Азиз Жумадилов Ысык-Көл облусунда өткөн Run The Silk Road марафонунда

Көзү азиз марафончу: көрбөсөм эле колумдан эч нерсе келбей калмак беле

197
(жаңыланган 12:39 24.05.2016)
Азиз Жумадилов үчүн колдон келбей турган эч нерсе жок. Ал өз аракети менен жашоону бекер коротпой, баалай билиш керектинин далилдеп келет.

Азиз Жумадилов менен Sputnik Кыргызстан кабарчысы Ысык-Көл облусунда өткөн Run The Silk Road марафонунда таанышкан. Азиз — иш-чарага чогулган бир нече миң спортчунун бири. Айырмасы, ал марафонду баары бир көрө алган жок, себеби бул жигиттин көзү тубаса сокур. Бирок бул толук кандуу жашоо үчүн ага эч тоскоолдук кылбайт экен. 

— Кандайча?

— Мен өзүмдү элден башкачамын деп эсептебейм жана эл кылганды мен деле кыла алам. Жашоого жөнөкөйүрөөк караш керек. Бир нерсе менен алектенип, жасап көргүм келет. Коркуп отура бергенде эмне? 

— Сиздин кылгандарыңызды тегеректегилер кандай кабыл алышат? 

— Башында мага өзгөчө мамиле кылышат. Сылык-сыпаа болууга аракеттенишет, анан акырындап менин эч айырмам жоктугун жана алардан кем калышпастыгымды түшүнүшөт. Мен баарын элдей эле кылмак түгүл, алар менен атаандаша да алам (күлүп).

— Марафонго биринчи жолу катышып жатат окшойсуз?

Марафон. Күч менен жеткен жеңиш
© Sputnik / Акылбек Батырбеков , Эмиль Садыров
— Ооба, биринчи жолу чуркашым. Бул жак ушундай көңүлдүү дейсиз, жөн эле баарынын чуркагысы келип турат. Мындай иш-чарлар көп нерсеге өбөлгө болот: бөтөнчө бир нерсе жасап, колуңдан көп нерсе келерин биринчи кезекте өзүң үчүн далилдегиң келет.

Мен он чакырым аралыкка чуркадым. Марафон жөнүндө досумдан билгем. Анын да көзү көрбөйт. Өткөн жылы досум катышкан, быйыл ага биз кошулдук. Бул канчалык күч-кубат берерин азыр түшүнүп турам. Спорт — бул жашоо деген чын экен. Эмки жылы да чуркайм, бирок он эмес, 21 чакырымга, машыгам да. 

— Айдоочулар жөө жүргүнчүлөрдү көзүнө илбеген Бишкекте кантип жан сактап жатасыз? 

— (Күлүп) Бишкекте жан сакташ үчүн жол эрежесин билсең эле жетет. Шаарда баары шашып ары-бери жүгүрүп жүрөт. Ар кандай нерселерди башыман өткөрдүм, ар бирине абалыңды түшүндүрүп отурбайсың да. Айдоочулар ар кандай мамиле кылат, албетте, урушкан учурлар болот, бирок катуу эмес. Билсеңиз, Бишкекте эл абдан түшүнүктүү, жардам керек болсо, аянышпай. 

— Демек, тобокелдиктен коркпойт экенсиз да? 

— Курч сезимдер жашоого мажбурлайт. Быйыл кышта Канттагы авиабазадан парашют менен секирдим. Коркконумду айтпаңыз, өлүп кала жаздадым: жүрөгүм ушундай лакылдады дейсиз. Мага жакшы инструктор туш болду, биз экиден секиргенбиз. Андагы сезимди сөз менен бере албайсың, секирип көрүш керек. Менин көз кан тамырларымдын басымы жогору болчу (глаукома), ошондуктан секиргенге тыюу салынган. Бирок мен баары бир тобокелге салдым да, секирдим. Андан кийин мени глаукома кыйнабай калды, укмуш (күлүп).

— Парашют мененби!? Үйдөгүлөр кантип жиберди? 

— Алар баары бүткөндөн кийин билишти. Болбосо апам мени өлтүрмөк. Кайсы эле эне өз баласын парашюттан секиргенге жиберсин? Мен да өзүмдүн апама куру эле тынчсызданбасын деп айткан жокмун. Дагы секирсем дейм, быйыл жайында сөзсүз кайталабасам… 

— Спорт, экстремалдуу эс алуу, дагы эмне менен таң калтырасыз? 

