Жусуп Баласагындын "Куттуу билими" кайрадан басылып чыкты

© Ринат МурзаевЖусуп Баласагындын 1000 жылдыгынын ачылыш аземи. Архив
Жусуп Баласагындын 1000 жылдыгынын ачылыш аземи. Архив - Sputnik Кыргызстан
Жазылуу
Чыгарма президенттин социалдык коргоо жана колдоо фондусунун колдоосу менен басылды.

БИШКЕК, 19-апр. — Sputnik. Жусуп Баласагындын "Куттуу билим" китеби кайрадан басылып чыгып, бүгүн Улуттук илимдер академиясында бет ачары болуп өттү. Бул тууралуу Илимдер академиясынын маалымат кызматы билдирди.

Китептин бет ачарына президент аппаратынын этникалык, диний жана жарандык коомчулук менен иш жүргүзүү боюнча бөлүм башчысынын орун басары Заирбек Эргешов, акын, котормочу жана жазуучу Төлөгөн Козубеков, Илимдер академиясынын академиги Аскар Какеев жана студенттер катышты. 

"Миңдеген жыл мурда бул жерде Карахандар доорунун гүлдөгөн учуру өткөн. Мына ошол доордун мурасы — "Кутбилим", бул чыгарманы эми орус жана англис тилдерине которуу каралып жатат", — деди Эргешов.

Куран китебин окуп жаткан мусулман. Архив - Sputnik Кыргызстан
Бишкекте исламга байланышкан эски китептердин фестивалы өтөт
Мындан тышкары, иш-чарада аталган китептин бүгүнкү күндөгү терроризм, улутчулдук, экстремизмге жана башка жаман көрүнүштөргө бул улуу чыгарма жакшы бөгөт болору айтылды. Катышуучулар чыгарманы бала бакчадан тартып мектептерге, ЖОЖдорго атайын программа катары киргизүү зарылдыгын белгилешти.

Чыгарма президенттин социалдык коргоо жана колдоо фондусунун колдоосу менен басылды.

Эскерте кетсек, улуу ойчул Жусуп Баласагындын 1000 жылдыгы эл аралык деңгээлде белгиленет.

Жаңылыктар түрмөгү
0