Снайперлер. Архив

Снайпер, сойку, стриптизер "жашыруун" иштеген кыргызстандыктар

8365
(жаңыланган 17:50 08.06.2016)
Бул адамдардын жакындары алардын эмне менен алектенерин дээрлик билбейт. Кээси аркалаган кесибин кооптулуктан жашырса, айрымы уятынан сыр кылат.

БИШКЕК, 8-июн. — Sputnik. Социологдор адамдардын көпчүлүгү өз жетишкендиктери тууралуу ашыра мактанса, ал эми кээси иши тууралуу карандай калп айтарын белгилешет. Sputnik Кыргызстан агенттиги ар кандай себептер менен аркалаган кесибин жашырып келген адамдар менен баарлашып көрдү. Маектештер ысымдарын атабоону суранышты.

Снайпер, 30 жашта

Мен башка жумушта деле иштемекмин. Бир жолу менин жакшы сүйлөй тургандыгымды, менден мыкты журналист чыкмактыгын да айтышкан. Бирок дайым спорт менен машыгып келгем, ушул нерсе баарын чечип кетти. Анда 17 жашта болчумун. Эки адам кол салган кызды куткарып калгам. Ашыкча кеткеним үчүн түрмөгө түшпөй болдум. Абактан армия, жоокердик турмуш сактап калды. Ал жакта мендейлерге муктаж экен. Бир нече жылдан кийин менин жумушум жашыруун болуп, 10 жылга чейин сырды, тагыраагы эмне иш кылаарымды ачыкка чыгарбоо боюнча документке кол койдум.

Менин чыныгы кесибим тууралуу жетекчилигим жана кесиптештерим гана билчү. Апам, "досторум" үчүн мен кызмат өтөп жүрдүм. Бармен, соода өкүлү деген расмий аталыштагы кесиптерим бар болчу. Жакындарым менен телефондон сүйлөшүп амандыкты сурашып турчумун. Ал эми менин кайда, эмне кылып жүргөнүмдү эч ким билчү эмес.

Кимдир-бирөөгө айтып, сырдашкың келчү беле дейсизби?.. Жок, антким келбейт, көп нерсени өзүм да унутуп койсом ыраазы болот элем…

Аскердик сырды ачыкка чыгаруудагы эң катуу жаза — бул трибунал. Андан кийин сен эч ким болбой каласың. Мен жабык аскердик бөлүктө кызмат өтөдүм. Бир нече снайпердик мектептен өттүм. Белгиленген убакыт өткүчөктү кайда жүргөнүмдү эч кимге айткан жокмун.

Бул — жумуш. Ата Мекенди коргоо деген кесип бар. Билесизби? Зуулдап ок учуп атканда өлүп калуудан, жок дегенде сенин каякта экениңди билбеген апамды кайра көрбөй калуудан коркчумун.

Сойку, 46 жашта

Баткен облусунан келгем. Үй-бүлөбүз чоң болчу. Мектепти аяктагандан кийин Бишкекке келип, дүкөнгө сатуучу болуп орноштум. Айылга акча жөнөтүп турдум… Дүкөнгө аябай жакшы кийинген Ольга аттуу аял көп келээр эле. Достошуп кеттик. Ал сойку болуп иштей турганын айтты. Союз кулагандан кийин аны менен бирге иштей баштадым.

Биз өзүбүзчө ижарага батир алып жашачубуз. Жакшы турчубуз. Үйдөгүлөр менен кошуна-колоңго базарда кийим сатып иштейм деп койгом. 10 жылдан кийин үй сатып алдым, ал арада уулум 4кө, кызым 2ге чыгып калды. 

Ар кандай болот… Кээде сабап да кетишет. Бир жолу бычак менен сайып, ага 1000 сом төлөп кетишти. Кардардын каалоосу канчалык күч болсо "кызматтын" баасы ошончо жогору болот. Корголбогон секс үчүн 300 сом кошумча акы төлөнөт. Баарынын өз тарифи бар.

Бир жолу мени сабап туруп зордуктап кетишти. Андан кийин бир айга чейин иштей албай жүрдүм. Бирок акча керек болуп, жумушка чыктым. Бирок баамды 200 сомго чейин түшүрүүгө туура келди. 

