Кан анализи. Архив

Бишкекте гемофилияга каршы күнү белгиленет

43
(жаңыланган 09:03 13.04.2016)
2016-жылдын 14-апрелинде Бишкектеги медициналык колледжде гемофилияга каршы күнү өтөт. Анда бардык каалоочулар келип кан тапшырса болот.

БИШКЕК, 13-апр. — Sputnik. Бишкекте эл аралык гемофилияга каршы күнү белгиленет. Бул тууралуу гемофилия менен ооругандардын коомдук бирикмесинин жетекчиси Нурбек Орозалиев билдирди. 

Маалыматка ылайык, 2016-жылдын 14-апрелинде Бишкектеги медициналык колледжде саат 9:00дон 14:00го чейин гемофилияга каршы күнү өтөт. Анда бардык каалоочулар келип кан тапшырса болот. Аларга атайын белектер каралган. 

Ал эми 15-апрель күнү саат 9:00до гемофилия менен ооругандар жана алардын туугандары нааразычылык акциясына чыгып, анда илдетке чалдыккандарды дары-дармектер менен камсыз кылуу маселеси көтөрүлөт. 

Гемофилия — кан плазмасында канды уютуучу факторлордун жетишсиздиги. Бул илдетке чалдыккандардын бир жери канаса аны токтотуу өтө кыйын болуп, өмүргө коркунуч жаралат.

43
Белгилер:
гемофилия, кан, оору
Тема боюнча
Бишкектеги жаңы конуштагы мектептин аянтынан машина окуучуну тебелеп кетти
Министрлер онкологиялык оорулуу балдар үчүн кан беришти