Премьер-министр Темир Сариев. Архив

Сариев: аткарылбай калган иштер, акталбай калган үмүттөр үчүн элден кечирим сурайм

237
(жаңыланган 16:22 11.04.2016)
Темир Сариев мамлекеттик ишмер катары бийлик бутактары менен мындан ары да кызматташып, жардам берүүгө даяр экендигин айтты.

БИШКЕК, 11-апр. — Sputnik. Бүгүн премьер-министр Темир Сариев өкмөттүн чукул жыйынында отставкага кетээрин расмий билдирип жатып элден кечирим сурады.

"Аткарылбай калган иштер, акталбай калган айрым үмүттөр үчүн элимден кечирим сурайм. Өзүмдүн бардык тажрыйбамды, билимимди жумшадым. Албетте, баарыбыз биргеликте көп нерсени ишке ашырдык. Биргелешип иштеп, көмөк көрсөткөндөргө ыраазычылык билдирем", — деди Сариев. 

Сариев Мамлекеттик ишмер катары өлкөбүздүн, мекенибиздин, элибиздин жаркын келечеги үчүн бардык бийлик бутактары менен кызматташып, жардам берүүгө даяр экендигин айтты.

Кечээ Сариев Facebook баракчасына анын ишмердүүлүгү жана Балыкчы — Корумду жолун реконструкциялоо боюнча жарыяланган тендер жана бир катар маселелер боюнча негиздеме жазып, бул адилет иликтениши керек деген маанайда билдирүү жазган. 

Сариевдин премьерлиги эмнеси менен эсте калды: демилгелер, ийгиликтер жана "бармак тиштеген" учурларын Sputnik Кыргызстан агенттигинин инфографикасынан көрүңүз>>

237
Белгилер:
суроо, кечирүү, отставка, Темир Сариев
Тема:
Темир Сариевдин отставкасы (17)
Ак кунастар. Архив

Ак кунастарды 23 жаштагы жигит аткан. Сузак милициясы сүрөттөгү жарандарды кармады

18
(жаңыланган 12:34 06.08.2020)
Буга чейин басылмалардын биринде атылган ак кунастарды кармап сүрөткө түшкөн кишилер тууралуу маалымат чыккан.

БИШКЕК, 6-авг. — Sputnik. Жалал-Абад облусунун Сузак райондук милициясы Кызыл китепке киргизилген ак кунастарды аткан кишини кармады. Бул тууралуу ОИИБдин маалымат кызматы кабарлады.

Ага ылайык, 4-август күнү коргоого алынган ак кунастарды кармап сүрөткө түшкөн кишилер тууралуу маалымат жарыяланган.

Мындан улам Биотүрдүүлүктү сактоо жана өзгөчө корголуучу жаратылыш аймактары департаменти тарабынан ак кунастарды аткандарга чара көрүү үчүн Жалал-Абад ОИИБине кат жолдонгон.

Сүрөт "Короче" телеграмм каналына коюлган.

Анын негизинде Сузак райондук милиция канаттууну аткан жаранды аныктаган.

"Окуя 30-июль күнү саат 14:30 чамасында Сузак районунун Кара-Дарыя айыл аймагында болгон. 23 жаштагы жергиликтүү тургун сайсыз курал менен дарыянын жээгинде учуп бараткан үч ак кунасты атып, андан кийин сүрөткө түшкөн. Кийин анын 20 жаштагы бир тууган иниси дагы атылган ак кунастарды кармап сүрөткө түшүп, социалдык тармакка чыгарып жиберген", — деп айтылат маалыматта.
Подозреваемый в отстреле белых аистов в Джалал-Абадской области
© Фото / пресс-служба УВД Джалал-Абадской области
Кызыл китепке киргизилген ак кунастарды атууга шектелген жаран

Милиция Жалал-Абадда жоголгон эже-сиңдини Баткенден тапты. Кыздардын жообу

Кечээ аталган факты Кылмыш жана жоруктардын бирдиктүү реестрине Жоруктар жөнүндө кодексинин 144-беренеси ("Жаныбарларды жана өсүмдүктөрдү жок кылуу") менен катталып, сотко чейинки өндүрүш иши ачылган.

Ал эми сайсыз ок атуучу курал боюнча акт түзүлүп, соттук-баллистикалык экспертиза дайындалган.

Тергөө аракеттери уланып жатат.

18
Белгилер:
кармоо, Сүрөт, сатуу, милиция, ОИИБ, Жалал-Абад облусу
Тема боюнча
Ноокенде 10 жашар кызды зордуктаган бала өмүр бою эркинен ажыратылды
Айдоочулук күбөлүк. Архив

Жоголгон айдоочулук күбөлүк менен номерди кайра алуунун шарттары өзгөрдү

12
(жаңыланган 12:33 06.08.2020)
Эми айдоочу жоголгон күбөлүгүн кайра даярдатуу үчүн паспорт, ден соолугу, айдоочулук мектепти бүткөндүгү тууралуу маалым кат жана айдоочулук жеке картасын алып барса жетиштүү.

БИШКЕК, 6-авг. — Sputnik. Жоголуп кеткен айдоочулук күбөлүктү же автоунаанын мамлекеттик номерин кайра алуунун шарттары жеңилдеди. Бул тууралуу Мамлекеттик каттоо кызматынан билдиришти.

Тагыраагы, аларды кайра алуу үчүн зарыл болгон документтердин арасынын төмөнкүлөр кыскартылды:

автотранспорт каттоодо турган же мамлекеттик номер жоголгон аймактын жол кыймылынын коопсуздугун камсыздоо боюнча орган тарабынан номердин жоголгондугу тууралуу маалым кат;

Кыргыз Республикасынын жол кыймылынын коопсуздугун камсыздоо органдары тарабынан кайрылган жарандын айдоочулук укугунан же айдоочулук күбөлүгүнөн ажыратылбагандыгы тууралуу маалым кат.

"Унаа" ишканасынын бөлүмдөрү карантинден кийин ачылды. Тизме

Эми айдоочу жоголгон күбөлүгүн кайра даярдатуу үчүн паспорт, ден соолугу тууралуу 083/у формасындагы маалым кат, айдоочулук мектепти бүткөндүгү тууралуу маалым кат жана айдоочулук жеке картасын алып барса жетиштүү.

Ал эми мамлекеттик номерди калыбына келтирүүгө автотранспорттун ээсинин парспорту жана мүлктүн каттоодо тургандыгы тууралуу күбөлүгү гана зарыл.

12
Белгилер:
эреже, каттоо, күбөлүк, автоунаа, Кыргызстан
Тема боюнча
Калкты тейлөө борборуна эми телефон аркылуу кезекке туруп коюуга болот