Макияж жасап жаткан кыз. Архив

Жети дубандын кыздары чачына кандай кам көрөт. Калыптанып калган жалпы түшүнүктөр

2327
(жаңыланган 15:37 04.04.2016)
Чач аялзатынын сулуулугуна көрк кошуп тураары талашсыз. Кыргызстандын жети дубанынын айым-кыздары чачын кандай алып жүрүп, кандай кам көрүшөрүнө эркин журналист Гүлдана Талантбекова кызыгып көрдү.

Албетте айтылган бул ойлор менен ар ким эле макул болбошу мүмкүн. Биз калыптанып калган жалпы түшүнүктөр боюнча гана сөз кылабыз.

Өрүк зарлуу Баткендин бактылуу кыздары региондор арасында чач өстүрүү, аны багуу жагынан алдыңкы орунду бербей келет. Алардын чачтары адатта тизеден ылдый, жоон жана кайраттуу келет. Мындай керемет чачтын сыры көрсө, кадимки көздү ачыштырган пиязда экен. Алгач пиязды сүргүчтөн өткөрүп, андан соң маска кылып чачтын түптөрүнө сүйкөшөт. Жыйынтыгында чач бекем жана калың болуп өсөт. Бул аймактын кыздары чачтарын өрүп жүрүшөт. Байлап же түйүп алуу улуулардын көзүнө өөн көрүнөт дейт кыздар.

Ордолуу Оштун кыздары күрүч менен дос экендигин билсеңиз керек. Бирок адатта булар бир ок менен эки коёнду атышат. Биринчиси күрүчтөн аш жасашат, экинчиси ошол күрүчтүн суусуна чач жуушат. Мында чач жибектей кулпуруп, жер чийип өсөт деп айтышат. Анан дагы ал жибек чачты кыркуу же байлап жүрүү кадыресе көрүнүш эмес. Чачты өрүп алуу мүнөздүү.

Жаштардын шаары Жалал-Абад түштүктүн бөлөк региондорунан айырмаланып, чачтарын узун кылып алып жүрүүсү милдеттүү эмес экен. Ошого карабастан чачтары кайраттуу жана табиятынан кара түстө болот. Себеби, сарымсак — алардын туруктуу досу. Аны чачтын түптөрүнө маска түрүндө колдонушат. Эгерде сиз дагы бул ыкманы колдоном деп жатсаңыз, кулагыңызга күмүш сырга. Аталган масканы колдонгондон кийин миң түркүн шампунь менен жуусаңыз да чесноктун жыты кетпейт. Андыктан чесноктон кийин сөзсүз соода менен жууганды унутпаңыз. Баса, кыздар чачтарын байлап жүрүшөт, болгондо да төбөсүнө кондуруп байлоо актуалдуу экен.

Ысык-Көлдүн ак куулары сууга жакын болгондугуна байланыштуу чачтары бат өсөт, бирок жука келет дешет. Көлдө балык көп. Балыктын эти витаминдерге бай экенин баарыбыз эле билсек керек. Анын пайдасы кыздардын чачына да тийет. Көлдүн кыздары чачтарын өрүп алышат, же баштын төбөсүнө эмес, так ортосуна байлашат. 

Камкордугу жагынан айтсак чалкандын суусуна жуушат, ал чачты бекемдейт. Бирок ошого карабастан жука жана суюк келет. Себеби суусунда май жок. Көрсө, илгери апаларыбыз чачтарына сары май сүйкөгөнү бекеринен эмес турбайбы. 

Таалайлуу Таластын татынакай кыздарынын чачтары эмнеге күнгө чыкканда чагылышып турат деп ойлоп жатсаңыз, түйүнү жөпжөнөкөй. Алар кадимки жумуртка менен балды аралаштырып, элдик маска жасап алышкан. А бул ыкма чачка "алтын" түс берет. Таластыктар чач өстүрүүгө көп куштар эмес. Эгер ал жактан узун чачтуу айымды жолуктуруп калып, түбүн териштире келсеңиз Баткендин кызы болуп чыгышы мүмкүн. Албетте, айтылгандын баары тамаша. Бирок кайсыл гана регион болбосун турмуш-шартка, өскөн өсүмдүккө жараша кам көрсө керек.

