Учак. Архив

Екатеринбургдагы автобекетте табылган Айганыштын сөөгүн жакынкы күндөрү алып келишет

275
(жаңыланган 15:44 05.04.2016)
13 жаштагы өспүрүм кыздын сөөгүн алып келиш үчүн Екатеринбургдагылар акча топтоп жатышат.

БИШКЕК, 5-апр. — Sputnik. Екатеринбургда дайынсыз жоголуп кетип, денеси шаардын автобекетинен табылган 13 жаштагы Айганыштын сөөгү жакынкы күндөрү Кыргызстанга жиберилет. Бул туурасында КРдин Екатеринбургдагы башкы консулу Төлөнбай Кожобаев Sputnik Кыргызстан маалымат агенттигине билдирди.

Оштун Мырза-Аке айылынын жашоочусу 13 жаштагы Айганыш Канат кызынын энеси Анара Молдобазарованын айтымында, Екатеринбургдагы айылдаштары бала бактырганга алып кетип, ал жактан жоголуп кеткен

"Иликтөө иштери аяктагандан кийин Айганыш Канат кызынын сөөгү Башкы консулдукка беришет. Учурда сөөктү жөнөтүү боюнча каражат чогултулуп жатат. Бир-эки күн аралыгында кыздын сөөгү мекенине жиберилет",— деди консул Кожобаев.

Ал эми Өзгөн районунун Мырза-Аке айылында турган Айганыштын таенеси Зууракан Алайчиева небересинин сөөгүн 6-апрелде күтүп жаткандыгын айтты. 

"Айганыштын денеси экенин таанышыптыр. Неберемдин каза болгондугу туурасында телевизордогу жаңылыктардан уктук",— деди Алайчиева.

Таенеси небересинин сөөгүн кызды бала бактырабыз деп алып кеткен айылдашы алып келээрин айтты.

2016-жылдын 4-январында Екатеринбург шаарында жашап жаткан кыргызстандык өспүрүм Айганыш Канат кызы кечинде дүкөнгө чыгып кеткен бойдон үйгө кайрылып келбей, издөө иштери үч ай уланган.

КРдин Екатеринбургдагы башкы консулу Кожобаев кечээ, 4-апрелде Екатеринбургдун автобекетиндеги табылган дене мындан үч ай мурда жоголгон 13 жаштагы Айганыш Канат кызына таандык экенин тастыктаган.

275
Белгилер:
сөөк, Айганыш Канат кызы, Екатеринбург
Тема:
13 жаштагы Айганыш Канат кызы Екатеринбургда изделүүдө (10)
Тема боюнча
ИИМ: Екатеринбургда жоголуп кетти делген Айганыштын өлүмүнүн себеби аныкталды
Екатеринбургдун вокзалында табылган сөөк Айганыштыкы экенин айылдашы тааныды
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

344
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

344
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда
Лыжа базасында эс алуучу. Архив

Дүйшөмбүгө карата аба ырайы

65
30-ноябрга караган түнү өлкө аймагында абанын температурасы төмөндөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 29-ноя. — Sputnik. 30-ноябрь, дүйшөмбүдө, күндүз республиканын кээ бир райондорунда кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас, Нарын облустарында -3…-8, Ош, Жалал-Абад, Баткен аймактарында -4 …-9, Ысык-Көлдө -4…+1 градус болот.

Ош жана Бишкек шаарларында жаан-чачын жаабайт. Күндүн табы борбор калаада -4…-6, Ош шаарында -1…+1 градуска жетет.

65
Белгилер:
Кыргызстан, ноябрь, аба ырайы
Тема боюнча
Декабрга карата аба ырайы. Тоолуу жерлерде суук 34 градуска жетет