Айганыш Канат кызы. Архив

Үч ай изделген Айганыштын сөөгү эртең менен Мырза-Акеге алынып келинип, жерге берилди

1554
(жаңыланган 09:35 08.04.2016)
Жокчулуктун, жоопкерчиликсиздиктин айынан эмгек мигранты болуп кичинекей Айганыш чоочун эле, бөтөн жерде каза болду…

БИШКЕК, 7-апр. — Sputnik. Екатеринбургда дайынсыз жоголуп кетип, денеси шаардын автобекетинен табылган 13 жаштагы Айганыштын сөөгү бүгүн кичи мекенине алып келинип, Мырза-Аке айылында жерге берилди.

Бул туурасында аталган айылдын тургуну Мырзакул Саипов Sputnik Кыргызстан маалымат агенттигине билдирди.

Оштун Мырза-Аке айылынын жашоочусу 13 жаштагы Айганыш Канат кызынын энеси Анара Молдобазарованын айтымында, Екатеринбургдагы айылдаштары бала бактырганга алып кетип, ал жактан жоголуп кеткен. 

"Кыздын сөөгү "Екатеринбург — Ош" аба каттамы менен алынып келинип, эртең менен Мырза-Акеге жеткиришти. Бүгүн жерге берип, азыр тажыясын өткөрүп жатышат", — деди Саипов.

КРдин Екатеринбургдагы башкы консулу Төлөнбай Кожобаев сөөктү Кыргызстанга жөнөтүү боюнча каражат чогултулуп жаткандыгын билдирген.

Өзгөндүн Мырза-Акесинде жашаган Айганышты апасы алган кредитин төлөй албай, материалдык кыйынчылыктан улам, аны мигрант болуп жүргөн айылдаштарына бала баккыч кылып Екатеринбургга жөнөткөн. Бала бакканга кеткенден кийин өспүрүмдөн иштеп тапкан акчасына энеси кредитин чекесинен төлөп кутула баштаган. 13 жашар кыз эки жыл ичинде болжол менен 20-30 миң рублдин тегерегинде акча жөнөткөн. 

2016-жылдын 4-январында Екатеринбург шаарында жашап жаткан кыргызстандык өспүрүм Айганыш кечинде дүкөнгө чыгып кеткен бойдон үйгө кайрылып келбей, издөө иштери үч ай уланган.

Кыз жоголгондон кийин Екатеринбургдун милиция кызматы, аталган аймактагы кыргызстандыктардын коому активдүү издөөгө киришип, бирок, тилекке каршы андан майнап чыккан эмес.

Башкы консул Кожобаев 4-апрелде Екатеринбургдун автобекетиндеги табылган дене мындан үч ай мурда жоголгон 13 жаштагы Айганыш Канат кызына таандык экенин тастыктаган.

Айганыш Мырза-Аке айылындагы туулган, үч бир туугандын улуусу болучу, атасы учурда түрмөдө эле. 

Ошентип, жокчулуктун, жоопкерчиликсиздиктин айынан эмгек мигранттык кылган Айганыш жашында жайрап, чоочун эле, бөтөн жерде каза болду…

1554
Белгилер:
тажия, Мигрант, Айганыш Канат кызы, Мырза-Аке айылы, Өзгөн
Тема:
13 жаштагы Айганыш Канат кызы Екатеринбургда изделүүдө (10)
Тема боюнча
ИИМ: Екатеринбургда жоголуп кетти делген Айганыштын өлүмүнүн себеби аныкталды
Кредит кесепети: унутулган мектеп, Россияда жоголгон 13 жашар Айганыш
Украина президенти Владимир Зеленский. Архивдик сүрөт

Зеленскийдин жыйында сүйлөп жатып катуу чыккан үндөн чочуп кеткен видеосу

11
Украина лидери муз аянтчанын маалымат борборунда машыктыруучулар, спортчулар жана чиновниктер менен жыйын куруп жаткан учурда катуу үн чыккан.

БИШКЕК, 24-окт. — Sputnik. Украина президенти Владимир Зеленский Мариуполь шаарындагы Mariupol Ice Center муз аянтынын ачылыш салтанатында катуу чыккан үндөн чочуп кетти.

Окуянын видеосун "Страна.ua" Telegram-каналы жарыялады.

Окуя муз аянтчанын ачуу салтанаты бүткөндөн кийин болду. Расмий иш-чара аяктагандан соң "Мариуполь" менен "Сокол" (Киев) хоккей командаларынын беттеши башталган. Бул учурда украина лидери муз аянтынын маалымат борборунда машыктыруучулар, спортчулар жана чиновниктер менен жыйын куруп жаткан.

