Аксыда чек ара боюнча митинг тынч өтүп, эл тарады

© SputnikАксыдагы митинг. Архив
Аксыдагы митинг. Архив - Sputnik Кыргызстан
Жазылуу
Чогулган элдин суроолоруна өкмөт башчы Темир Сариев жооп берип, чек арадагы чырлуу маселени айрымдар керт башынын кызыкчылыгы үчүн пайдаланууга аракет кылып жатканын айтты.

БИШКЕК, 22-мар. — Sputnik. Аксынын Кербен шаарында чек ара боюнча уюштурулган митинг тынч өтүп, эл тарап кетти. Бул тууралуу Sputnik Кыргызстан агенттигине райондун акими Медет Айдаралиев билдирди. 

Чек ара. Архив - Sputnik Кыргызстан
Аксы: бир билекке биригип, бийлик, оппозиция, молдолор чек ара маселесин түшүндүрүүдө
Эске сала кетсек бүгүн, 22-мартта Аксы районунун турундары чек ара чыры боюнча нааразычылык акциясына чыгышкан. Аны оппозиция өкүлдөрү уюштурдук деп жатышат.

Чогулган эл менен өкмөт башчы Темир Сариев жолугуп, чек арадагы чырлуу маселени айрымдар керт башынын кызыкчылыгы үчүн пайдаланууга аракет кылып жатышат, маселе мындай жол менен чечилбей турганын айтты.

Мынданс ырткары, өкмөт башчы мамлекеттик чек ара маселесин чечүүнү бетине кармап митинг уюштурууну каалагандар менен жолуугуга даяр экенин белгиледи. 

Аксы районун акими Медет Айдаралиев Кербен шаарында митинг тынч өткөнүн айтты. 

"Нааразычылык акциясына чыккан эл менен өкмөт башчы Темир Сариве жолугуп, чек ара боюнча маселени чечүүгө баардык чаралар көрүлүп жатканын айтты. Акцияга 300-400 адам катышты", — дейт аким. 

Ал эми митингти уюштуруучуларынын бири Руслан Бекназаров нааразычылык акциясына көп эл чогулганын айтты.

"Бектур Асанов, Кубанычбек Кадыров, Азимбек Бекназаров, Камчыбек Ташиев баш болгон оппозиялык маанайдагы саясатчылар келди. Жалпысынан нааразычылык акциясына эки миңге чукул адам катышып, резолюция кабыл алынды", — дейт Руслан Бекназаров. 

Ал ортодо Аксы райондук ички иштер башкармалыгынын маалымат кызматыакцияга 400гө чукул адам катышканын баса белгиледи. 

"Кербен шаарында чек ара маселеси боюнча митинг тынч өтүп, эл тарап кетти. Жалпысынан 400гө чукул адам чогулду", — деп билдирет маалымат кызмат.

Өкмөт өкүлү: Өзбекстан тарапты чек ара маселесин тынчтык жолу менен чечкенге чакырабыз
18-мартта Жалал-Абад облусунун Аксы районундагы кыргыз-өзбек чек арасынын Чаласарт аймагына өзбекстандык аскерлер кыргыз-өзбек чек арасына эки зооттолгон транспортту жана КамАЗ үлгүсүндөгү эки автоунааны айдап келип, Кербен — Ала-Бука жолуна (чек аранын такталбаган участогу) блокпостторду орноткон. Андан сырткары бир жактуу негизде "Маданият" көзөмөл өткөрүү пунктун жапкан. Өзбекстан тарап бул кадамын Нооруз майрамынын алдындагы коопсуздук чаралары менен түшүндүргөн. 

Тараптардын сүйлөшүүлөрүнөн улам Чаласарт аймагын көзөмөлдөп турган эки өлкө аскерлери кыскарып, сегизден гана аскер калган. Анткен менен маселе чечиле элек. 

Жаңылыктар түрмөгү
0