Президенттик аппараттын мурдагы жетекчиси Данияр Нарымбаев менен экс-депутат Хаджимурат Коркмазов. Архив

БП: Нарымбаев менен Коркмазовдун сот ишине кийлигишүү сотко басым катары бааланат

97
(жаңыланган 11:03 30.04.2016)
Көз боёмочулук деген күнөө менен соттолук жаткан президенттик аппараттын мурдагы жетекчиси Данияр Нарымбаев менен ЖКнын мурдагы депутаты Хаджымурат Коркмазовдун иши Бишкек шаардык сотунда каралып жатат.

БИШКЕК, 30-апр. — Sputnik. Президенттик аппараттын мурдагы жетекчиси Данияр Нарымбаев менен экс-депутат Хаджимурат Коркмазовдун иши боюнча сырттан кийлигишүү сотко басым жасоо катары баалана турганын Башкы прокуратура (БП) билдирди.

Өлкөнүн башкы көзөмөл органы акыркы учурда ЖМКлар аркылуу Нарымбаев менен Коркмазовдун иши боюча сот процессине тийиштиги жок эле кишилердин далилсиз жоромолдору чыгып жатканын белгилейт. 

"Ушундай такталбаган маалыматтарга таянып алып, айрым саясый жана коомдук ишмерлер элдин жана соттун көңүлүн башка фактыларга бурууга аракеттерди көрүп жатат. Данияр Нарымбаевдин күнөөлүү экени далилдүү фактыларга таянып аныкталган. Ага карата өкүм асмандан эле алынбастан, ишенимдүү далилдерге таянып чыгарылган", — деп айтылат Башкы прокуратура тараткан билдирүүдө.

Башкы көзөмөл органы ошондой эле, соттолуп жаткан таасирдүү кишилердин колунда мүмкүнчүлүгү жана таасири бар туугандары менен жакындары сот иши каралып жатканда түрдүү имиштерди чыгарып, коомчулуктун пикирин башка жакка бурууга болгон аракети сот системасына терс таасирин тийгизиши мүмкүндүгүн баса белгилейт. Андыктан Нарымбаев менен Коркмазовдун ишин сот гана карап, сот өкүм чыгарышы керек. Сырттан түз жана кыйыр түрүндө кийлигишүү сотко басым катары кабыл алынат деп айтат.

Белгилей кетсек, былтыр июль айынын ортосунда УКМКнын коррупцияга каршы күрөшүү кызматы экс-депутат Хаджимурат Коркмазовду 100 миң доллар пара алып жаткан жеринен кармаган. Башкы прокуратура Коркмазов экс-депутат Нариман Түлеевдин туугандарынан Жогорку сотто карала турган ишти оң жакка чечүүгө жардам берем деп 200 миң доллар талап кылганын билдирген. Мында президент аппаратынын мурдагы жетекчиси Данияр Нарымбаевдин аты да аталып, экс-депутат акчаны Нарымбаевдин айтуусу боюнча талап кылганын көрсөтмөдө билдирген. Июль айынын аягында прокуратура аны да камакка алган. 

Аталган иш боюнча Биринчи Май райондук соту коррупция, кызмат абалынан пайдалануу деген айыптарды кыскартып, көз боёмочулук деген күнөө менен Нарымбаевди үч, ал эми Коркмазовду 1,5 жылга эркинен ажыраткан. Аталган чечим боюнча айыпкерлер Бишкек шаардык сотуна аппеляциялык арыз жазган. Учурда сот иши уланууда.

97
Белгилер:
Данияр Нарымбаев, Хажимурат Коркмазов, Башкы прокуратура
Тема:
Депутат Хаджимурат Коркмазовдун кармалышы (23)
Тема боюнча
Соттолуп жаткан Нарымбаев күнөөнү депутат Коркмазовдун өзүнө оодарды
Нарымбаев менен Коркмазовго айыбы угузулду – сот залында тартылган кадрлар
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

8
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

8
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды
Нарын шаарынын мэри Самарбек Болотбеков. Архив

Нарындын мэри шайлоодогу коррупциялык иштерге шектелип кармалды

30
УКМК маалымдаган Б.С. инициалдарына Самарбек Болотбековдун аты-жөнү туура келүүдө. Ал мурда Свердлов районунун акими болуп, кийин Нарын шаарына жетекчи катары жиберилген.

БИШКЕК, 18-сен. — Sputnik. 2020-жылкы парламенттик шайлоонун жүрүшүндөгү алдамчылык фактысы менен Нарын шаарынын мэри кармалды. Бул тууралуу УКМКнын маалымат кызматынан кабарлады.

Буга чейин аталган шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Ч.Р. кармалган. Укук коргоо органдары жабырлануучу ири өлчөмдө чыгым тартканын айткан.

"Ыкчам иликтөө иштеринин жыйынтыгында далилдүү материалдар чогултулуп, Бишкек шаарынын Свердлов районунун мурдагы акими, азыр Нарын шаарынын мэри Б. С. жогорудагы ишке аралашкан деген шек менен кармалды", — деп айтылат билдирүүдө.

Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылган.

Б.С. инициалдарына Самарбек Болотбековдун аты-жөнү туура келүүдө. Ал мурда аталган райондо аким болуп, кийин Нарын шаарына жетекчи катары жиберилген.

30
Белгилер:
Нарын шаары, мэр, коррупция, шайлоо, УКМК
Тема боюнча
УКМК: чек ара кызматкери досунун өлүмүнө шектелип кармалды
Поезд. Архив

Бишкекте жүк ташыган поездге урунуп 21 жаштагы жигит каза тапты

4
(жаңыланган 18:55 18.09.2021)
Жигит поезддин берген сигналына маани бербегени айтылды. Машинист поездди токтоткону менен жаран ага урунуп көз жумган.

БИШКЕК, 18-сен. — Sputnik. Бүгүн Бишкекте жүк ташуучу поездге урунуп жаш жигит каза болгонун "Кыргыз темир жолу" ишканасы билдирди.

Маалыматта кырсык саат 10.12лер чамасында Жаш гвардия бульвары менен Лев Толстой көчөлөрүнүн кесилишинде болгону айтылды.

"Алдын ала маалымат боюнча, темир жол менен бараткан Р. уулу Э. сигналга маани бербей койгон. Машинист поездди ыкчам токтоткон, бирок жаран поездге урунуп каза болгон", — деп жазылат билдирүүдө.

Маркумдун 21 жашта экени белгилүү болду.

4
Белгилер:
поезд, темир жол, машинист, Бишкек
Тема боюнча
Бишкек: жарыш учурунда Nissan GT-R унаасы тосмого кадалып, талкаланды. Видео