Ташбаева: "көлдүк мамонт" илимге жаңылык киргизет деп ишенебиз

© Канат Болотов"Көлдүк мамонтту" изилдөө иштери. Архив
Көлдүк мамонтту изилдөө иштери. Архив - Sputnik Кыргызстан
Жазылуу
Окумуштуулар табылга Кыргызстанда аныкталгандыктан ал башка жакка чыгарылбей турганын айтышты.

БИШКЕК, 24-мар. — Sputnik. "Көлдүк мамонт" изилденип бүткөндөн кийин илимге жаңылык киргизет деп ишенебиз. Бул тууралуу байыркы жаныбардын сөөгүн казып алуу тобун жетектеген тарыхчы Кадича Ташбаева маалымат жыйында билдирди.

Ученые на месте находки останков костей мамонта в Иссык-Кульской области - Sputnik Кыргызстан
"Көлдүк мамонттун" калдыктарын изилдегенге кыргыз окумуштууларынын күчү жетет
Белгилей кетсек, 2016-жылы 10-мартта Ак-Суу районундагы Жыргалаң суусунун боюнда жергиликтүү тургундар мамонтко окшош жандыктын азуу тишин тапкан. Аны жеринде изилдөө үчүн окумуштуулардын тобу барып, казуу иштерин жүргүзгөн.

Ташбаеванын айтымында, байыркы жаныбардын калдыгы иликтенип бүткөндөн кийин Кыргызстандын аймагында жок болуп кеткен кайсы жаныбарлар жашагандыгын, кайсы мезгилде байырлаганынын аныктоого болот.

"Бул табылганын баалуулугу — анын азуу тиши менен башынын бүтүн бойдон табылганында. Андыктан ал илимге бир катар жаңылыктарды алып келет", — деди ал.

Ташбаева табылган байыркы жаныбардын баш сөөгүнүн көлөмү 90-70 сантиметр, ал эми азуу тиштин узундуну 1,5 метр экенин кошумчалады. 

Ал эми тарых илимдеринин доктору, УИАнын тарых институтунун директору Акылбек Жуманалиев "көлдүк мамонт" Кыргызстандын аймагында адамдар жана жаныбарлар кайсы доордон баштап байырлаган деген суроого дагы жооп бериши мүмкүндүгүн баса белгиледи.

"Албетте бул табылганын илим үчүн, тарых үчүн болгон мааниси чоң. Ал толук изилденип бүткөндөн кийин адамзат тарыхына да жаңы фактылар кириши мүмкүн", — деди ал.

Палеонтолог Айзек Бакиров байыркы жаныбардын калдыктарын изилдөөгө кызыккан чет элдик адистерге чектөө болбой турганын билдирди. Ошол эле учурда ал Кыргызстанда табылган табылга катары мамлекеттен сыртка чыгарылбай турганын баса белгиледи.

Жок болуп кеткен кайсы жаныбарлардын сөөктөрү Кыргызстанда табылган бул жөнүндө Sputnik инфографикасынан көрүңүз>>

Жаңылыктар түрмөгү
0