп турат. Мыйзам боюнча, алар аттестациядан бир жылдан кийин өтүшөт",— деди ал.

Ал аттестация бүгүн башталып, 24-мартка чейин болоорун кошумчалады. 

Асанкулов мечиттердин 1500 имамы аттестацияга катышып, алардын жыйырма пайызы өтпөй калгандыгын айтты.

"Алардын 1300гө чукулу сынактан өттү. Ал эми калган 20 пайызы өтпөй калды. Аларга бир жылдан кийин даярданып келип, кайра тапшырышат ",— деди ал.

Учурда өлкө боюнча имамдарды окутуу процессин "Ыйман" коомдук фонду жүргүзүп келет.

65
Белгилер:
медресе, мүдүр, окуу жай, аттестация, дин
Тема боюнча
Муфтият китеп окуу сынагын жарыялады
Россия муфтияты: өрттөн каза болгон кыргыз жарандарынын окуясы жүрөк үшүн алды
Один из учредителей сети лицеев Сапат Орхан Инанды

ЖМК: Орхан Инандынын соту башталды, ал Түркия жарандыгынан баш тартты

43
(жаңыланган 17:37 17.09.2021)
Анкарада кечээ күнү Кыргызстандын жаранынын соттук процесси башталды. Анкаранын прокуратурасы соттон Инандыны 15 жылдан 22,5 жылга чейин эркинен ажыратууну сурап жатат.

БИШКЕК, 17-сен. — Sputnik. "Сапат" лицейлер тармагынын жетекчиси Орхан Инанды түрк жарандыгынан баш тартуу боюнча арыз жазды. Бул тууралуу En son haber жергиликтүү басылмасы жазды.

16-сентябрда Анкарада Инандынын иши боюнча соттук процесс башталды. Ал сот отурумуна абактан видео байланыш аркылуу катышты.

Соттолуучу колдору сынганына байланыштуу сот ишине даярдана албай калганын айтып, кошумча убакыт берүүнү өтүндү.

Инанды Кыргызстандын жараны болгону үчүн Түркиянын соту аны жоопкерчиликке тартууга укугу жок экенин жана Түркиянын жарандыгынан чыгууга арыз жазганын билдирген.

Сот аны камакта калтырып, кийинки жыйынды 23-ноябрга белгиледи.

Анкаранын прокуратурасы Орхан Инандыны 15 жылдан 22,5 жылга чейин эркинен ажыратууну сурап жатат. Ага "Куралдуу террористтик уюмду башкарган" деген айып тагылууда.

Орхан Инандынын жоголушу

"Сапат" лицейлер тармагынын президенти, Кыргызстан жараны Орхан Инанды 1-июндун түнүнөн бери дайынсыз болуп жаткан. Анын автоунаасы Октябрь районундагы Малдыбаев көчөсүндө Ала-Арча суусунун жээгинде эшиги ачык калган тейде табылган. Президент Садыр Жапаров аны табуу үчүн кошумча күч тартууну тапшырган. Ички иштер министрлиги Инандыны 1000ден ашуун милиционер издеп жатканын билдирген.

Кийинчерээк УКМК Орхан Инандыны эки жыл мурда уюшкан кылмыштуу топтун мүчөлөрү издеген деген маалымат тараткан. Инандынын табылышын талап кылган жарандар Өкмөт үйүнүн алдына бир нече жолу митингге чыгышкан.

Ал эми 5-июлда Түркия президенти Режеп Тайип Эрдоган Инанды өлкөгө алып келингенин жар салган.

43
Белгилер:
Түркия, Орхан Инанды, сот, жарандык
Тема:
Орхан Инандынын Бишкекте жоголушу
Тема боюнча
Орхан Инанды Түркияда камакка алынды. Ага кандай айып тагылган?
Боом жолу. Архив

Эскертүү! 20-сентябрдан тарта төрт күнгө Боомдо кыймыл чектелет

27
Жол тазалоо учурунда ары-бери каттаган автоунаалар үчүн трассанын бир тарабы ачык болору айтылды.

БИШКЕК, 17-сен.— Sputnik. Боом капчыгайында келе жаткан жумада таш кулатуу иштери башталарын "Кыргыз темир жолу" улуттук компаниясынан билдирди.

Жолчулар 20-сентябрдан 24-сентябрга чейин Бишкек — Нарын — Торугарт жолунун 131-чакырымында, тагыраагы, Боом капчыгайында таш кулатуу иштерин жүргүзөт. Мындай иштер таш кулап, кооптуулук жараткан кырдаалды алдын алуу максатында жүргүзүлүп келет.

Аталган иштер күндүз саат 9:00дөн 15:00гө чейин болот. Жолду тазалап жатканда ары-бери каттаган автоунаалар үчүн трассанын бир тарабы ачык болору айтылды.

27
Белгилер:
жол, Боом капчыгайы, эскертүү
Тема боюнча
Бишкектин 22 көчөсүнө асфальт төшөлүп жатат. Тизме
Шайлоого келген аял. Архивдик сүрөт

Парламенттик шайлоону өткөрүүгө канча каражат кетери белгилүү болду

0
(жаңыланган 18:10 17.09.2021)
Кыргызстанда парламенттик шайлоо үстүбүздөгү жылдын 28-ноябрына белгиленген. Бул ирет аралаш система менен өтөт.

БИШКЕК, 17-сен. — Sputnik. Жогорку Кеңешинин депутаттарын шайлоону даярдоого жана өткөрүүгө кете турган чыгымдардын жалпы суммасы 592 миллион 531 миң сомду түздү. Бул тууралуу Борбордук шайлоо комиссиясы билдирди.

Анын ичинен БШКнын жеке өзүнүн чыгымдары 235 миллион 035,0 миң сом. Мында шайлоо комиссиялары үчүн зарыл болгон борборлоштурулган сатып алууларды ишке ашыруу үчүн каражат камтылган.

Округдук шайлоо комиссияларына 339 миллион 496 миң сом бөлүнөт. Ал эми чет өлкөдөгү шайлоо комиссияларына 18 миллион сом каралган.

Кыргызстанда парламенттик шайлоо 28-ноябрга белгиленген. Бул ирет аралаш система менен өтөт. 75 партия жарышка катышуу ниетин билдирген. Учурда бир мандаттуу округдардан чыккан талапкерлердин арызы кабыл алынууда.

0
Белгилер:
парламенттик шайлоо, акча, чыгым
Тема:
Жогорку Кеңешке жаңы тартип менен болчу шайлоо
Тема боюнча
БШК бул шайлоодо талапкерлерди кандай тобокелчилик күтөрүн айтты
Шайлдабекова: былтыр бийлик менен акчанын тиреши шайлоону талкалаган