Кумтөр. Архив

Профком: "Кумтөрдөгү" абалга байланыштуу 20 миң адам каршылык көрсөтүүгө даяр

71
(жаңыланган 12:10 10.06.2016)
"Кумтөр" алтын кенинин ишмердүүлүгү 1-июлда токтоп калуусу ыктымал. Бул соттук териштирүүлөр менен кабыл алына элек планга байланыштуу экени айтылат.

БИШКЕК, 10-июн. — Sputnik. "Кумтөр" ишканасынын кызматкерлери менен алардын үй-бүлөлөрү жумуш токтоп кала турган болсо жапырт акцияга чыгышат. Бул тууралуу Кыргызстандын тоо-металлургиялык профсоюзунун борбордук комитетинин төрагасы Элдар Тажибаев билдирди.

Анын айтымына караганда алтын кендин ишкерлери бийлик башчылары менен мамлекеттик профилдик органдарга кайрылуу жөнөтүшкөн. 

Анда "Кумтөрдүн" экинчи жарым жылдык иш планы азыркыга чейин бекитилбегени айтылат. Ушул күнгө чейин экологиялык экспертиза менен уруксат кагаздын жоктугу, көптөгөн соттук териштирүүлөр, кылмыш иштерин иликтөө сыяктуу бир катар жагдайлардан улам "Кумтөрдүн" иши 1-июлдан тарта токтоп калуусу ыктымал экенин билдиришкен. 

"Кумтөрдүн" профсоюздук комитетинин жетекчисинин орун басары Калысбек Рыспаевдин айтымында, ишкерлер каршылык акциясына массалык түрдө чыгууга даяр экендиктерин билдиришкен. 

"Каршылык пикирлерин кызматкерлер гана эмес, алардын үй-бүлөлөрү дагы билдирүүгө даяр. Бул элдин чоң топтомун түзөт", — деп Рыспаев билдиргенин Тажибаев айтып берди. 

Профсоюздук комитеттин жетекчиси Авазбек Кожокматовдун айтымында, "Кумтөр" ишканасында үч миңден ашык кызматкер иштейт. Алардын 70 пайызы керектөө жана ипотекалык насыяларды алуучулар болуп эсептелет. 

"Бизде карызы жок жашоо мүмкүн эмес. Мындан тышкары, өлкөдө тоо-кендерин иштеткен компаниялардын саны аз болгондуктан "Кумтөрдүн" кызматкерлери ишсиз калуусу ыктымал. 20 миңден ашык адамдын тагдыры компанияга байланыштуу болгондуктан бардыгы каршылык акциясына чыгууга даяр", — деп билдирди Кожокматов.

Кызматкерлердин жамааты президент Алмазбек Атамбаевге ишкананын жабылып калуу коркунучу жаралгандыгы үчүн күнөөлүүлөрдү жоопко тартууну суранып кайрылышты. 

71
Белгилер:
жумушсуздар, ишкана, каршылык, акция, Кумтөр
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
Сот "Кумтөр Оперейтинг Компаниге" каршы 6,7 млрд. сомдук доону канааттандырды
Centerra: "Кумтөр" 1-июлда токтоп калышы мүмкүн
Райондор аралык сотто "Кумтөр Оперейтинг Компани" ишканасынын иши каралууда
Медициналык кызматкер ВИЧке кан анализин жүргүзүп жатат

Жалал-Абадда ВИЧ илдетин жуктургандарды аныктоо боюнча акция башталды

29
(жаңыланган 18:19 27.11.2020)
Өнөктүк маалында жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланмакчы.

БИШКЕК, 27-ноя. — Sputnik. Жалал-Абад облусунда "ВИЧ-СПИД илдети боюнча өз макамыңды бил" аттуу акция башталды. Бул тууралуу аталган аймактагы СПИДге каршы күрөшүү жана алдын алуу борборунан билдиришти.

Борбордун башкы дарыгери Элмира Сатарованын айтымында, облус аймагында илдетти жыныстык жол менен жуктуруп алган эркектердин саны өскөн. Мындан улам өзүнүн ВИЧ-инфекциясын жуктуруп алганын билбей жүргөндөрдү эртерээк аныктап, дарылоо максатында атайын иш-чара уюштурулган.

"Акция учурунда жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланат", — деди Сатарова.

Маалым болгондой, облуста илдетти жугузгандардын 62 пайызы ооруну жыныстык жол менен илештирсе, 27 пайызы кан аркылуу, беш пайызы энеден балага жуккан.

Учурда Жалал-Абад облусунда 1 087 адамдын ВИЧ-инфекциясына чалдыккандыгы аныкталган. Жыл башынан бери 36 адам аталган дартты жуктуруп, алардын 56 пайызы эркектер экени кошумчаланды.

29
Белгилер:
акция, аныктоо, оору, ВИЧ, СПИД, Жалал-Абад
Тема боюнча
Кыргызстанда ооруканада ВИЧ/СПИД жуктургандарга компенсация төлөнөт
Мурдагы вице-премьер-министр Тайырбек Сарпашев. Архив

Мыйзамсыз байыган. Экс-вице-премьер Тайырбек Сарпашевге иш козголду

1215
(жаңыланган 18:03 27.11.2020)
Финансы полициясынын кызматкерлери 2020-жылдын ноябрь айында мурдагы аткаминердин үйүн тинтүүгө алган.

БИШКЕК, 27-ноя. — Sputnik. Мурдагы вице-премьер-министр Тайырбек Сарпашевге кылмыш иши козголду. Бул тууралуу Экономикалык кылмыштарга каршы күрөшүү кызматы билдирди.

Маалыматта Финансы полициясы Сарпашевге карата мыйзамсыз баюу фактысы боюнча сотко чейинки өндүрүш баштаганы айтылат.

"Мурдагы вице-премьер С.Т. мамлекеттик мекемеде жетекчилик кызмат ордун ээлеп турганда көп сандаган кыймылдуу жана кыймылсыз мүлктү сатып алган. Кийин аны декларацияларда көрсөтпөстөн жакын туугандарына каттаган", — деп айтылат маалыматта.

Финпол бул сотко чейинки өндүрүштүн алкагында Сарпашев суракка чакырыларын белгиледи.

Белгилей кетсек, Тайырбек Сарпашев 2012-2014-жылдары Кыргызстандын экономика жана инвестиция боюнча вице-премьер-министри болуп эмгектенген. 2020-жылдын ноябрь айында Финпол анын үйүн тинтүүгө алган.

Тергөөгө ылайык, 2016-жылы президенттин аппаратынын кызматкерлери, Мамлекеттик каттоо кызматынын жетекчилиги, судьялар жана сот тутумунун өкүлдөрү соттун чечимдерин жасалмалап, Максим Бакиевге жакын кишилердин мүлкүн камакка алуу чечимин жокко чыгартышкан. Алар муну менен "Г.Э" ишканасынын кызыкчылыгын көздөшкөн. Сарпашев 2015-2017-жылдары Мамлекеттик каттоо кызматынын төрагасы болуп турган.

1215
Белгилер:
мүлк, кылмыш иши, финансы полициясы, Тайырбек Сарпашев
Тема боюнча
Бакиевдин жакындарына жардам берген. Бишкекте мурдагы судья кармалды
Октябрь районунун мурдагы акими Куценко үй камагына чыгарылды
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

0
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

0
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз