Ажыга барчуларды каттоо бир жумадан кийин башталат

© Sputnik / Табылды Кадырбеков2016-жылы ажыга бара тургандардын кийими. Архив
2016-жылы ажыга бара тургандардын кийими. Архив - Sputnik Кыргызстан
Жазылуу
Муфтияттан ажылыкка аттанган аял кишинин жанында күйөөсү же эркек туугандарынан турган коштоочусу болушу шарт деп билдиришти.

БИШКЕК, 4-апр. — Sputnik. 2016-жылы Ажылыкка баруучуларды каттоо облустук, шаардык казыяттарда жана райондук хатибияттарда 11-апрелден 11-майга чейин жүргүзүлөт. Быйыл Сауд Аравиясы Кыргызстанга Меккеге барууга 3685 квота бөлдү. Бул туурасында Кыргызстан мусулмандар дин башкармалыгынан маалымат кызматынын өкүлү Максат Атабаев билдирди. 

Мекеге барууга ниет кылгандарды каттоо өлкө аймагы боюнча бардыгы болуп 39 жерде, бир ай бою жүргүзүлөт.

Презентация формы одежды для паломников Кыргызстана на хадж 2016 года - Sputnik Кыргызстан
Быйылкы зыяратчылардын кандай кийим киери аныкталды
Ысык-Көл, Нарын, Талас, Бишкек жана Ош шаарында каттоо иши казыяттарда гана жүргүзүлсө, Баткен, Чүй, Жалал-Абад, Ош облусунда ажыларды каттоо иши казыяттарда жана райондордо өткөрүлөт.

Ажыга баруучулар бир нече жылдан бери чучукулак кармоо жолу менен аныкталып келет. Муфтият чучукулакка катыша тургандарга коюлуучу талаптарды айтып берди. Башкысы — Меккеге аттанган кишинин курагы 18 жаштан кем болбошу шарт. Андан сырткары өзү менен ажылыкка катталуу үчүн РСК банкына төлөнгөн 500 сомго берилген дүмүрчөктү, өзү жашаган аймактагы мечиттин имамынан алынган мурда ажылыкка барбагандыгы боюнча маалымдама катты, чет элдик паспортун, ID-картасын (каттоого турганы 2015-жылдын 1-октябрынан кем болбошу керек), (3x4) көлөмүндөгү 4 сүрөтүн ала келиши зарыл.

Ажылыкка аттанган аял кишилердин коштоочусу болушу шарт деп билдиришти муфтияттан.

"Күйөөсү менен барса, нике күбөлүгү же махрамы (коштоп бара турган жакын тууганы) болсо туулгандыгы тууралуу күбөлүктүн түп нускасы талап кылынат", — дешти муфтияттын маалымат кызматынан.

Меккедеги шайтанга таш ыргытууга бараткан зыяратчылар. Архив - Sputnik Кыргызстан
Ажылыктагы тыгылыштан арылуу жолу табылды
Андын сырткары каттоого келген кишилер кийиминин өлчөмүн жана телефон номурларын калтырышы шарт.

Муфтияттан электрондук чучукулактан өткөн жарандар жогоруда талап кылынган документтерден сырткары дагы кошумча кагаздарды топтошу керек.

Учурда ажылыкты уюштуруу боюнча ведомстволор аралык штаб муфтият менен биргеликте ажылыкка даярдануу иштерин баштады.

Зыяратчылардын ажылык сапарга кие турган кийимдерин тигүүчүлөр конкурстук негизде тандалды. 

Жаңылыктар түрмөгү
0