Гезит бетиндеги макала

Беш өрдөк: коалициядан "чыгам" деген Төрөбаев, КТРКнын "кучагынан" өткөн кыз-келиндер

1184
(жаңыланган 15:52 18.04.2016)
Кыргызстандагы басылмаларга чыккан айың-кептерди аныктап, жума сайын гезит-журналдарга саресеп салабыз. Айың кептер айылынан арылабыз.

"Өнүгүү-Прогресс" көпчүлүк коалициядан чыгат экен, эгер…

Эгер көпчүлүк коалиция төрагалыкка жалгыз талапкер катары Канат Исаевди тандай турган болсо, "Өнүгүү-Прогресс" коалициядан чыгат имиш деген сөз саясат айдыңында тарай баштады.

Бул имиштерди фракциянын өкүлү, депутат Тынчтыкбек Шайназаров четке кагып, андай сөз болбогонун Sputnik Кыргызстан маалымат агенттигине билдирди.

"Бул жөн гана катардагы ушак. Андай сөз болгон эмес. Негизи мыйзам боюнча төраганы парламент шайлашы керек. Ошондуктан көпчүлүк коалиция эки талапкерди тең көрсөтүүсү керек. КСДП Канат Исаевге ыктап жатат деген кеп расмий айтылган жок", — дейт ал.

Эскерте кетсек, мыйзам боюнча эгер "Өнүгүү-Прогресс" фракциясы көпчүлүк коалициядан чыга турган болсо, өкмөт отставакага кетиши керек болот.

Азимбек Бекназаров өзбектердин "конторасына" "конок" катары чакырылып…

"Жаңы Агым" гезитинин өткөн санында оппозиция өкүлү Азимбек Бекназаров 1982-1987-жылдары Ташкентте техникумду аяктаганын жазып, ошол маалда өзбектердин сыйын көрүп калбады беле?— деп суроо салат.

"… ал 1982-1987-жылдары Ташкендеги юридикалык техникумду аяктаган экен. Анан суроо жаралат: ошогезде Азимбек Анаркулович кокусунан өзбектердин "конторасына" "конок" катары чакырылып, көк чай ичип "даам" сызып калган эмес беле? Эгер азыркы шпион окуясы чын болсо ошондогу "сыйдын" акысын кайтарып жаткан жокпу?", — деп собол салат аталган гезит.

Оппозиция өкүлү Азимбек Бекназаров Кыргызстанда сөз эркиндиги бар экенин айтып, өз ыйманы алдында, кыргыз эли алдында ак экенин Sputnik Кыргызстан маалымат агенттигине билдирди.

"Эмне кылабыз эми, бизде сөз эркиндиги бар экен, жазчулары жазып жатат. Мен башкысы Кудай алдында, ыйманым алдында, эл алдында акмын. Бул күндөр да өтөт. Мындай каралоону мен 25 жылдан бери көрүп келе жатам. Көптөрдөн айырмаланып, мындай маалымат тараткандарды сотко берген жокмун. Менин ушундай ак көңүлдүгүмдөн пайдаланып жатышат окшойт. Кыргызстандыктар менчелик болбосо да, менин жарымымчалык патриот болгондо Кыргызстан бул акыбалга келбейт эле", — дейт ал.

Бекназаров ошондой эле буга чейин өлкө башчыны да башка мамлекеттин шпиону деген маалыматтар тараганын, эмнеге буга атайын кызматтар маани бербей, эч кандай реакция кылган жок деп кайра суроо узатат.

"Бизде атайын кызматтар эмне кылып жатат? Буга чейин президентти агент деп жазышты, унчуккан жок, мени шпион деп жатышат, ага унчуккан жок. Атайын кызматтар гезит-сайттарга чыккан нерселерди такташ керек. Мен да кезинде УКМКда куратор болгом. Ар бир ЖМКга чыккан нерселерди текшергиле деп тапшырма берчүмүн. Азыркылар эмне, эшек такалап отурабы", — дейт Бекназаров.

Кызматкерлерге "койнун ачкан" КТРК

Гезиттерден баштап социалдык тармактарга чейин КТРКда жумушка орношуу үчүн жетекчиликтин "кучагынан" өтүш керек деп кызуу талкуулашты. Чынында эле Коомдук телерадиоберүү корпорациясына жумушка орношуу канчалык "оор" экенин КТРКнын директору Илим Карыпбековдон сурадык.

"Бизде миңден ашык кызматкер иштейт. Коомдун талкуусуна алынган окуя тууралуу айта турган болсок, эки кишинин ортосундагы жеке келишпестиктен улам, жалпы КТРКга сөз тийип жатат", — дейт ал.

Карыпбеков каналдагы бош орундарга биринчи кезекте КТРКда иштеп жүргөн кызматкерлердин талапкерлиги караларын айтат. Эгер сунушталган орунга татыктуу талапкер табылбай калган учурда гана сырттан тажрыйбалуу адистер тартыларын ал кошумчалады.

1184
Белгилер:
тыңчылык, Азимбек Бекназаров, Илим Карыпбеков
Тема:
Беш өрдөк – айың-кептер айылы (23)
Тема боюнча
Беш өрдөк: Алтыбаева депутаттыктан кетип, Бекназаров кармалабы?
Беш өрдөк: президент болчу Ибраимова жана РАЖдан депутат болууну эңсеген Тербишалиев
Проект строительства логистического центра по переработке и сортировке баткенского урюка и текстильной фабрики в Баткенской области

Жылына 8 тонна. Баткенде өрүктү кайра иштеткен логистикалык борбор курулууда

56
(жаңыланган 17:02 12.08.2020)
Мындан тышкары текстиль фабрикасынын курулушу башталган. Ишкерликтин бул түрлөрүнө төрт гектар жер бөлүнүп, 14 миллион доллар каражат салынган.

