Ачык Саясат гезитинин 20-майда чыккан санындагы азыркы башкы прокурор Индира Жолдубаева жөнүндөгү макаласынын сүрөтү.

Беш өрдөк: Жолдубаеванын "отставкасы", Канат Исаевди сыздаткан депутаттар

(жаңыланган 17:12 01.12.2017)
Кыргызстандагы басылмаларга чыккан айың-кептерди аныктап, жума сайын гезит-журналдарга саресеп салабыз. Айың кептер айылынан арылабыз.

"Мандатынан ажырап калчу" Чолпон Султанбекова менен Тынчтыкбек Конушбаев

"Фабула" гезити 20-майда чыккан санында "Кыргызстан" саясый партиясынын тизмеси менен депутат болуп келген Чолпон Султанбекова менен Тынчтыкбек Конушбаевди фракция лидери Канат Исаев мандаттан ажырата турганын жазды.

"… Бабановду сыздатып кеткен Султанбекова Канатбек Исаевди да сызга отургузуп кетти. Башкача айтканда, Канат спикерликке ат салышып жатканда ага каршы иштеди. Муну кеч билип калган Канат учурда Султанбековага тиш кайрап, Темир Сариевди жактап азуусун көрсөткөн Тынчтыкбек Конушбаев экөөнү мандаттан ажыратууга аракет көрүүдө", — деп жазат аталган гезит.

Жогорку Кеңеште "Кыргызстан" фракциясынан депутат Чолпон Султанбекова гезитке чыккан бул маалымат чындыкка коошпой турганын Sputnik Кыргызстан агенттигине билдирди.

"Биз депутат болуп келгенден бери эле "мына кетет экен", "эртең кетет экен" деп эле жазып келе жатат. Ошол гезит-журналдар мындай маалыматты ким айтканын да жазса болмок. Мындай жаңылыктарга көнүп деле калдык. Жазылган маалымат чындыкка коошпойт", — дейт эл өкүлү.

Ал эми Тынчтыкбек Конушбаев Sputnik Кыргызстан агенттигине берген маегинде бул маалыматтардын калп экенин айтып, мындай кабарлар анын спикерликке болгон шайлоодо добушун Исаевге бербей коюшунан улам болуп жатышы мүмкүндүгүн айтты.

"Мен спикерди шайлап жатканда добушумду Канат Исаевге берген эмесмин. Ушунун негизинде алар божомолдоп, "демек Исаевди колдобой койду, ал эми муну кетирет" деп жатышса керек. Мага бул боюнча фракцияда күнөө коюлуп же кандайдыр бир башка сөздөр айтылган эмес. Менин кетүүмө эч кандай негиз да жок", — дейт ал.

Башкы прокурор Индира Жолдубаева кызматтан кетүү тууралуу арызын жазды дейби?

"Ачык Саясат" гезити 20-майда чыккан санында азыркы башкы прокурор Индира Жолдубаева кызматтан кетүү тууралуу арызын бергени тууралуу жазды.

"Башкы прокурор Индира Жолдубаева арызын жазыптыр деген сөз желдей тарады. Эми анын ордуна ким келет деген чоң суроо турат. Аталган кызматтын чоң жоокерчилигин мойнуна алып, ишти алып кете турган даяр кадр барбы? Кимдир-бирөөлөр Байтемир Ибраевди, Айбек Турганбаевди, Жылдыз Мамбеталиеваны айтышууда", — деп жазат аталган гезит.

Башкы прокуратуранын маалымат кызматы бул маалымат чындыкка жатпай турганын Sputnik Кыргызстан маалымат агенттигине билдирди.

"Башкы прокурор Индира Жолдубаева кызматында иштеп жатат. Эч кандай арыз жазган жок", — дешти башкы көзөмөл органдын өкүлдөрү.

Президенттик шайлоодо Темир Сариев менен Өмүрбек Бабанов биригеби?

"ПолитКлиника" гезити 19-май күнү чыккан санында алдыда боло турчу президенттик шайлоодо Темир Сариев менен Өмүрбек Бабанов биригиши мүмкүн экенин жазды.

"Ушул тушта Жогорку Кеңештеги "Республика — Ата-Журт" фракциясынын лидери Өмүрбек Бабанов менен мурунку премьер-министр Темир Сариевдин биригиши ыктымал экендиги тууралуу маалыматтар пайда болду. Азырынча эки саясатчы тең мындай маалыматты расмий тастыктай элек", — деп айтылат гезитте.

"Республика — Ата-Журт" фракциясынын лидери Өмүрбек Бабанов бул маалымат божомолдонуп гана жазылганын Sputnik Кыргызстан агенттигине билдирди.

"Бул маалыматтар имиштин гана деңгээлиндеги сөз", — деди ал.

Эскерте кетсек, Кыргызстанда президенттик шайлоо 2017-жылы өтөт.