Атам-энем каза болуп калган, туугандарым менен сүйлөшпөйм деле. Балдарыма оорулуу адамды карап, түнкү кароолчу болуп иштейм деп айтып койгом. Алар мени адамдарга жардам берет деп сыймыктанып жүрүшөт.

Стриптизер, 25 жашта

Бала чагыман эле бийге кызыкчумун. 18 жашыман тарта залга бара баштап, келбетим, булчуңдарым "керектүү" деңгээлге жетти. Бийди таштаган жокмун. Досторум менен топ түзүп, ар кандай тойлорго, корпоративдерге чыгып жүрдүк. Андан кийин клубга "гоу-гоу" (бийчи — ред.) болуп орноштум. Окуу менен айкалыштырып, акча табууга абдан ыңгайлуу болду.

Бир жылдан кийин балдар менен эротикалык шоу жасоону чечтик. Баары жөнөкөй эле: бизге чалып, ким керек экенин айтышат. Бир бий 6 миң сом. Кимге бара турганыбызга көңүл бөлбөйбүз, жөн гана жумушубузду жасап кайтабыз. Менин эмне менен алектенеримди көпчүлүк билет. Ата-энем мени клубда бийлейт деп ойлошот. Балким… ойлонуп калышат чыгар… Бирок апамдын аны менен тең курбуларын "жарпын жазып" жүргөнүмдү билүүсүн каалабайт элем.

8365
Белгилер:
сойкулук, снайпер, стриптиз, кесип
Тема боюнча
Сойкулук менен алектенгендер үчүн айып пул жазасы киргизилиши мүмкүн
Экс-депутат Адахан Мадумаров. Архивдик сүрөт

"Бүтүн Кыргызстан" партиясынан кимдер өттү? 6 талапкердин аты-жөнү

653
(жаңыланган 00:06 29.11.2021)
"Бүтүн Кыргызстан" партиясы АСУнун болжолдуу жыйынтыктарына ылайык, республика боюнча шайлоочулардын 6,5 пайыз добушуна ээ болду.

БИШКЕК, 28-ноя. — Sputnik. Борбордук шайлоо комиссиясы жарыялаган АСУ эсебинин натыйжасы боюнча Жогорку Кеңештин VII чакырылышына кимдер депутат болуп барары белгилүү болду.

Ага ылайык, "Бүтүн Кыргызстан" партиясынан алты талапкер эл өкүлү болуп келген.

  1. Адахан Мадумаров;
  2. Исхак Масалиев;
  3. Эмиль Токтошев;
  4. Алишер Эрбаев;
  5. Орозайым Нарматова;
  6. Гуля Кожокулова.

Аталган партия алдын ала эсеп боюнча республика боюнча шайлоочулардын 6,5 пайыз добушуна ээ болду.

АСУ болжолдуу жыйынтыктарды жарыялагандан кийин БШК добуштарды кол менен санайт. 18-декабрга чейин БШК парламенттик шайлоонун партиялык тизме боюнча да, бир мандаттуу округ боюнча да акыркы жыйынтыгын айтышы керек.

653
Белгилер:
Жогорку Кеңешке шайлоо, шайлоо, 'Бүтүн Кыргызстан' партиясы, депутаттар
Тема:
2021-жылкы парламенттик шайлоонун жыйынтыгы
Тема боюнча
"Ишеним" партиясынан Жогорку Кеңешке кимдер келе жатат? 12 талапкердин аты-жөнү
"Ыйман нуру" партиясынан депутат болчулар. Беш талапкердин аты-жөнү
"Ынтымак" партиясынан кимдер өттү? 7 талапкер
Борбордук шайлоо комиссиясынын төрайымы Нуржан Шайлдабекова. Архивдик сүрөт

Шайлдабекова БШКнын сайты эмнеге иштебей калганына жооп берди

316
(жаңыланган 00:03 29.11.2021)
БШКнын башчысы эгер шайлоонун жыйынтыгына нааразы тараптар болсо, бюллетендерди кол менен саноо процессине катышууга чакырды.

