Ала-Бука районун Көк-Таш айыл өкмөтү

Ала-Бука районунда абал тынч, жергиликтүү элге түшүндүрүү иштери жүргүзүлүүдө

370
(жаңыланган 18:46 05.04.2016)
Кыргыз-өзбек чек арасында коопсуздугунан тынчсызданган эл бийликтен кошумча аскердик күчтөрдү коюп берүүнү суранды.

БИШКЕК, 5-апр. — Sputnik. Ала-Бука районун Көк-Таш айыл өкмөтүндөгү Чоң-Сай (Арап) айылындагы кыргыз-өзбек чек арасындагы абал боюнча тиешелүү тараптар жергиликтүү элге түшүндүрүү иштерин жүргүздү. Өзбек тараптын чек арачылары такталбаган тилкеге кирген эмес деп билдирди КРдин Мамлекеттик чек ара кызматынын жетекчиси Раимберди Дүйшембиев Sputnik Кыргызстан маалымат агенттигине. 

Местные жители села Чон-Таш Ала-Букинского района во время разъяснительных мероприятий по вопросам госграниц.
Арзымат Абдыкеримов
Ала-Бука районун Көк-Таш айылынын жашоочулары

Көк-Таш айыл өкмөтүнүн башчысы Сакыбай Мамбеталиев Sputnik маалымат агенттигине Өзбекстан аскерлери такталбаган аймактарга кол менен жол таптап кирип жатканын айткан. 

"Чоң-Сай айылына каттаган багытта Өзбекстан тараптан кошо жол салуу аракеттери жасалып, биздин жолго түшүп келишине болжол менен 500 метрдей калган", — деген Мамбеталиев.

Бүгүн Чоң-Сай айылына 100гө чукул эл чогулган. Алар менен Ала-Бука райондук администрациясынын жетекчиси, УКМКнын, ИИМдин, Мамлекеттик чек ара кызматынын райондук бөлүмдөрүнүн өкүлдөрү жана Мамлекеттик каттоо кызматынын өкүлдөрү жолукту. 

"Алар кечээ түнү менен келишкен. Бүгүн эл менен жолугуп, чек ара аймактарда болушту. Эл такталбаган чек ара аймагына жол салууга ниеттенген өзбек тарапты токтотуу, көк-таштыктардын коопсуздугун камсыз кылуу максатында кошумча аскерлерди коюу талабын айтышты", — деди Мамбеталиев. 

Айыл өкмөтүнүн жетекчисинин айтымында, жергиликтүү элден да түнкү нөөмөтчүлөрдү уюштурулуп, алар чек арачыларга жардам берүүдө. 

"Жашоочулардан турган нөөмөтчүлөр эми чек арачыларга кошумча жардам көрсөтөт. Бүгүн келген комиссия аныкталган чекти жергиликтүү элге көрсөтүп, мал-жанды андан ары өткөрүп жибербөө зарылдыгын түшүндүрүп кетишти", — деди ал.

Фамилиясын атагысы келбеген Көк-Таш айылынын Баяман аттуу жашоочусу нааразы эл айылдын борборуна кечээ эле чогулуп, талаптарын койгондугун айтты. 

"Бул жерди илгертеден кыргыздар пайдаланып келген. Көк-Таш айылынан Чоң-Сай айылына кетүүчү жол бар. Алар такталбаган тилке аркылуу жол салып, абдан эле жакындап келген. Муну эл билген эмес, мал багып жаткандар көрүп калып, анан ызы-чуу башталган. Кечээ Көк-Таш айылынын борборуна жетимишке жакын чоң-сайлыктар келип, жергиликтүү бийликтен абалды түшүндүрүүнү талап кылышты",— деди Баяман. 

Бул маалыматтар боюнча түшүндүрмө берген Мамлекеттик Чек ара кызматынын жетекчиси Раимберди Дүйшембиев өзбек тарап такталбаган чек ара тилкесине кирбегендигин, бул боюнча эл арасында түшүндүрүү иштери жүргүзүлүп жаткандыгын айтты.

"Ал такталбаган жер. Өзбек тараптын чек арачылары такталбаган тилкеге кирген эмес. Алар аталган аймакты сырттан кайтарып турат. Андыктан азыр тийиштүү иштер жүргүзүлүп жатат. Жергиликтүү элге тиешелүү өкүлдөр такталган аймакты, шарттуу чек ара аймакты көрсөттүк. Абалды өзүм көзөмөлгө алып турам", — деди Дүйшембиев. 

Чек ара башчысынын айтымында, абал тынч, эки өлкөнүн мамлекеттик чек ара кызматтары штаттык режимде иштеп жатышат, кошумча аскердик күчтөр тартылган эмес. 

370
Белгилер:
Жалал-Абад, Ала-Бука району, Көк-Таш, Чоң-Сай айылы, кыргыз-өзбек чек арасы
Тема боюнча
Асанов: Өзбекстан Аксы, Ала-Букадагы чек арадан өз аскерлерин толугу менен чыгарып кетти
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

41
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

41
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

81
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

81
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!