Азема Дыйканбаева. Архив

Өлүм алдында жаткан кыз кантип Кыргызстандын сулуусу болду

(жаңыланган 18:01 19.04.2016)
Азема Дыйканбаева ак куудай койкоюп, сахнага чыкты… Бул ирмемге ал аябай дыкаттык менен даярданган. Дарыгерлерден буту шишип чыгып, дарты чыдатпаганына да көз жуумуп койгон.

"Кыргызстандын сулуусу-2016" сынагында калыстар тандаган ай жаркын чүрөк кыз доктурлардын жардамысыз көпкө чейин жашай албасын бир да жан билген жок… Sputnik Кыргызстан кайрат-күчү опол тоодой кыздын тагдырын биринчи жактан алып баяндап берет. 

Победительница конкурса Миссис Кыргызстан — 2016 Азема Дыйканбаева
предоставлено Beauty Company Kyrgyzstan
"Кыргызстандын сулуусу-2016" сынагында калыстар тандаган ай жаркын чүрөк кыз Азема Дыйканбаева

Мен бала чагымдан бери атактуу болууну самачумун. Ырчы болом го деп ойлогом, убакыттын өтүшү менен деле бул оюмдан кайта албай койдум. Бирок жашоо өз мыйзамын таңуулап койду — уюлдук компанияда операторлукту аркалап калдым.

Жолдошум менен кантип таанышканымды эстегим да келбейт. Жүрөгүм ооруйт… Бирок ак көйнөк кийген күнүм жашоомдогу эң бир бактылуу көз ирмем катары көөдөнүмдө кала бермекчи.

Ден соолугум эч убакта тынчымды алган эмес. Эч качан! Бирок бир күнү үйдөн өзүмдү кескин начар сезип кеттим. Эсиме ооруканадан гана келдим. Дарыгерлер кеп бөйрөгүмдө экенин айтышты.

Мен жашмын, көрө турган күнүмдүн баары алдыда. Анан эле дарыгерлер төрөөгө уруксат бербей коюшканда кандай абалда калганымды элестетип көрсөңүз… Мен укканыма ишене алган жокмун. 

Победительница конкурса Миссис Кыргызстан — 2016 Азема Дыйканбаева
предоставлено Beauty Company Kyrgyzstan
Азема Дыйканбаева: "Ден соолугум эч убакта тынчымды алган эмес. Эч качан! Бирок бир күнү үйдөн өзүмдү кескин начар сезип кеттим. Эсиме ооруканадан гана келдим."

Жолдошума баары бир болчу. Бала — менин кыялым эле, ошондуктан тобокелчиликке белсендим.

Динара Түмөнбаева, Улуттук госпиталдагы гемодиализ блогу кошулган нефрология бөлүмүнүн башчысы:

— Мындан төрт жыл мурун, жаңы жылдын алдында бизге өлүм алдында жаткан кызды алып келишти. Эптеп сактап калдык. Ооруга кадимки ангина себеп болгон. Жөнөкөй эле дарт бөйрөккө берген. Буга баарыбыз кабылышыбыз мүмкүн.

Ошентип кайра ооруканага түштүм… Эч бир аялга жарыкка келе элек баласынан айрылышын каалабайм… Ушуну менен бүтүп калса кана, эки бөйрөгүм тең иштебей калды.

Ошондон кийин жолдошумду такыр көргөн жокмун. Мен ооруканадан чыгып жатканда анын башка жакка кетип калганы белгилүү болду. Ага чалып, канча жолу кайрылып келүүсүн сурандым…

Балалуу болууга аракет кылганым үчүн өкүнөсүңбү дейсизби? Ооба, өкүнөм. Анткени, мындан аркы жашоом жасалма бөйрөк аппаратына байланган. Ооруканага эки күндө бир келем, төрт саат бою керебетте жатам. Процедуралардан кийин жүрөгүм айланып, дене-боюмдун калчылдаганы көпкө чейин кетпейт.

Динара Түмөнбаева:

— Азема — 1-топтогу майып. Бир эле сеанска келбей койсо, эртеңки күндүн көзүн көрбөй калышы мүмкүн. Мындай бейтаптарга сууну көп ичүүгө болбойт, анткени аба жетпей муунуп калышат. Өзүнө көп күч келтирбей, тамак-ашты да тандап жеши керек. Бул ооруга чалдыккандар көп болсо 15-20 жыл жашайт. Албетте, кош бойлуу болууга тыюу салынат!