Алыскы Нарындын перилери эзелтен май менен дос десек аша чапкандык болбос. Дегенибиз илгертен бери айран, сүзмө менен баш жуумай салт эле. Анан да эт жеп жатканда атасы кызынын кашына майын сүйкөп койгону калппы? Май чачты байытып, тартса жулунгус кайраттуу кылат. Дагы бир далил Нарында 6 ай кыш болот. Жергиликтүү эл бул мүмкүнчүлүктү пайдаланып, кардын суусуна кир жууп, өздөрү да жуунуп келишкен. Бул өтө пайдалуу нерсе. Бирок чачтарын узун алып жүрүүсү шарт эмес, региондор арасында чачты ар кандай кылып байлап жүрүү мүнөздүү. 

Ал эми Чүй, Бишкектин кыздарынын арасынан түркүн-түстүү чачтарды жолуктурууга болот. Арасында узуну, кыскасы да бар. Анан шаардагы сууга хлор кошкондуктан ал чачты тез эле алсыздандырып, түшүшүнө алып келет. Мындайда айласыз кыркканга туура келет. 

Стилист кеңеш берет

Луиза Сатыбекова, стилист, чач тарач

Акыркы убактарда кыздар чачтын узундугуна, анын табигый күрөң өңүнө басым жасап жатышат. Быйылкы жылдын модасы катары чачты боёо жана мелировкалоо мүнөздүү. 

"Мен такыр эле кыздардын чачтарын хна менен боеп алганына түшүнө албайм. Ал чачты тескеринче алсыздандырып, биротоло өлтүрөт. Жадакалса чачтын түзүлүшүн бузган дал ушул хна. Бул боёк алыскы Кытай, Индиядан алып келинет. Баасы алда канча арзан. Эл ошол себептен арзан жакка качып атса керек. Андан көрө кутудагы боектор пайдалуу. Арзан оокаттын кымбат түйшүгү болот", — дейт ал.

Сатыбекова шампунь менен чачты жуугандан кийин артынан бальзам сүйкөсө чач кулпуруп көркүнө чыгарын айтат. Бальзам, анан калса чачты жумшартуучу касиетке ээ.

2327
Белгилер:
чач, сулуу, Кыргызстан
Тема боюнча
Барби куурчагын кыргызга айландырган уз
Кайын-журтуна сиңе албай жаткан келиндер же кыргыз кыздары жөнүндө маек
Уйлар. Архив

Ош: күйдүргү чыккан уй эмделбегени үчүн ветеринарлар жазаланды

39
(жаңыланган 18:29 12.08.2020)
Учурда Ош облустук ооруканасында күйдүргүгө шектелип жети киши жатат, ал эми бир адамдан илдет тастыкталган. Оору очогу болгон айыл карантинде.

БИШКЕК, 12-авг. — Sputnik. Кара-Суу районуна караштуу Папан айыл өкмөтүнүн Тогуз-Булак айылында союлган уйдан күйдүргү тараганына байланыштуу эки тарап жазаланды. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, ооруга себепкер болгон уй убагында эмделбегени үчүн Кара-Суу районунун Беш-Мойнок ветеринардык сервисине айып тагылды. Себеби уй ошол жакта багылган, ал эми Тогуз-Булак айылына жай мезгилинде убактылуу алып келинип, малчылар карап жаткан. Ошондой эле аны сойгон кишиге дагы айып салынган.

"Малды убагында эмдеп турушу керек болчу, бирок бул иш аткарылган эмес. Учурда ошол оорулуу уйдун эти чогултулуп, териси, кыгы эпидемиологдордун көрсөтмөсү боюнча көмүлдү. Эки миңден ашуун мал жандык күйдүргү оорусуна каршы эмделди", — деди Мияшев.

Тогузбаева: шарп, кутурма, күйдүргү — адам өмүрү үчүн да кооптуу

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган.

Учурда оорунун очогундагы тургундардын күн сайын дене табы өлчөнүп, медициналык байкоо жүргүзүлүп жатат. Ал эми уйдун этин жеген 288 кишиге ооруну алдын алуу үчүн атайын дары-дармектер берилүүдө.

Ошондой эле илдет чыгышы мүмкүн деген жерлер дезинфекцияланып жатат.

