Сариева: республика боюнча 1,5 миң бала бакча жетишпейт

© Sputnik / Табылды Кадырбеков / Медиабанкка өтүүБилим берүү жана илим министри Элвира Сариева. Архив
Билим берүү жана илим министри Элвира Сариева. Архив - Sputnik Кыргызстан
Жазылуу
Өкмөт башчы Сооронбай Жээнбеков балдар бакчаларындагы тарбиячылык кесипке суроо-талап жогору экендигин эске алып, кыска мөөнөттүү билим берүү программасын иштеп чыгууну тапшырды.

БИШКЕК, 19-май, — Sputnik. Республика аймагы боюнча 1500 бала бакча жетишпейт деп билдирди Билим берүү жана илим министри Элвира Сариева өкмөт башчы Сооронбай Жээнбековдун кабыл алуусунда болгон учурда. Бул туурасында өкмөттүн маалымат кызматынан билдиришти.

"Жергиликтүү мамлекеттик бийлик органдарынын колдоосу астында 2015-жылы 160 ашуун бала бакча ишке берилсе, үстүбүздөгү жылы 100 жакын бала бакча ачуу пландаштырылууда",— деп билдирген министр Сариева.

Бала бакчадагы тарбиялануучу. Архив - Sputnik Кыргызстан
Балдардын үй-интернаттарында 8,2 миңден ашык бала тарбияланат
Ал аймактардагы жаңы бала бакчалар расмий каттоодон өткөрүлгөн соң, тарбиячыларга айлык акы төлөнүп берилерин, буга чейин мектепке чейинки билим берүү мекемелери бала бакча курагындагы балдардын 18 пайызын камтыса, бул көрсөткүч учурда 30 пайызга жеткендигин билдирди.

Өкмөт башчы Сооронбай Жээнбеков бул кесипке суроо-талап жогору экендигин эске алып, кыска мөөнөттүү билим берүү программасын иштеп чыгууну тапшырды.

Анткен менен өлкө ичинде жергиликтүү бийлик жана ар кыл кайрымдуулук фондулар, гранттар менен курулуп, даяр болгон балдар бакчаларга өкмөт каражат бөлүп бербегендиктен, жабылып калган учурлар арбын.

Жаңылыктар түрмөгү
0