БИШКЕК, 12-авг. — Sputnik. Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты. Бул тууралуу өлкө башчынын маалымат кызматы кабарлады.

Ага ылайык, өнөр жай түрлөрү үчүн төрт гектар жер бөлүнгөн. Өрүктү кайра иштетүү боюнча долбоорго 8 миллион долларга жакын инвестиция салынган.

  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өнөр жай түрлөрү үчүн төрт гектар жер бөлүнгөн.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өрүктү кайра иштетүү боюнча долбоорго 8 миллион долларга жакын инвестиция салынган.
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
"Борбордун ишке кириши менен 200 жумушчу орун түзүлүп, ал эми жергиликтүү фермерлер өздөрүнүн продукциясын — даңазалуу Баткен өрүгүн сатууну жөнгө сала алышат. Жыл сайын сегиз тонна өрүктү кайра иштетүү үчүн мүмкүнчүлүк жаралат", — деп айтылат маалыматта.

Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда. Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.

Көйгөйдүн баары ачыкталды. Президент Баткенде оңдолуп жаткан оорукананы көрдү

Өз кезегинде Жээнбеков ишкерликтин мыйдай түрлөрү колдоого аларлык экенин белгилеген.

Долбоорлордун курулуш иштерин толук бүткөрүү 2020-жылдын декабрына пландалган.

56
Белгилер:
курулуш, долбоорлор, ишкер, өнөр жай, фабрика, өрүк, Сооронбай Жээнбеков, Баткен
Тема боюнча
Шерипов: көлдүктөр жаңгакка кызыкдар эмес, алма-өрүккө көнүп алышкан
Ат-Башыга курулчу логистикалык борбор: инвестордун 45 миллион сому кайда?
Өкмөт: Ат-Башыга логистикалык борбор курчу инвесторго 45 млн. сому кайтарылат
Эстеликтеги гүлдөр. Архив

Эл акыны Гүлсайра Момунова дүйнө салды

70
(жаңыланган 16:57 12.08.2020)
Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн. 1971-жылы Жазуучулар союзунун, 1965-жылдан тарта СССР Журналисттер союзунун мүчөсү болгон.

БИШКЕК, 12-авг. — Sputnik. Кыргыз Республикасынын эл акыны Гүлсайра Момунова оорудан улам каза болгонун жакындары тастыктады. Алардын айтымында, 83 жаштагы акын пневмонияга кабылып, үч күн мурун ооруканадан чыккан.

Алдын ала маалымат боюнча, Момунованын сөөгү 13-август күнү "Ала-Арча" көрүстөнүнө коюлат.

Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн.

1971-жылы Жазуучулар союзунун, 1965-жылдан бери СССР Журналисттер союзунун мүчөсү болгон.

1987-жылы "Кыргыз Республикасынын маданиятына эмгек сиңирген ишмер" наамын алган. 2001-жылы "Эр Манас урпагы" медалы менен сыйланып, 2003-жылы "Түгөлбай Ата" адабий сыйлыгынын лауреаты болгон. 2011-жылы Кыргыз Республикасынын эл акыны наамын алган.

70
Белгилер:
өлүм, оору, акын
Тема боюнча
Экс-министр Жамал Ташыбекова көз жумду
Хакасияда болгон жол кырсыгы

Эс алам деп... Хакасиядагы жол кырсыгында кыргызстандык жигиттер каза болду

0
(жаңыланган 17:02 12.08.2020)
Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

БИШКЕК, 12-авг. — Sputnik. Хакасияда беш кыргызстандык жол кырсыгына кабылып, экөө көз жумду. Бул тууралуу аймак боюнча Жол кыймылы коопсуздугун камсыздоо башкармалыгынын "ВКонтакте" тармагындагы баракчасына жарыяланды.

  • На месте ДТП с кыргызстанцами в Хакасии
    Хакасияда беш кыргызстандык жол кырсыгына кабылып, экөө көз жумду
    © Фото / УГИБДД Хакасии
  • На месте ДТП с кыргызстанцами в Хакасии
    Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.
    © Фото / УГИБДД Хакасии
1 / 2
© Фото / УГИБДД Хакасии
Хакасияда беш кыргызстандык жол кырсыгына кабылып, экөө көз жумду

Маалыматка караганда, кыргызстандыктар Красноярск крайынан көлгө түшүп, эс алуу үчүн барышкан. Кырсык 11-август күнү саат 13:50дө Ачинск — Ужур — Шира — Троицкое автожолунун 232-чакырымында болгон.

Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

"Кесепетинде арткы орундуктагы эки киши көз жумган. Айдоочу менен 24 жана 20 жаштагы эки жигитке медициналык жардам көрсөтүлдү. Бирок алар ооруканага жаткан жок", — деп айтылат кабарда.

Машина талкаланган. Бишкектин четиндеги үрөй учурган кырсыктын видеосу

Кырсыктын чоо-жайы иликтенип жатат.

0
Белгилер:
өлүм, жол кырсык, Хакасия, Россия
Тема боюнча
Бетме-бет сүзүшкөн. Көлдөгү жол кырсыктын чоо-жайы