— Жакында эле караокеден жеңип алдым. 

Азиз Жумадилов в конкурсе караоке
предоставлено Азизом Жумадиловым
Интервью с марафонцем Азизом Жумадиловым

— Баарына кантип үлгүрөсүз?

— Ырчы болуу — менин тилегим. Жакшы эле ырдагандай болдум, эмнеси болсо да баарына жакты. Мага эстрадалык вокал жагат. Музыка дайыма өзүнө тартчу. Мурда жөн эле гитарада ойночумун, сабак берчүмүн, эми андан чоңураак бир нерсеге жетсем дейм. 

— Токтосоңуз, гитарадан сабак дейсизби? 

— Ооба. Мен өзүм үйрөнгөм дечи, бирок ойногонум жаман эмес, ал тургай, шакирттерим бар. Он-он беш кишини ойногонго үйрөттүм. 

— Сиз менен канчалык көп сүйлөшсөм, ошончолук көп таң калып жатам… 

— Эмнесине таң каласыз? Адамдын көзү көрбөсө эле эч нерсе колунан келбей же мунжу болуп калмак беле. Бул жерде каалооң гана керек. Азыр мен укалоочунун окуусун (орто кесиптик билим) бүтүп жатам. Эмки жылы Мураталы Күрөңкеев атындагы Кыргыз мамлекеттик музыкалык окуу жайынын эстрада факультетине тапшырам. Андыктан баары алдыда(күлүп).

197
Белгилер:
марафон, музыка, маек, интервью
Тема боюнча
Өлүм алдында жаткан кыз кантип Кыргызстандын сулуусу болду
Белгилүү футболчу Азамат Байматов Бахрейндин алдыңкы клубуна өттү
Баткен облусундагы фотокапканга түшүп калган ак илбирстер

Ак илбирс, чүткөр, түлкү… Баткенде фотокапканга түшкөн жаныбарлардын сүрөтү

53
(жаңыланган 14:59 17.09.2021)
Кыргызстандын түштүк аймагындагы эки жаратылыш коругундагы жаныбарларды 40тан ашык фотокапкан тогуз ай бою сүрөткө тарткан.

БИШКЕК, 17-сен. — Sputnik. Баткен облусунда фотокапкан ак илбирс жана башка бир нече жаныбарды тартып алган. Бул тууралуу Германиянын Кыргызстандагы жаратылышты коргоо союзунун (NABU) маалымат катчысы Зарина Эсенбаева билдирди.

Анын айтымына караганда, Лейлек районундагы "Сүрмө-Таш" жана Кадамжайдагы "Саркент" жаратылыш коруктарына 40тан ашык фотокапкан орнотулган.

