Прокурор Келдибековду 10 жылга эркинен ажыратууну сунуштоодо

© Sputnik / Эркин АлымбековАхматбек Келдибеков. Архив
Ахматбек Келдибеков. Архив - Sputnik Кыргызстан
Жазылуу
Бишкек шаардык сотто Жогорку Кеңештин мурунку төрагасы Келдибековдун иши боюнча соттук отуруму жүрүп, анда тараптар жарыш сөзгө чыгышты.

БИШКЕК, 10-мар. — Sputnik. Мамлекеттик айыптоочу Ахматбек Келдибековду мүлкүн конфискациялоо менен катуу режимде 10 жылга эркинен ажыратууну сунуштоодо.

Учурда Бишкек шаардык сотто Жогорку Кеңештин мурунку төрагасы Келдибековдун иши боюнча соттук отуруму жүрүп, анда тараптар жарыш сөзгө чыгышты.

Мурунку башкы прокурор Аида Салянова. Архив - Sputnik Кыргызстан
Келдибековдун иши боюнча Бекназаров Салянованы чакырууну талап кылууда
Прокурор Келдибековдун күнөөлөрү такталып, кылмыш иши боюнча далилдер жетиштүү экенин айтты. 

Ишти Бишкек шаардык сотун судьялары Бекболот Жаналиев, Кайсын Абакиров жана Ирина Воронцовалар карашты.

Эскерте кетсек, Ахматбек Келдибековго Жогорку Кеңештин Москвадагы өкүлчүлүгүн ачуудагы мыйзам бузууларга байланыштуу айып коюлган. 

Буга чейин Бишкектин Биринчи Май райондук соту "Коррупция" беренеси боюнча Келдибековду актап, ал эми Москвадагы өкүлчүлүктү ачуу боюнча үч миллион айып пул салган. Айыпталуучу тарап бул чечимге макул эместигин билдирип, жогорку инстанцияга доо арыз менен кайрылган.

Жаңылыктар түрмөгү
0