 

39
Белгилер:
уй, эмдөө, оору, ветеринария, күйдүргү, Тогуз-Булак, Кара-Суу району, Ош облусу
Тема боюнча
Оштун Кара-Суусунда сегиз киши күйдүргүгө шектелип ооруканага түштү
Күйдүргү: Кара-Суунун Тогуз-Булак айылына карантин киргизилди
Проект строительства логистического центра по переработке и сортировке баткенского урюка и текстильной фабрики в Баткенской области

Жылына 8 тонна. Баткенде өрүктү кайра иштеткен логистикалык борбор курулууда

86
(жаңыланган 17:02 12.08.2020)
Мындан тышкары текстиль фабрикасынын курулушу башталган. Ишкерликтин бул түрлөрүнө төрт гектар жер бөлүнүп, 14 миллион доллар каражат салынган.

БИШКЕК, 12-авг. — Sputnik. Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты. Бул тууралуу өлкө башчынын маалымат кызматы кабарлады.

Ага ылайык, өнөр жай түрлөрү үчүн төрт гектар жер бөлүнгөн. Өрүктү кайра иштетүү боюнча долбоорго 8 миллион долларга жакын инвестиция салынган.

  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өнөр жай түрлөрү үчүн төрт гектар жер бөлүнгөн.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өрүктү кайра иштетүү боюнча долбоорго 8 миллион долларга жакын инвестиция салынган.
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
"Борбордун ишке кириши менен 200 жумушчу орун түзүлүп, ал эми жергиликтүү фермерлер өздөрүнүн продукциясын — даңазалуу Баткен өрүгүн сатууну жөнгө сала алышат. Жыл сайын сегиз тонна өрүктү кайра иштетүү үчүн мүмкүнчүлүк жаралат", — деп айтылат маалыматта.

Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда. Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.

Көйгөйдүн баары ачыкталды. Президент Баткенде оңдолуп жаткан оорукананы көрдү

Өз кезегинде Жээнбеков ишкерликтин мыйдай түрлөрү колдоого аларлык экенин белгилеген.

Долбоорлордун курулуш иштерин толук бүткөрүү 2020-жылдын декабрына пландалган.

86
Белгилер:
курулуш, долбоорлор, ишкер, өнөр жай, фабрика, өрүк, Сооронбай Жээнбеков, Баткен
Тема боюнча
Шерипов: көлдүктөр жаңгакка кызыкдар эмес, алма-өрүккө көнүп алышкан
Ат-Башыга курулчу логистикалык борбор: инвестордун 45 миллион сому кайда?
Өкмөт: Ат-Башыга логистикалык борбор курчу инвесторго 45 млн. сому кайтарылат
Бензовоздун жарылуусунун кесепети. Иллюстративдик сүрөт

Бишкек Ош жолунда эки бензовоз өрттөнүп, бир киши каза болду. Видео

0
(жаңыланган 19:10 12.08.2020)
Кырсыктын бири Чычкан капчыгайында болсо, экинчи автоунаа Ала-Белде оодарылып кетти. Жыйынтыгында бир киши көз жумду.

БИШКЕК, 12-авг. — Sputnik. Бүгүн Бишкек — Ош автожолунда эки бензовоз кырсыктап, өрттөнүп кетти. Бул тууралуу ӨКМдин маалымат кызматынан билдиришти.

Окуя болгон жерде тартылган видеолор "Короче" Тelegram-каналына жүктөлдү.

Биринчи окуя Токтогул районундагы Чычкан капчыгайында катталды. Бишкек — Ош унаа жолунун 239-чакырымында күйүүчү май ташыган оор жүк ташуучу унаанын прицеп-цистернасынан өрт чыккан.

"Өрттү өчүрүүгө саат 12:19да Токтогул райондук №97 Өрт-куткаруу кызматынан бир бөлүм тартылган. Бирок от куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан тогуз кызматкер тартылган. Унаалардын өтүүсү жол инспекторлору тарабынан көзөмөлдөнүүдө", — дешти ӨКМден.

Экинчи кырсык Ала-Белде болгон. Саат канчада жана кандай жагдайда болгону такталып жатат. Азырынча өрттөнгөн автоунаанын ичинде бир адам каза болгону белгилүү.

0
Белгилер:
ӨКМ, автоунаа, өрт, Жалал-Абад, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте кафеден өрт чыкты. Видео
Эс алам деп... Хакасиядагы жол кырсыгында кыргызстандык жигиттер каза болду