Видеодо көрүнүп тургандай, президент сүйлөп жатканда күтүүсүз жерден катуу үн чыккан. Зеленский чочуп кетип, кулагын жаап калганы көрүнүп турат. Ал учурда анын жанына дароо жан сакчы келе калган.

"Баары жайында, баары жайында", — деген Зеленский.

Президент андан ары тамашага салып жыйында жалаң баатыр жүрөктүү спортчулар отурганын айтып сөзүн улаган.

Зеленский трибунада сүйлөп жаткан Лукашенкону чочутту. Видео

Зеленский техникалык себептерден улам жолугушууну үн күчөткүчсүз эле улантууну сунуштаган.

11
Белгилер:
үн, Украина, Владимир Зеленский
Тема боюнча
Рада депутаты: Украинада Зеленскийди тактан кулатууга даярдык жүрүп жатат
Жооп берип каласыз! Кадыров Зеленскийдин кечирим суроосун талап кылды
Борбордук шайлоо комиссиясынын кызматкерлери

ИИМ БШКны кандай негизде тинтип, текшерип жатканын түшүндүрүп берди

27
(жаңыланган 16:53 24.10.2020)
ИИМ БШКнын шайлоолорду даярдоо жана өткөрүү боюнча учурдагы ишмердүүлүгүнө кийлигишпей турганын жана ага укугу жок экенин эскертти.

БИШКЕК, 24-окт. — Sputnik. Борбордук шайлоо комиссиясынын бардык документтерин алууга уруксат берген Бишкек шаарынын Биринчи май райондук сотунун токтому бар. Азыркы учурда документ күчүнө кирип, аны аткаруу милдети ИИМге жүктөлгөн. Бул тууралуу Ички иштер министрлиги БШКны эмненин негизинде тинтүүгө алганын түшүндүрүп жатып айтты.

Эскерте кетсек, түшкө маал БШК имараты тинтүүгө алынып, документтер чогултулуп жатканы кабарланган. Буга комиссиянын кызматкерлери нааразычылыгын билдирген болчу.

БШК президенттик шайлоонун мөөнөтүн белгиледи

Билдирүүдө ИИМдин тергөө кызматы Жазык кодексинин 331-беренесинин ("Шалаакылык") негизинде сотко чейинки өндүрүш жүргүзүп жатканы белгиленет. Министрликтин айтымында, материалды Башкы прокуратура 2020-жылдын 8-октябрында Кылмыш-жаза кодексинин бирдиктүү реестрине каттаган.

"Кыргызстандын "Кыргыз Республикасынын президентин жана Жогорку Кеңештин депутаттарын шайлоо жөнүндө" мыйзамында жарандар өздөрүнүн шайлоо укугун ишке ашырууга, мыйзамдардын талаптарын катуу сактоо менен шайлоого катышууга укуктуу экени жазылган. Бирок шайлоону даярдоодо жана өткөрүү учурунда бир топ мыйзам бузуулар аныкталган. Муну маалымат ресурстарындагы жаңылыктар, укук коргоо органдарынын бирдиктүү реестрине каттаган материалдар тастыктайт. Шайлоо мыйзамдарын бузуу массалык башаламандыкка алып келип, масштабдуу каршылык акциясы өткөн. ИИМ өз ишин мыйзамды сактоо менен өз ыйгарым укуктарынын чегинде гана иш алып барып жаткандыгын билдирет. Жогорудагы тергөө амалдары Жазык кодексинин жобосуна ылайык жүргүзүлүүдө. БШКнын бардык тиешелүү документтерин алууга уруксат берген Биринчи май райондук сотунун токтому бар. Азыркы учурда токтом күчүнө кирип, аны аткаруу милдети жүктөлгөн", — деп айтылат маалыматта.

Билдирүүдө жүргүзүлүп жаткан сотко чейинки өндүрүш аталган комиссиянын 5-октябрга чейинки ишмердүүлүгүнө байланыштуу экени кошумчаланды.

Мындан тышкары, ИИМ Шайлоо жана референдумдарды өткөрүү боюнча борбордук комиссиянын шайлоолорду даярдоо жана өткөрүү боюнча учурдагы ишмердүүлүгүнө кийлигишпейт жана укугу жок экенин эскертти.

27
Белгилер:
акция, шайлоо, комиссия, Башкы прокуратура, мыйзам, ИИМ, БШК
Тема боюнча
БШК имараты тинтүүгө алынып, документтер чогултулуп жатат