Желек көтөргөн студенттер. Архив

Бишкекте бүгүн жаштардын VI илимий форуму өтөт

32
Жаштар этностор аралык мамилелердеги мамлекеттик саясаттын келечегин талкуулашат.

БИШКЕК, 12-май — Sputnik. Борбор калаада студенттер, жаш илимпоздор, эксперттер катышкан илимий форум өтөт. Бул туурасында Мамлекеттик башкаруу академиясынан кабарлашты.

Илимий VI форум Тарых жана маданият жылынын алкагында Кыргызстан элинин биримдигин бекемдөө максатында өтүп жатат деп билдиришти уюштуруучулар.

"Студенттер, жаш окумуштуулар, эксперттер, мамлекеттик мекемелер жана бейөкмөт уюмдардын өкүлдөрү этностор аралык мамилелердеги мамлекеттик саясаттын келечегин талкуулашат",— деп кабарлашты аталган окуу жайдан.

Уюштуруучулар форумду Мамлекеттик башкаруу академиясы менен Эл аралык Ататүрк Ала-Тоо университети биргелешип өткөрүп жаткандыгын кошумчалашты.

32
Белгилер:
Мамлекеттик башкаруу академиясы, Тарых жана маданият жылы, форум, жаштар
Тема боюнча
Жаштар кыргызстандыктарды "Конституция менен жашоого" чакырды
Окуусун таштап айылына аттанган Райым унутта калган Миң-Кушту өзгөртүү ниетинде

Алия Шагиеванын атасына арнаган эмгектери. Аянттагы акциянын видеосу

21
"Ала-Тоо" аянтында "Ветер перемен" аталышындагы акция өттү. Аны мурдагы президенттин кызы Алия Шагиева уюштурду.

Акция саясий репрессияга каршы багытталып, Алмазбек Атамбаевдин 65 жылдыгына арналды. Шагиева көргөзмөгө бир нече картиналарын жана тематикалык инсталляцияларды алып чыкты. Жасаган эмгектерин Айкөл Манастын эстелигинин алдына койгон.

Иш-чарага Атамбаевдин үй-бүлөсү жана үзөңгүлөштөрү катышты.

Атамбаев эки жылдан бери абакта отурат. Ден соолугу начарлаганына байланыштуу учурда №47 колонияда кармалууда.

21
Белгилер:
Алия Шагиева, акция, көргөзмө, Алмазбек Атамбаев
Тема:
Алмазбек Атамбаевдин кармалышы
Тема боюнча
Алия Шагиева атасы Алмаз Атамбаевге арнап аянтта акция уюштурду. Сүрөт
Акыйкатчы Токон Мамытов абакта жаткан Алмазбек Атамбаев менен жолукту
Президент Садыр Жапаров. Архивдик сүрөт

Жапаров Тажикстандан түз эле Ошко келди

78
(жаңыланган 19:19 17.09.2021)
Мамлекет жетекчисинин коңшу өлкөгө сапары эки күнгө созулду. Анда ЖККУ жана ШКУ саммити өттү.

БИШКЕК, 17-сен. — Sputnik. Тажикстанга барган президент Садыр Жапаровдун сапары жыйынтыкталып, Ош шаарына келгенин өлкө башчынын маалымат кызматы кабарлады.

Эскерте кетсек, мамлекет жетекчиси Душанбе шаарында 16-17-сентябрь күндөрү өткөн Жамааттык коопсуздук келишими уюмунун (ЖККУ) Жамааттык коопсуздук кеңешинин сессиясына жана Шанхай кызматташтык уюмунун (ШКУ) мамлекет башчыларынын кеңешинин отурумуна катышты. Жыйынтыгында декларациялар кабыл алынып, бир катар документтерге кол коюлган.

"Иш сапары аяктаган соң президент Садыр Жапаров бүгүн, 17-сентябрда, "Өзгөн-Мунара-2021" этнофольклордук фестивалына катышуу үчүн Ош шаарына келди", — деп айтылат маалыматта.

Өзгөн шаарында өтө турган иш-чара саат 20.25те башталмакчы.

78
Белгилер:
Садыр Жапаров, Тажикстан, Ош, иш сапар, фестиваль
Тема боюнча
Жапаров эмненин негизинде Калиев менен Авазовго ырайым берди? Расмий жооп
Жапаров ШКУ саммитине катышуу үчүн "Кохи Навруз" комплексине келди
Владимир Путин Мамдуманын шайлоосуна электрондук система аркылуу добуш берди

Владимир Путин Мамдуманын шайлоосуна онлайн добуш берди

0
Россиянын лидери тегерегиндеги кызматкерлерден коронавирус аныкталгандыктан обочолонууга кеткени кабарланган.

БИШКЕК, 17-сен. — Sputnik. Владимир Путин Мамдуманын шайлоосуна электрондук система аркылуу добуш берди. Бул тууралуу РИА Новостиге президенттин маалымат катчысы Дмитрий Песков билдирген.

"Путин онлайн добуш берди", — деди ал.

Мамлекеттик дума аралаш шайлоо системасы аркылуу беш жылга шайланат. 225 депутат партиялык тизме менен, дагы 225и бир мандаттуу округдан шайланат.

Эске салсак, буга чейин Россиянын президенти Владимир Путин тегерегиндеги кызматкерлерден коронавирус аныкталгандыктан обочолонууга кеткен. Ал Душанбеде өткөн ЖККУ менен ШКУнун саммитине дагы онлайн катышты.

0
Белгилер:
Россия, Владимир Путин, Мамлекеттик Дума, шайлоо
Тема боюнча
Путин коронавирустан улам обочолонуп иштөөгө өттү
Путин ШКУнун террорчулукка каршы түзүмүн күчтөндүрүүнү сунуштады