  • Снежный барс запечатлен на фотоловушке в одном из заповедников в Баткенской области
    Баткен облусунда фотокапкан ак илбирс жана башка бир нече жаныбарды тартып алган.
    © Фото / Немецкий союз охраны природы в Кыргызстане (NABU)
  • Снежный барс запечатлен на фотоловушке в одном из заповедников в Баткенской области
    Лейлек районундагы "Сүрмө-Таш" жана Кадамжайдагы "Саркент" жаратылыш коруктарына 40тан ашык фотокапкан орнотулган.
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    20 фотокапкан жаратылыш коругуна, 22си коруктан сырткаркы аймактарга коюлган.
    © Фото / Немецкий союз охраны природы в Кыргызстане (NABU)
  • Рысята попали на фотоловушку в одном из заповедников в Баткенской области
    Тартуу аянты Түркстан тоо кыркаларындагы 100 миң гектар жерди түзөт.
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    Фотокапкандар деңиз деңгээлинен 3000 метр бийиктикте дээрлик тогуз ай турду
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    2021-жылдын жай айларында NABU-Кыргызстандын мониторинг боюнча адистери "Сүрмө-Таш" жана "Саркент" коруктарынын кызматкерлери менен биргеликте фотокапкандагы сүрөттөрдү чыгарышкан.
    © Фото / Немецкий союз охраны природы в Кыргызстане (NABU)
  • Сурки попали на фотоловушку в одном из заповедников в Баткенской области
    Кадрга ак илбирс, тоо теке, карышкыр, түлкү, кашкулак, каман, чүткөр, суур, коён, гималай улары, кекилик жана башка айбанаттар түшүп калган
    © Фото / Немецкий союз охраны природы в Кыргызстане (NABU)
  • Горные козлы попали на фотоловушку в одном из заповедников в Баткенской области
    NABU филиалынын директору Толкунбек Асыкуловдун айтымында, адистер алдын ала маалыматтарга ээ болду.
    © Фото / Немецкий союз охраны природы в Кыргызстане (NABU)
  • Каменная куница попала на фотоловушку в одном из заповедников в Баткенской области
    Эми сүрөткө түшүп калган ар бир жаныбарды идентификациялоо иши турат.
    © Фото / Немецкий союз охраны природы в Кыргызстане (NABU)
  • Кабан попал на фотоловушку в одном из заповедников в Баткенской области
    "Сүрмө-Таш" мамлекеттик коругу Аңчылык союзунун базасында 2009-жылы түзүлгөн.
    © Фото / Немецкий союз охраны природы в Кыргызстане (NABU)
  • Горностай попал на фотоловушку в одном из заповедников в Баткенской области
    Анын аянты — 66 194 гектар.
    © Фото / Немецкий союз охраны природы в Кыргызстане (NABU)
  • Кеклик попал на фотоловушку в одном из заповедников в Баткенской области
    "Саркент" мамлекеттик коругу 2009-жылы түзүлгөн.
    © Фото / Немецкий союз охраны природы в Кыргызстане (NABU)
  • Кеклики попали на фотоловушку в одном из заповедников в Баткенской области
    Анын аянты — 40 миң гектар.
    © Фото / Немецкий союз охраны природы в Кыргызстане (NABU)
  • Волк попал на фотоловушку в одном из заповедников в Баткенской области
    Баткен облусунда фотокапканга түшүп калган карышкыр
    © Фото / Немецкий союз охраны природы в Кыргызстане (NABU)
  • Дикобразы попали на фотоловушку в одном из заповедников в Баткенской области
    Баткен облусунда фотокапканга түшүп калган кирпи
    © Фото / Немецкий союз охраны природы в Кыргызстане (NABU)
1 / 15
© Фото / Немецкий союз охраны природы в Кыргызстане (NABU)
Баткен облусунда фотокапкан ак илбирс жана башка бир нече жаныбарды тартып алган.
"20 фотокапкан жаратылыш коругуна, 22си коруктан сырткаркы аймактарга коюлган. Тартуу аянты Түркстан тоо кыркаларындагы 100 миң гектар жерди түзөт. Фотокапкандар деңиз деңгээлинен 3000 метр бийиктикте дээрлик тогуз ай турду", — деди Эсенбаева.

Ал белгилегендей, 2021-жылдын жай айларында NABU-Кыргызстандын мониторинг боюнча адистери "Сүрмө-Таш" жана "Саркент" коруктарынын кызматкерлери менен биргеликте фотокапкандагы сүрөттөрдү чыгарышкан.

"Кадрга ак илбирс, тоо теке, карышкыр, түлкү, кашкулак, каман, чүткөр, суур, коён, гималай улары, кекилик жана башка айбанаттар түшүп калган", — деди Эсенбаева.

NABU филиалынын директору Толкунбек Асыкуловдун айтымында, адистер алдын ала маалыматтарга ээ болду.

"Эми сүрөткө түшүп калган ар бир жаныбарды идентификациялоо иши турат. Ак илбирс байырлаган аймак өнөктөш жаратылыш уюмдары менен биргеликте изилденип жатат. Биздин негизги максат — Кыргызстандын аймагындагы илбирстердин санын аныктоо", — деди Асыкулов.

"Сүрмө-Таш" мамлекеттик коругу Аңчылык союзунун базасында 2009-жылы түзүлгөн. Анын аянты — 66 194 гектар.

"Саркент" мамлекеттик коругу 2009-жылы түзүлгөн. Анын аянты — 40 миң гектар.