БИШКЕК, 28-ноя. — Sputnik. Борбордук шайлоо комиссиясынын төрайымы Нуржан Шайлдабекова добуш берүүлөрдүн жыйынтыгын көрсөткөн newess.shailoo.gov.kg сайты эмне себептен үзгүлтүккө учураганын түшүндүрдү.

Белгилей кетсек, БШКнын сайты эки жолу иштебей калган. Биринчисинде, партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

Шайлдабекованын айтымында, добуш берүүнүн алдын ала жыйынтыгын көрсөткөн эки программа иштелип чыккан. Биринчиси — АСУну автоматтык түрдө эсептөө, экинчиси — АСУдан келген маалыматты жөнөкөйлөштүрүп көрсөткөн версиясы.

"Автоматтык түрдө түшүп жаткан маалыматтарды берүүнү жакшыртуу үчүн сырткы таблица иштелип чыккан. Автоматтык түрдө эсептөө версиясындагы маалымат менен кийинкисинин ортосунда айырмачылык чыгып, техникалык мүчүлүштүк кетти. Биз муну байкап калыбына келтирдик", — деди БШКнын төрайымы.

Шайлдабекова негизги система үзгүлтүккө учурабаганын белгиледи. Ошондой эле ал эгер шайлоонун жыйынтыгына нааразы тараптар болсо бюллетендерди кол менен саноо процессине катышууга чакырды.

316
Белгилер:
Нуржан Шайлдабекова, БШК, сайт, жооп
Тема:
2021-жылкы парламенттик шайлоонун жыйынтыгы
Тема боюнча
Эмнеге шайлоого келгендер аз болууда? БШК себептерин айтты
Бишкектеги Свердлов шайлоо округунда дагы "баарына каршылар" көп
БШКнын кызматкерлери Бишкектеги шайлоо участкасында

Шайлоонун жыйынтыгы боюнча корко турган эч нерсе жок! Иманкуловдун кайрылуусу

0
(жаңыланган 01:38 29.11.2021)
Республикалык штабдын жетекчиси шайлоочулардын добушу эми кол менен санала турганын айтып, бул процесске катышууга партия мүчөлөрүн чакырган.

БИШКЕК, 29-ноя. — Sputnik. Шайлоонун жыйынтыгы боюнча коркуп-үркө турган эч нерсе жок, аны бурмалаганга жол бербейбиз. Бул тууралуу парламенттик шайлоону өткөрүү боюнча Республикалык штабдын жетекчиси Марат Иманкулов билдирди.

Ал ар бир бюллетенди текшерип чыгууга даяр экенин белгилеген.

"Айрым партиялар шайлоонун жыйынтыгы бурмаланды деп жазып жатышат. Биз ага жол бербейбиз. Мындай саясатты атайын жүргүзгөн жокпуз. Бул ачык шайлоо. Коркуп-үркө турган эч нерсе жок. Партия лидерлери, келгиле, ар бир бюллетенди текшерип чыкканга даярбыз. Шайлоонун акыркы жыйынтыгы кол менен санаганда гана чыгат. АСУнуку (автоматтык эсептөө урнасы) алдын ала жыйынтык. Бүгүн-эртең бардык шарттарды түзүп беребиз, партия мүчөлөрү менен ар бир шайлоо участкасынан чыккан бюллетендерди санап чыгабыз. Баарын кайра текшерип чыкканга даярбыз. Биз шайлоонун жыйынтыгын бурмалаганга жол бербейбиз", — деди Иманкулов.

Белгилей кетсек, кечээ БШКнын сайты эки жолу иштебей калган. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

0
Белгилер:
БШК, Марат Иманкулов, шайлоо, жыйынтык, кайрылуу
Тема:
Жогорку Кеңешке жаңы тартип менен болчу шайлоо
Тема боюнча
БШК сайтынан "жоголгон" 14% добуш. Шайлдабекова жооп берди
Жогорку Кеңеш-2021 шайлоосунун алдын ала жыйынтыгы
Аял талапкерлердин арасынан Жогорку Кеңешке кимдер келе жатат? Тизме