Белгилер:
отставка, Өмүрбек Бабанов, Индира Жолдубаева, Максат Сабиров, Темир Сариев
Тема:
Беш өрдөк – айың-кептер айылы (23)
Тема боюнча
Беш өрдөк: КСДП фракциясы чилдей тарап, Коёналиев Германияга элчи болот
Беш өрдөк: журналисттен кутулгусу келген Мелис Турганбаев, "мат" болчу Султанбекова
Койдун Арашан тукуму. Архив

Кыргызстан салмагы 180 килограммга жеткен койдун жаңы тукумун каттады

(жаңыланган 14:09 23.04.2021)
Төрт айлык козунун бирөөсү эле миң доллар турат. Ал эми тукум ала турган койлордун баасы 50 миң долларга жетет. Орто салмактагы тукум бере турган койлор болсо 10 миң доллардан ашат.

БИШКЕК, 23-апр. — Sputnik. Кыргызстан салмагы 180 килограммга чейин жеткен койдун жаңы тукумун каттады. Бул тууралуу айыл чарба министри Аскарбек Жаныбеков Sputnik Кыргызстан агенттигинин мультимедиалык маалымат борборунда өткөн брифингде билдирди.

Анын айтымына караганда, 15-апрелде эт, май багытындагы койдун "Арашан" тукуму каттоодон өткөн. Селекционерлер мыдай тукумду 1997-2021-жылдар аралыгында чыгарышкан.

"Бул малдын өндүрүмдүүлүгү абдан жогору. Алты-жети айлык козулардын салмагы 55-60, бир жаштагылары 75-80, чоңдору 175-180 килограммга чейин жетет. Бул биздин фермерлердин кирешесин көбөйтүү үчүн чоң мүмкүнчүлүк", — деди министр.

Жаныбековдун айтымында, мындай тукумга болгон керектөө ички-тышкы рынокто абдан жогору. Учурда таза тукумдагы койдун саны 5 850 гана болгондуктан баасы дагы кымбат.

"Төрт айлык козунун бирөөсү эле миң доллар турат. Ал эми тукум ала турган койлордун баасы 50 миң долларга жетет. Орто салмактагы тукум бере турган койлор болсо 10 миң доллардын ашат. Учурда Казакстан менен Россиядан абдан көп буйрутмалар түшүп жатат", — деди министр.

Ал ошондой эле мындай койлор сатыла баштаганын кошумчалады.

Белгилер:
каттоо, кой, Кыргызстан
Тема боюнча
Айыл чарба министрлиги быйыл кайсы тармакты өнүктүрөрүн маалымдады
Канатын жайып бийлегени кызык болду. Нарында төө куш баккан Турдукуловдун маеги
Бишкектеги Өлбөс полк акциясы. Архив

Башкы санитардык дарыгер: быйыл Бишкекте "Өлбөс полк" жүрүшү өтпөйт

(жаңыланган 13:37 23.04.2021)
Дарыгердин айтымында, "Өлбөс полк" жүрүшүн токтотууга шаарда эпидемиологиялык абалдын начарлап бара жатканы себеп болууда.

БИШКЕК, 23-апр. — Sputnik. Быйыл Бишкекте "Өлбөс полк" жүрүшүнө уруксат берилген жок. Бул тууралуу Sputnik Кыргызстан редакциясына борбор калаанын башкы санитардык дарыгери Кубан Кундашев билдирди.

Анын айтымында, акцияны өткөрүүгө тыюу салуу чечимин шаардык Эпидемияга жана эпизоотияга каршы комиссиясы кабыл алды.

Кундашев эске салгандай, быйыл Бишкек шаарынын күнү (29-апрель) жана Жеңиш майрамы (9-май) массалык түрдө майрамдалбай турган болгон.

 Главный врач Центра санэпидемнадзора Бишкека Кубан Кундашев выступает на брифинге
© Фото / Республиканский штаб КР по борьбе с COVID-19
Борбор калаанын башкы санитардык дарыгери Кубан Кундашев
"Вирус жугузгандардын саны өсүп бара жатат. Мындан тышкары, Саламаттык сактоо министрлиги май жана июнь айында коронавирустун үчүнчү толкуну болот деп божомолдоодо. Массалык иш-чараларга уруксат берип койсок, санитардык эрежелер бузулушу мүмкүн", — деди дарыгер.

Ал эми Россияда "Өлбөс полк" жүрүшүн эки форматта өткөрүү каралып жатат. Алгачкысы 9-майда онлайн-форматта, экинчиси 24-июнда реалдуу форматта өтүшү мүмкүн.

Белгилер:
Кубан Кундашев, "Өлбөс полк" акциясы, Бишкек
Тема:
Коронавируска байланыштуу Кыргызстандагы кырдаал
Тема боюнча
Жеңиш күнүнө арналган республикалык көк бөрү мелдеши Таласта өтөт