53
Белгилер:
Кыргызстан, жаратылыш, ак илбирс, фотокапкан, Германиянын жаратылышты сактоо союзунун (NABU)
Тема боюнча
Айнектей болгон осьминог. Сейрек жаныбардын Тынч океандан тартылган видеосу
Саясатташкан айбанаттар. Желек "уурдаган" токой жаныбарынын видеосу
Ош шаардык спорт комитетинин башчысы Бекдөөлөт Абакиров. Архив

Ишкер сабалып... Ош шаардык спорт комитетинин башчысына байланыштуу иш кыскарды

30
(жаңыланган 14:54 17.09.2021)
Жазында Ош шаардык спорт комитетинин башчысы Абакиров ишкер Иниятилла Нурматовду сабагандыгы боюнча шаардык ички иштер башкармалыгына арыз түшкөн.

ОШ, 17-сент. – Sputnik. Ош шаардык спорт комитетинин башчысы Бекдөөлөт Абакировдун үстүнөн ишкерди сабагандыгы боюнча иш "тиешелүү далилдер жок" деген жүйө менен кыскартылды. Бул тууралуу Ош шаардык ички иштер башкармалыгы билдирди.

Маалыматка ылайык, кылмыштын курамы жок болгондуктан иш толук кыскартылган.

"Тергөөчүлөрдүн бизге берген маалыматына ылайык, аталган кылмыш ишке тиешелүү далилдер табылган эмес", — деп айтылат маалыматта.

Эске сала кетсек, ушул жылдын 12-мартында Ош шаардык спорт комитетинин башчысы Абакиров калаада ишкерлик менен алектенген 39 жаштагы Иниятилла Нурматовду сабагандыгы боюнча шаардык ички иштер башкармалыгына арыз түшкөн.

Арыздануучу Курманжан датка көчөсүндөгү дүкөндөрдүн биринен Абакиров жанындагы кишилер менен бирге аны сабап кеткендигин билдирген. Факт Жазык кодексинин 266-беренеси ("Ээнбаштык") менен катталып, тергөө иштери жүргүзүлгөн.

Жабырлануучу Нурматовдун айтымында, ушул жылдын 12-мартында Абакиров аны төрт шериги менен кошо эч себепсиз сабаган. Окуя калаадагы кийим саткан дүкөндө болгон.

Ош шаардык ички иштер башкармалыгынын маалымат кызматы Абакиров бул экспертизанын жыйынтыгына да нааразы болуп, комиссиялык жана комплекстүү экспертизага кайрадан өтүнүч келтиргенин маалымдаган.

Абакиров 29 жашта. Буга чейин Ош шаарындагы муниципалдык "Жапалак" автоунаа базарынын директору болуп иштеген. Бир катар эл аралык мелдештердин жеңүүчүсү. Күрөш боюнча спорт чебери. Эрежесиз эр таймаш боюнча мелдештерге катышкан. 2020-жылы апрелде Ош шаардык кеңешине "Биримдик" партиясынан ат салышкан. Ал Юстиция министрлигинин базасында "Аттила" спорттук клубунун жетекчиси жана түзүүчүлөрүнүн бири катары көрсөтүлгөн.

30
Белгилер:
спорт, комитет, сабоо, милиция, иш
Тема боюнча
Бишкек: түнкү барда массалык мушташ болуп, төртөө кармалды
Кыргызстандын президенти Садыр Жапаров Душанбеде ШКУга мүчө мамлекеттердин башчыларынын кеңешинин отуруму учурунда

Афганистанга жардам, коопсуздук, кызматташуу. Жапаровдун Душанбедеги сөзү

0
(жаңыланган 15:54 17.09.2021)
Жапаров Кыргызстандын учурда кыйын абалга туш болгон Афганистандын элине гуманитардык жардам жөнөтүүгө даяр экенин билдирди.

БИШКЕК, 17-сен. – Sputnik. Президент Садыр Жапаров Душанбеде (Тажикстан) ШКУга мүчө мамлекеттердин башчыларынын кеңешинин отурумунда региондо коопсуздук алкагын калыптандырууга өзгөчө көңүл бурууга чакырды. Бул туурасында мамлекет башчынын маалымат кызматынан кабарлады.

Ал 20 жыл ичинде Шанхай кызматташтык уюму (ШКУ) конкреттүү натыйжа жана салмактуу ийгиликтерге жетишти деген пикирин билдирген.

