Астананын аэропортундагы окуяга карабай Бишкек – Астана каттаму үзгүлтүккө учураган жок

© Sputnik / Максим Блинов / Медиабанкка өтүүАэропорттон учуп жаткан учак. Архив
Аэропорттон учуп жаткан учак. Архив - Sputnik Кыргызстан
Жазылуу
"Бек Эйр" компаниясына таандык учак Астананын аэропортуна авариялык түрдө конгон. Алдын ала маалымат боюнча учактын алдыңкы дөңгөлөктөрү толугу менен ачылбай калган.

БИШКЕК, 27-мар. — Sputnik. Казакстандын борбор калаасына авариялык түрдө конгон учактан улам Бишкек — Астана каттамы боюнча учкан учактар кармалган эмес. Бул тууралуу "Манас" аэропортунан Sputnik Кыргызстан маалымат агенттигине билдиришти.

ЖМК: Boeing учагы штурвалдын тоңуп калышынан улам кыйрашы мүмкүн
Бүгүн саат 10.36да Астананын аэропортуна "Бек Эйр" авиакомпаниясынын "Фоккер-100" үлгүсүндөгү учагы авариялык негизде конгон. Ал Кызылорда — Астана каттамы менен учкан. Учактын алдыңчы дөңгөлөктөрү толугу менен ачылбай калганы айтылууда. Анын ичинде 121 киши болсо, анын 116сы жүргүнчү, бешөө экипаж болгон. Жаракат алгандар жок.

Маалымдоо кызматынын билдиришинче, Бишкек убактысы боюнча саат 10.35те Астанага каттаган учак учуп кеткен. Ал Казакстандын борборуна белгиленген саатта конгон.

Учурда эч кандай кечигүү же кармалган каттамдар жок экенин маалымдоо кызматынын кошумчалашты.

Учактын авариялык конуусу боюнча Казакстантын Транспорт прокуратурасы кылмыш ишин козгоду.

Жаңылыктар түрмөгү
0