Ички иштер министри Мелис Турганбаев. Архив

Ысык-Атадагы үч аялдын өлтүрүлүшү боюнча ишти министр Турганбаев өз көзөмөлүнө алды

125
(жаңыланган 10:14 25.03.2016)
Кечээ үйлөрдүн биринен үч аялдын сөөгү табылып, алар 64 жаштагы үйдүн кожейкеси, анын 24 жаштагы кош бойлуу кызы жана 56 жаштагы сиңдиси экени аныкталган.

БИШКЕК, 25-мар. — Sputnik. Ысык-Атанын Киргшелк айылында үч аялдын өлтүрүлүшүн иликтөөнү ИИМ башчысы Мелис Турганбаев жеке көзөмөлүнө алды. Бул тууралуу аталган мекеме билдирди.

Эскерте кетсек, кечээ үйлөрдүн биринен үч аялдын сөөгү табылып, алар 64 жаштагы үйдүн кожейкеси, анын 24 жаштагы кош бойлуу кызы жана 56 жаштагы сиңдиси экени аныкталган.

Маалыматка ылайык, бул боюнча кечээ Кылмыш жаза кодексинин 97-беренесинин 2 бөлүгү (Эки же андан көп адамды өлтүрүү) негизинде кылмыш иши козголуп, өлтүрүүнүн бир нече версиясы иштелип чыгууда. 

125
Белгилер:
Ысык-Ата, кылмыш, адам өлтүрүү, министр
Тема:
Киргшёлк айылында үч аялдын бычакталып өлтүрүлүшү (7)
Тема боюнча
Ысык-Атада үч аялды өлтүрүп кетишти, анын бирөөсү кош бойлуу экени аныкталды
Ысык-Атада түтүнгө ууланып үйдүн ээси каза болду
Ички иштер министринин мурдагы орун басары Курсан Асанов. Архивдик сүрөт

Курсан Асанов №50 тергөө абагына эки айга камакка алынды

7
(жаңыланган 20:47 16.09.2021)
Асанов бийликти күч менен басып алууга шектелип, Жазык кодексинин 309-беренесинин негизинде кармалган. Ал ушул жылдын 14-ноябрына чейин абакта болмокчу.

БИШКЕК, 16-сен. — Sputnik. Ички иштер министринин мурдагы орун басары Курсан Асанов Биринчи май райондук сотунун чечими менен №50 тергөө абагына эки айга камакка алынды.

Анын бөгөт коюу чарасы бүгүн, 16-сентябрда, тандалды. Ал сотко чейинки өндүрүш мөөнөтүнө чейин, тагыраагы, ушул жылдын 14-ноябрына чейин абакта болмокчу.

Асанов бийликти күч менен басып алууга шектелип, Жазык кодексинин 309-беренесинин негизинде кармалган.

Эске салсак, Курсан Асанов октябрь окуялары учурунда, тагыраагы, 6-октябрда ИИМдин жетекчилигине келип, бир нече күндөн кийин иштен кеткен.

Ал эми 26-январда кармалган. Ага 5-6-октябрь окуяларында Ички иштер министрлигин басып алууга аракеттенген деп Жазык кодексинин 245-беренесинин 1-бөлүгүнүн ("Имараттарды жана курулмаларды басып алуу") негизинде айып тагылган.

Экс-министр андан төрт ай өткөндөн кийин 12-апрелде Бишкек шаардык сотунун чечими менен баш коргоо чарасы өзгөртүлүп, үй камагына чыгарылган болчу.

7
Белгилер:
Курсан Асанов, камак, соттук чечим
Тема боюнча
Мурдагы премьер-министр Жоомарт Оторбаев кармалды
Адвокат: Атамбаев, Асанов, Акаев бийликти күч менен басып алууга шектелүүдө

Чалагыз Исабаев жубайы Самара Токтакунова, уулу Актан менен. Таберик сүрөт

19
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Төрдө отурган Камбаркан фольклордук-этнографиялык ансамблинин негиздөөчүсү, белгилүү музыкант Чалагыз Исабаев, анын сол жагында жубайы, СССРдин эл артисти Самара Токтакунова жана уулу Актан Исабаевдин сүрөтү 1987-жылы Фрунзе (азыркы Бишкек) шаарында тартылган
© Фото / из семейного архива Исабаевых

Төрдө отурган "Камбаркан" фольклордук-этнографиялык ансамблинин негиздөөчүсү, белгилүү музыкант Чалагыз Исабаев, анын сол жагында жубайы, СССРдин эл артисти Самара Токтакунова жана уулу Актан Исабаевдин сүрөтү 1987-жылы Фрунзе (азыркы Бишкек) шаарында тартылган.

Ал кезеңди Актан Исабаев мындайча эскерет:

"Бул сүрөт жакында эле колума тийди. Мен үчүн атам менен түшкөн ар бир сүрөтүм өтө баалуу, менин жашоомдогу эң кадыр-барктуу, сүйүктүү адамым болуп кала берет. Ал кезде мен 15 жашта болчумун. Атам менен апам көп гастролдогондуктан аларды чыдамсыздык менен күтчүмүн, чет мамлекетке кеткенде айылдагы тайларымдыкына же шаарда өкүл балдарыныкына калтырып кетишчү эле. Дайыма жалгызсырап, ата-энемди сагынып жашачумун. "Эмне үчүн башка балдардай дайыма ата-энем менен бирге жашай албайм" деп ойлоно берер элем. Арадан жети-сегиз күн өтүп келип калышат. Сүйүнүп отурсак экөө кайра эле бир айга башка мамлекетке гастролго кетчү. Ал эми алардын ортодогу мамилесине, эки ак куудай өмүр сүргөнүнө көптөр суктанчу. Экөөнүн ортосу сегиз жаш айырма да. Атабыз каза болгондон кийин апам деле кусалыктан, кайгыдан артынан кетип калышы ыктымал эле. Сезими ушунчалык күчтүү болгон. Бирок үй-бүлөсүн, балдарын ойлоп, белин бекем бууп, жашоого бел байлады өңдөнөт", — деди Исабаев.

Эске сала кетсек, "Камбаркан" фольклордук тобунун түптөөчүсү Чалагыз Исабаев 1991-жылы Ысык-Көлдө жол кырсыгынан 53 жашында көз жумган. Жубайлар 26 жыл бирге өмүр сүрүп, чыгармачылыкта бири-бирине жөлөк болуп, эки уулду татыктуу тарбиялаган. Улуу баласы Аслан АКШда скрипка боюнча сабак берип эмгектенсе, экинчи баласы Актан Исабаев Кыргызстанда төбөсү көрүнгөн ырчы-аткаруучу.

19
Белгилер:
Актан Исабаев, Чалагыз Исабаев, Самара Токтакунова, таберик сүрөт
Тема:
"Таберик сүрөт" — сейрек кездешкен ирмемдер
Тема боюнча
Легендарлуу министрди жандаган таланттар. Залкарлардын таберик сүрөтү
Театр менен кинонун Толгонайлары. Курбулардын таберик сүрөтү
Жапжаш Базаровду курчаган сулуу кыздар. "Көчөдөгү" таберик сүрөт