"Жапаров биргелешкен аракеттердин аркасында ШКУ мейкиндигинде коопсуздук жана стабилдүүлүктү колдоо боюнча чоң иш жүрүп жатканын белгилеп, региондо коопсуздук алкагын калыптандырууга өзгөчө көңүл бурууга чакырды. Афганистандагы акыркы кырдаалды эске алуу менен эл аралык экстремизм жана террорчулук күчтөрүнүн коркунуч жана чакырыктарына каршы күрөшүү маселелери өзгөчө мааниге ээ болгонун белгиледи", – деп айтылат маалыматта.

Душанбе шаарында өтүп жаткан Жамааттык коопсуздук кеңешинин (ЖККУ) сессиясы
© Пресс-служба президента КР / Султан Досалиев
Жапаров белгилегендей, башка мамлекеттердин ШКУга кошулууга умтулуусу уюм ишмердүүлүгү эл аралык аренада кеңири кызыгуу жараткандыгын айгинелейт. Алсак, ШКУ саммитинде Иранды жаңы мүчө катары кабыл алуу, ошондой эле Сауд Аравия Падышалыгына, Египет Араб Республикасына жана Катар мамлекетине ШКУ диалогу боюнча өнөктөш макамын берүү процедурасын баштоого старт берилди.

Президент сүйлөп жатып, кол салууга жол бербөө жана миграциялык процесстерди жөнгө салуу үчүн өз ара кызматташуунун стратегиясын иштеп чыгууну сунуштады.

"Аны менен бирге Кыргызстан эң эле көп жабыркаган афган калкынын да, регион жана эл аралык коомчулуктун кызыкчылыгында да Афганистанда аскердик чыр-чатактын токтошун, тынчтык, бейпилдик жана стабилдүүлүктүн орношун жактаарын айтты. Президент Кыргызстан Афганистандын элине гуманитардык жардам жөнөтүүгө даярдыгын билдирди", — деп айтылат маалыматта.

Жапаров санариптештирүүнүн глобалдашуу тенденциясынын, маалыматтык-коммуникациялык технологиялардын өнүгүүсү фонунда акыркы жылдары ШКУ мейкиндигинде кибертеррорчулуктун тобокелдик жана коркунучтары күчөгөнүнө катышуучулардын көңүлүн бурган.

Президент киберкоопсуздукту камсыздоо жаатында кызматташууну жылдыруу максатында, ШКУга мүчө мамлекеттердин тармактык министрлик жана ведомство жетекчилеринин кеңешмеси түрүндөгү атайын механизмди негиздөөнү сунуштаган.

Жапаров ШКУнун өнүктүрүү банкын жана ШКУнун өнүктүрүү фондун түзүү боюнча консультацияларды улантууну сунуштаган. Бул институтту эсеп-кысапты улуттук валютада жүргүзүүгө өтүү боюнча механизми катары карап, натыйжалуу финансы механизмдерин киргизүү жардамында экономикалык кызматташтыкты тереңдетүүнүн маанилүүлүгүн белгилеген.

Аны менен бирге ал транспорттук инфраструктураны биргелешип өнүктүрүү соода мамилелерин активдештирүүгө жана көптөгөн социалдык-экономикалык көйгөйлөрдү чечүүгө мүмкүндүк берет деген ишенимин билдирген.

"Пандемия шартында, ошондой эле кабыл алынган карантиндик чаралардан кийин автожүк ташуулар чектелүү болуп калды, андыктан эң ишенимдүү транспорттук жол бул — темир жолу. Кыргызстан "Кытай — Кыргызстан — Өзбекстан" темир жолунун курулушунун долбоорун тез арада ишке ашуусун көздөйт. Ал региондун транзиттик потенциалын толук кандуу ачууга маанилүү жана конкреттүү кадам болуп, деңиз портторуна чыгууга мүмкүндүк берет", — деп билдирген Жапаров.

Президент азык-түлүк коопсуздугу жана ШКУнун билим берүү жаатындагы кызматташуу маселелерин көтөрүп, туризм, жаштар жана спортту кошуп, маданий-гуманитардык өз ара кызматташуунун маанилүүлүгүн белгилеген.

0
Белгилер:
Кыргызстан, ШКУ, Садыр Жапаров, кеңешме, сунуш
Тема боюнча
Жапаров ШКУ саммитине катышуу үчүн "Кохи Навруз" комплексине келди
Эмомали Рахмон Жапаровду "Улут сарайынан" тосуп алды. Сүрөт