Мобилдик телефон. Архив

Кыргызстандагы интернеттин өчүрүлүшү жол кырсыгына байланыштуу болгон

438
(жаңыланган 14:05 27.03.2016)
Азыркыга чейин интернети жок отурган керектөөчүлөргө роутерди 10 секундага өчүрүп, кайра жандыруу сунушталат.

БИШКЕК, 27-мар. — Sputnik. Ишемби күнү саат 21.00 чамасында көпчүлүк кыргызстандыктардын интернети өчүп калган. Бул тууралуу Sputnik Кыргызстан агенттигине Whats App-каналы аркылуу жарандар билдиришкен.

"Сырткы байланыш үзүлдү", — деп бир окурман жазса, башкалары интернет kg зонасында гана эмес, тышка чыгуу байланышы дагы жоголгонун айтышкан.

Өлкөдөгү эң ири "ЭлКат" провайдери интернеттин өчүшүн Чүй облусунда катталган жол кырсыгына байланыштуу болгонун билдирди. 

"Казакстан менен чектешкен жерде жайгашкан интернет кабелин кармаган мамычаны унаа сүзүп кеткен. Түнкү саат экиге чейин оңдоо иштери жүргүзүлдү. Мындан башка Казакстандын аймагында дагы авария катталды, бирок ал бат эле калыбына келтирилген. Бишкек убактысы боюнча түнкү саат 02.06 чамасында интернет кайрадан берилди", — деп билдирди "ЭлКат" компаниясынын инженери Анатолий Попов.

Буга карабастан, эртең менен айрым окурмандар интернет байланышы жок экенини билдиришкен.

"Ал колдонуучулар роутер колдонушат окшойт. Мындай учурда роутерди 10 секундга өчүрүп, кайра жандыруу керек. Андан кийин интернет иштеши керек", — деп билдирди провайдер оператору.

Анын айтуусунда, интернеттин өчүшүнө дагы башка себептер болушу мүмкүн. Мисалы, абоненттик төлөм убактысы келип калгандыр. 

Беш саатка жакын интернети жок отурган керектөөчүлөргө компенсация берүү тууралуу азырынча, маалымат жок. Операторлор дем алыш күнү жетекчилик жок экенин айтып, так жооп бере албай тургандыктарын билдиришти.

438
Белгилер:
байланыш, интернет-провайдер, интернет
Тема боюнча
Байланыш кызматы: 2012-жылдан бери интернеттеги 20 баракча жабылды
Интернеттеги сайттардын көптүгү боюнча Кыргызстан Орто Азия боюнча 3-орунда турат
Бишкектеги Жаштар аллеясы. Архивдик сүрөт

Күн жылып, кайра муздайт. Бир жумага карата аба ырайы

57
Аптанын алгачкы күндөрү аба ырайы жылуу болуп, жаан жаабай турганы маалым болду. Жуманын экинчи жарымынан тарта күндүн көзү бузулушу ыктымал.

БИШКЕК, 7-мар. — Sputnik. Кыргызгидромет агенттиги алдыдагы жумага карата аба ырайынын божомолу тууралуу маалымат таратты.

Билдирмеге караганда, келерки аптада аба ырайы туруксуз болот. Айрым аймактарда жаан карга айланса, кээ бир жерлерде күн ачык болушу күтүлүүдө.

Чүй, Талас облустары

7-мартта түнкүсүн тоолуу райондордо кар жаайт, дыйканчылык аймактарда жаан-чачын болбой турганы айтылды. Эртең менен жана күндүз айрым райондордо жаан карга айланышы ыктымал. 8-мартта күн ачык болсо, 9-10-11-мартта Чүйдө жаан, тоолуу аймактарда кар жаашы божомолдонууда.

Ош, Жалал-Абад, Баткен облустары

Түштүк аймактарда 8-9-мартта жаан-чачын күтүлбөйт. Ал эми 7, 10, 11-мартта жаан-чачын болуп, тоолуу жерлерине кар жаашы мүмкүн.

Ысык-Көл облусу

7-8-мартта Көлдө күн жылып, жаан жаабай турганы божомолдонду. Ал эми 10-11-мартта күндүн көзү бузулуп, кээ бир райондоруна кар жаашы ыктымал.

