Байланыш агенттиги: базалык станциялар ден соолукка зыян келтирбейт

© Sputnik / Сергей Мальгавко / Медиабанкка өтүүБазалык станция. Архив
Базалык станция. Архив - Sputnik Кыргызстан
Жазылуу
Агенттик базалык станциялар күн-түн дебей байланыш кызматын колдонуу эле эмес, шашылыш кызматтарга байланышка чыгууга мүмкүнчүлүк түзүп, өзгөчө кырдаалдар маалында үзгүлтүксүз жана ишенимдүү байланыш менен камсыз кыларын кошумчалайт.

БИШКЕК, 16-май — Sputnik. Базалык станциялар калктын ден соолугуна зыян келтирбей турганын Мамлекеттик байланыш агенттиги билдирди.

Маалыматка ылайык, акыркы убакта жашоочулар базалык станциялардан чыккан нурлануудан кооптонуп, базалык станцияларды орнотууга каршы пикир айта башташкан.

Агенттик уюлдук байланыш кызматын колдонуучулардын саны жылына өсүп жатканын белгилеп, Кыргызстандын бардык аймагында жашаган элди уюлдук байланыш менен камсыз кылууга болгон аракет көрүлүп жатканына токтолгон.

"Кооптонууга негиз жок. Себеби байланыш операторлору базалык станцияларды бардык стандарттарга, санитардык-эпидемиологиялык эрежелерге жана ченемдерге ылайык орнотуп, колдонулат", — деп айтылат билдирүүдө. 

Мекеме станцияларды долбоорлоо этабында байланыш операторлору электрмагниттик толкун нурлануулардын коопсуздугун тастыктоочу техникалык эсептерди көзөмөл жүргүзүүчү санитардык органдарга берип, тиешелүү документтерге макулдашууларды жүргүзө турганын белгилейт. 

"Мында тургундар уюлдук байланыш компаниялардан уруксат документтерди, ошону менен бирге энергия агымынын тыгыздыгын ченөө протоколдорун талап кылууга укугу бар. Эгер коркунуч жаралса нурлануунун деңгээлин аныктоо үчүн Оорулардын алдын алуу жана мамлекеттик санитардык-эпидемиологиялык көзөмөлдөө департаментине кайрылуу сунушталат", — деп айтылат билдирүүдө. 

Агенттик базалык станцияларды өнүктүрүү элдин күн сайын сапаттуу байланыш кызматын колдонуу эле эмес, шашылыш кызматтарга байланышка чыгуусуна мүмкүнчүлүк түзүп, өзгөчө кырдаалдар маалында үзгүлтүксүз жана ишенимдүү байланыш менен камсыз кыларын кошумчалайт.

Жаңылыктар түрмөгү
0