Качан өзүмдү колго алышым керек экенин сезгенимди билесизби? Бир жолу жолдошума чалсам, бейтааныш кыз алып, анын жубайы экенин айтты. Ушундан кийин негедир аябай жашагым келди. Өткөнгө кайра кайрылуу жок эле.

Бир жолу теледен "Кыргызстан сулуусу-2016" сынагына тандоо жүрүп жатканын көрүп калдым. Мен да сулуу болгум келди. Апам менен дарыгерлер аябагандай колдоо көрсөтүштү. 

Победительница конкурса Миссис Кыргызстан — 2016 Азема Дыйканбаева
предоставлено Beauty Company Kyrgyzstan
Динара Түмөнбаева: "Балалуу болууга аракет кылганым үчүн өкүнөсүңбү дейсизби? Ооба, өкүнөм. Анткени, мындан аркы жашоом жасалма бөйрөк аппаратына байланган."

Эмнегедир ушул кыздардын баары менен атаандаша аларыма көзүм жетип турду. Мейли, алардын акчасы, бактылуу бүлөсү, байланышы болсун, мага баары бир эле. 

Майып экенимди эч кимге айткан жокмун. Андыктан көп саатка созулган репетицияларда чыдабай кеткенимди эч ким түшүнгөн жок. Баары эле обу жоктонуп жатат деп ойлошту. Ошол убакта гемодиализден шишиген буттарым шилтөөгө келбей, башым айланып жатканын билдирбөөгө болгон күчүмдү жумшадым.

Менин бирден бир артыкчылыгым — басыгым болду окшойт. Мектептен эле басканың аябай келишимдүү деп көп укчумун. Калыстардын да купулуна ушул артыкчылыгым толсо керек. 

Сахнага төрт ирет чыктык. Бул аябай сонун көз ирмемдер эле! Андан да журналист келип мени менен маек курам деп атса… Жомок!

Мен сынакта "Кыргызстандын назик сулуусу" болдум. Албетте, жакшы жетишкендик.

Динара Түмөнбаева:

— Мындай дартка тушуккан адамдардын көбү өздөрүн да, жакындарын да кыйнай башташат. Тагдырына наалат айтып, дарыгерлерди жактырышпайт. Ошондо алар ашка да, башка да жүк боло баштайт. Бирок биздин Азема андайлардан эмес! Анын кайрат-күчү нар көтөргүс! 

Победительница конкурса Миссис Кыргызстан — 2016 Азема Дыйканбаева
© Sputnik / Табылды Кадырбеков
Азема Дыйканбаева: "Эч качан тагдырыма таарынбайм. Кудай мындай сыноолорду жакшы көргөн адамдарына гана жиберерин билем. Билесиңерби, мен көпкө чейин жашайм. Сезип турам."

Эч качан тагдырыма таарынбайм. Кудай мындай сыноолорду жакшы көргөн адамдарына гана жиберерин билем. Билесиңерби, мен көпкө чейин жашайм. Сезип турам.

Азыр менин жанымда жакшы адам бар. Ал менин гемодиализге байлануу болгонумдан улам балалуу боло албай турганымды билет. 50-60 миң доллар чогултуп, бөйрөктөрүмдү алмаштыруу үчүн операция жасатууну кыялданам. Ал менин кадырыма жетет!

Белгилер:
сулуу, гемодиализ, Азема Дыйканбаева
Тема боюнча
Азиз ишкер Бишкекте ашкана ачып, майыптарды жумушка алып жатат
Абхазиянын номери тагылган унаа. Архив

Министрлик: Абхазиянын номери тагылган унааларды мамлекет алып коюшу мүмкүн

(жаңыланган 20:04 13.04.2021)
Кыргызстандын аймагына Абхазиянын номери тагылган унааларды алып кирүү жана эксплуатацияга берүү ЕАЭБдин бажы нормалары боюнча мыйзамдарын бузууга жатат.

