Жогорку соттун имараты. Архив

Прокуратура 7-апрель боюнча Аскер сотунун чечиминин үстүнөн Жогорку сотко даттанды

172
(жаңыланган 10:27 14.06.2016)
Көзөмөл жүргүзүүчү орган соттолуп жаткандарга карата мунапыс мыйзамсыз колдонулган деген пикирде.

БИШКЕК, 14-июн. — Sputnik. Прокуратура 7-апрель окуясы боюнча Аскер сотунун чечиминин үстүнөн Жогорку сотко даттанды. Бул тууралуу Башкы прокуратура билдирди. 

Маалыматка ылайык, үстүбүздөгү жылдын 23-май күнү Аскер соту апрель окуясы боюнча соттолгон Алмазбек Жолдошалиевге, Каныбек Жороев, Элмурза Сатыбалдиев, Нурлан Турсункулов, Мурат Суталинов, Нурлан Темирбаев жана Данияр Дунгановго карата мунапыс кабыл алган. 

"Аскер соту тарабынан соттолуучуларга карата колдонгон мунапыс мыйзамсыз. Анткени мунапыс кызмат учурунда кылмыш кылгандарга карата колдонулбайт. Мындан улам Башкы прокуратура Аскер сотунун чечими боюнча Жогорку сотко кайрылууда", — деп айтылат маалыматта. 

Белгилей кетсек, Аскер соту Курманбек Бакиевди, Жаныш Бакиевди жана Данияр Үсөновду өмүр бою эркинен ажыратып, Марат Бакиевди 10 жылга кескен.

172
Белгилер:
Апрель окуялары, даттануу, сот
Тема боюнча
7-апрель: АКШнын сенатору, "Ызаланган сүйүү", баатыр аял
Апрель революциясынан жабыркаган 630 адам жөлөк пул алып келет
Жүк көтөргөн адамдар. Архив

Россияда мекендештерди чек арадан өткөрөм деп алдап кеткен шылуун изделүүдө

37
(жаңыланган 00:41 23.09.2020)
Өзүн элчиликтин кызматкери катары тааныштырган киши чек арадан өткөрүүгө жардам берем деп ар бир мигранттан 7000 рублден алган.

БИШКЕК, 23-сен. — Sputnik. Россиядагы кыргызстандыктарды автобус менен мекенге жеткирүүнү убадалап, акчасын алдап кеткен киши изделүүдө. Бул тууралуу Тышкы иштер министрлиги билдирди.

Маалыматка ылайык, аты-жөнүн Кубанычбек Жээнкулов деп элчиликтин кызматкери катары тааныштырган жаран Казакстан чек арасын ачканын айткан. Ал жерден автобус менен өткөрүүгө жардам берем деп ар биринен 7000 рублден алып Башкыртстандан Оренбургга алып келген. Натыйжада шылуундун тузагына түшкөн мекендештер ара жолдо калышкан. Бул иш боюнча 22 киши элчиликке арыз жазды.

"Кубанычбек Жээнкулов деген элчиликтин кызматкери жок. Аны жоопко тартуу үчүн КР ИИМинин Россиядагы өкүлчүлүгү РФ ИИМи менен биргеликте издеп жатат. Мыйзамсыз түрдө акча чогултканы үчүн катуу жазага тартылат. Элчилик мекендештерди ушул сыяктуу фактылар болсо кылмыштын алдын алып, күнөөлүүлөрдү жоопко тартуу үчүн кабарлап коюуга чакырат", — деп жазылган билдирүүдө.

Даттануулар менен Россиядагы элчи Аликбек Жекшенкуловдун elchi.ru сайтындагы жеке блогуна жана КР ИИМдин РФтеги өкүлчүлүгүнө predstavitelstvomvd@mail.ru электрондук дареги же +7(926) 890 87 00 ыкчам байланыш номерине кайрылууга болот. Купуялуулукка кепилдик берилет.

Авиакаттам жанданса да Россиядан кыргызстандыктарды автобус менен ташуу уланат

Учурда Оренбург облусундагы орус-казак чек арасында Россиянын шаарларынан жана Башкыртстан Республикасынан келген 3500дөн ашык кыргызстандык топтолуп турганы маалым болду.

Элчилик Казакстандын аймагынан автобус менен өтүү үчүн "жашыл коридор" ачып берүү өтүнүчү менен казак тарапка кайрылган. Азырынча жооп келе элек.

Ошондой эле Оренбург облусунун жана Башкыртстандын жергиликтүү бийлик органдары менен биргеликте ал жердеги кыргызстандыктарга шарт түзүү иштери жүрүп жатканы белгиленди. Ушул тапта Россия тарап аларды акысыз түрдө жатаканаларга, балдар лагерлеринин аймактарына жайгаштырды, мындан тышкары, чатыр лагери түзүлгөн. Айрымдары мейманканаларга жана жатаканаларга жайгаштырылды. Жарандарга үч маал бекер тамак берилип жатканы айтылды.

Ошону менен катары элчилик мекендештерге Казакстан чек арасын толук ача электигин эскертип, өз алдынча келип топтолбоого чакырат.

Мүмкүнчүлүккө жараша учак менен кетүүнү сунуштайт. Ошону менен катар элчилик авиакаттамдардын санын көбөйтүү жана билет баасын арзандатуу боюнча сүйлөшүү жүргүзүп жатканы айтылды.

37
Белгилер:
Мигрант, автобус, алдамчылык, чек ара, Элчилик, Россия
Тема боюнча
Кыргызстандан чет өлкөлөргө ачылган каттамдардын тизмеси
22 миң рубль. Москва — Бишкек каттамына авиабилеттердин октябрдагы баасы айтылды
Лаборатория кызматкерлери. Архив

Казакстан коронавируска каршы вакцина чыгарып, ДССУда талапкер болуп катталды

79
(жаңыланган 21:13 22.09.2020)
Азыркы тапта Дүйнөлүк саламаттык сактоо уюмунун тизмесине Казакстандын COVID-19га каршы төрт вакцинасы катталганы айтылат.

БИШКЕК, 22-сен. — Sputnik. Казакстан коронавируска каршы колдонулуучу вакцина иштеп чыгып, Дүйнөлүк саламаттык сактоо уюмуна талапкер катары каттады. Бул тууралуу Sputnik Казакстан агенттиги билдирди.

Аталган препарат ийнесиз колдонулуп, мурунга чачыла турганы белгиленет.

Иштеп чыгуу процессине катышып жаткан казакстандык профессор Кайсар Табынов учурда вакцина жаныбарларга сыналып жатканын билдирген.

Россия Кыргызстанга коронавируска каршы вакцина жөнөтүүнү көздөп жатат

Азыркы тапта Дүйнөлүк саламаттык сактоо уюмунун тизмесине Казакстандын COVID-19га каршы төрт вакцинасы катталганы айтылат. Анын ичинен үчөө клиникага чейинки сыноо стадиясында турса, бирөө ыктыярчыларга сынала баштаган.

79
Белгилер:
Дүйнөлүк саламаттыкты сактоо уюму, Казакстан, вакцина
Тема:
Дүйнөгө жайылган коронавирус
Тема боюнча
Кыргызстанда COVID-19га каршы вакцинаны биринчи кимдер алат
ДССУ COVID-19га каршы чыгарылып жаткан вакциналардын санын айтты