Нарын облусу

7-8-9-мартта тоолуу аймакта күн жылуу болушу божомолдонууда. 10-марттан тарта жаан жаап, 11-мартта кар жаашы мүмкүн.

Тоолуу райондордо жолдор тонголок, тайгак болот. Батыштан соккон шамалдын ылдамдыгы секундасына 4-9 метрден, 10-мартта кээ бир райондордо 15-20 метрге жетиши күтүлүүдө.

57
Белгилер:
жаан, божомол, аба ырайы, Кыргызгидромет
Тема боюнча
Жаз кандай башталат? Мартка карата аба ырайы
Ооруканадагы бейтап. Архивдик сүрөт

Коронавирустан айыккандар чалдыгышы мүмкүн болгон оорулар. Тизме

24
Коронавирустан кийин адам бир катар илдетке чалдыгып калуусу мүмкүн. Ошол себептен дарыгердин текшерүүсүнөн өтүп туруу абзел.

БИШКЕК, 7-мар. — Sputnik. Адам коронавирус менен ооруп сакайган соң жүрөгүн, өпкөсүн, психикасын текшертип, эндокринологго да көрүнүп коюшу керек. Бул тууралуу "Аргумент и факты" басылмасына таянуу менен РИА Новости жазды.

Терапевт жана физиотерапевт Кирилл Беландын айтымында, коронавирустун күчөп кеткен чеги — бул миокардит, башкача айтканда, жүрөктүн булчуң катмарынын сезгениши. Ал коронавирустун жеңил түрүнөн кийин да пайда болушу ыктымал.

Бул ооруга кабылган адамдын алы кетип, жүрөгү ооруп, жөтөлүп, шишип кетет. Башы айланып, деми кысылат. Дартты аныктоо үчүн кардиолог ЭхоКГ, жүрөккө МРТ, ошондой эле I жана T жүрөк топонимдерине изилдөө жүргүзүшөт.

Бейтап вируска каршы препараттар менен дарыланып, мындан тышкары, төшөктөн турбай жатышы керек. Эгер дарыгердин айткандарын толук аткарбаса, адам жүрөк кемтиги менен жабыркап калышы толук ыктымал.

COVID-19дан кийин дагы бир таралган оору гиперкоагуляция, башкача айтканда, канда тромбдордун пайда болушу. Дарыланууда бейтаптар антикоагулянттарды ичүүсү зарыл. Мындан тышкары, көп эс алып, суюктук ичип, кыймыл көп болушу керек.

Врач-эндокринолог Юрий Потешкин эскерткендей, коронавирус диабеттин өрчүшүн шарттайт. Анын айтымында, COVID-19дан кийин оору жаңыдан башталышы да мүмкүн, ошондой эле диабеттин экинчи тибинин белгилерин да пайда кылат.

"Вирустук инфекция учурунда инсулинге болгон туруктуулук жогорулап, обочолонуу, начар тамактануу, кыймылсыз жашоо образы менен биргеликте тобокелдикти жогорулатат", — деп түшүндүрдү дарыгер.

Ошондуктан алсыздык, бат чарчоо, дайыма тамагы кургап жана көздүн көрүүсү начарлап, арыктап, жарааттын айыгышы жайлап калган учурларда эндокринологго кайрылуу абзел.

Басылма белгилегендей, изилдөөгө ылайык коронавирустан сакайгандардын эске тутуусу начарлап, паникага тез алдырып, маанайы бат-бат өзгөрүп турат. Айрымдары уктай албай кыйналат. Мунун бардыгы вирустун нейротоксиндик таасиринен жана мээ менен нерв системасынын жабыркашынан улам келип чыгат. Ошол себептен көп эс алып, сейилдеп жана сааты менен тамактанып туруу керек. Ошону менен бирге эстутумду калыбына келтирүүгө кроссворддор жана баш катырмалар жардам берет.

24
Белгилер:
дарыгер, дары, нерв, бейтап, коронавирус
Тема:
Дүйнөгө жайылган коронавирус
Тема боюнча
Коронавирус сифилис, сарык, бруцеллез, ичеги-карын ооруларын азайтты. Статистика
ДССУ: коронавирустун ыңгайлашып, көнүшүп кетүүсүнө жол бербейли!