БИШКЕК, 13-апр. — Sputnik. Абхазиянын номери тагылган унаалар бажы көзөмөл аймагындагы убактылуу сактоочу кампага киргизилет. Бул тууралуу Экономика жана финансы министрлигинен кабарлашты.

Ведомстводон билдиришкендей, Кыргызстандын аймагына Абхазиянын номери тагылган унааларды алып кирүү жана эксплуатацияга берүү мыйзам бузууга жатат.

"Чет элдик жарандар ЕАЭБдин аймагына үчүнчү өлкөлөрдүн жеке колдонуусу үчүн унаасын ала келсе болот. Бирок андай машинаны КРдин аймагында колдонууга бир жыл гана убакыт берилет", — дешти министрликтен.

Киргизилген унааларды ЕАЭБдин аймагында үчүнчү тараптарга сатууга жол берилбейт. Декларант анын атына жазылган унааны өзү гана айдашы керек.

Эске салсак, буга чейин Кыргызстандын аймагынан бажычылар Жол кыймылы коопсуздугун камсыздоо башкы башкармалыгынын инспекторлору менен биргеликте Абхазиянын номерлерин тагып жүргөн 10 автоунааны кармаган.

Белгилер:
Евразиялык экономикалык биримдик, мыйзам бузуулар, унаа, Абхазия, Кыргызстан
Тема боюнча
Бишкекте Абхазиянын номери тагылган автоунаалар кармалууда
ЕАЭБ аймагында өзү өччү чылым пайдалануу сунушталып жатат
Жанып турган лампа. Архив

Эртең Бишкектин бир нече көчөсүндө жарык болбойт. Тизме

Шаршемби күнү тиешелүү адистер подстанциялардагы электр жабдыктарын оңдоп, бутактарды кыйышат.

БИШКЕК, 13-апр. — Sputnik. Эртең, 14-апрелде, Бишкек шаарынын бир нече жеринде электр жарыгы өчүрүлөт. Бул тууралуу "Түндүк электр" ачык акционердик коомунан кабарлашты.

Ал күнү адистер подстанциялардагы электр жабдыктарын оңдоп, бутактарды кыйып жана башка жумуштарды жасамакчы.

Жарык берүү үзгүлтүккө учурай турган аймактар:

  • 9:00дөн 13:00гө чейин — Дэн Сяопин, Алыкулов, Астрахань, Белгород, Камчатка көчөлөрүнүн кесилишинде;
  • 9:00дөн 17:00гө чейин — Каховский көчөсүндөгү №37 үйдө жана Абдымомунов, Фрунзе, Осмонкул көчөлөрүнүн кесилишинде;
  • 9:00дөн 18:00гө чейин — Лев Толстой, Леваневский, Профсоюз, Фучик жана Арча-Бешик жаңы конушунун кээ бир бөлүгүндө (Ак-Түз, Кызыл-Адыр, Садыбакасов көчөлөрүндө);
  • 9:30дан 17:00гө чейин — Жибек жолу жана Манас проспектилеринин кесилишинде, Осипенко, Тюмень, Күрөңкеев, профессор Зима, Ананьев жана Ташкент көчөлөрүнүн кесилишинде;
  • 9:30дан 18:40ка чейин — Фере көчөсүндө;
  • 9:30дан 19:00гө чейин — Жогорку Төкөлдөш жаңы конушунда жана Литов, Кийизбаев, Октябрь, Армейская көчөлөрүнүн кесилишинде;
  • 9:40тан 18:00гө чейин — Байтик баатыр, Үсөнбаев, Абдрахманов көчөлөрүнүн кесилишинде.
Белгилер:
электр жарыгы, Бишкек
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Толкун менен жарышып сёрфинг тепкен спортчулардын бүйүр кызыткан видеосу

Динамикалуу музыканын ыргагында сёрфинг тепкен спортчулар укмуштуудай трюктарды жасап жатканын көрүүгө болот.

Эки мүнөткө жетпеген видеодо спортчулар океандын толкуну менен жарышкан кереметтүү кадрлар камтылган.

Ролик YouTube компаниясынын расмий баракчасына жарыяланды.

Белгилер:
толкун, спорт, серфинг
Тема боюнча
Болбогон жерден жем болду… Чалынып кетип арстанга кармалган эликтин видеосу