Балык тутуу. Архив

Ышкыбоздук жана спорттук балык уулоочулукка тыюу салынды

88
Чүй, Талас, Жалал-Абад жана Ош облустарында 1-майдан 1-июнга чейин көлмөлөрдөн балык улоого тыюу салынды.

БИШКЕК, 24-апр. — Sputnik. Балыктар өрдөгөн маалда дарыяларда, көлмөлөрдө ышкыбоздук жана спорттук балык уулоочулукка тыюу салынды. Бул тууралуу маалымат Айыл чарба жана мелиорация министрлигинин расмий сайтында жарыяланды. 

Маалыматта айтылгандай, балык уулоочулукка тыюу салуу боюнча буйрукка Балык чарба департаментинин жетекчиси Самарбек Күчүков кол койгон. 

Анда Чүй, Талас, Жалал-Абад жана Ош облустарында 1-майдан 1-июнга чейин көлмөлөрдөн балык улоого тыюу салынганы айтылат. 

Ал эми Ысык-Көл облусунда чабак балыгын — 20-30-апрель аралыгында, акбалык (маринка) — 20-апрелден 15-майга чейин, лещ — 1-майдан 1-июлга чейин, сазан-карптарды — 15-майдан 15-июлга чейин улоого тыюу салынды.

88
Белгилер:
дарыя, көлмө, буйрук, балык
Тема боюнча
Кочкордо мыйзамсыз балык кармаган жаранга 142 миң сом доо коюлду
Салык кызматы бизнес чөйрөнү инвентаризациялоону баштады
Саргарган дарактар. Архив

Бейшембиге карата аба ырайы

15
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

15
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

162
(жаңыланган 19:05 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда,Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

162
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды