Акча каражаттар. Архив

Мамлекеттик спорт агенттиги 23 млн. сомдук мыйзам бузганы аныкталды

46
(жаңыланган 17:19 14.06.2016)
Негизинен бөлүнгөн каражат максатсыз колдонулган, ошондой эле кассалык операциялар мыйзам бузуу менен жүргөн. Милиция менен прокуратура иштин чоо-жайын текшерет.

БИШКЕК, 14-июн. — Sputnik. Жаштар иштери, дене тарбия жана спорт боюнча мамлекеттик агенттиги 22,8 миллион сомдук мыйзам бузууларга барганы аныкталган. Мындай жыйынтык аталган мекеменин 2014-2015-жылдары бюджеттик жана атайын каражаттарды кандай колдонгонун текшерүү үчүн жүргүзүлгөн аудит учурунда ачыкка чыкканын Эсеп палатасы билдирди.

"Борбордук аппаратка жүргүзүлгөн аудиттин жыйынтыгы менен 11,1 миллион сомдук мыйзам бузуу аныкталган. Алар каражатты максатсыз пайдаланышкан", — деп айтылат билдирүүдө.

Эсеп палатасынын маалыматына ылайык, 500 миң сом кайтарууга жатат, учурда анын 7,5 миңи бюджетке кайтарылган. Максатсыз пайдаланылган каражаттын көлөмү 30,4 миллион сомду түзгөн.

Андан сырткары "Спорт курулуштары жана камсыздоо башкармалыгы" мамлекеттик ишканасын текшере келгенде 11,7 миллион сомдук мыйзам бузуулар аныкталган. Учурда анын алты миллион сому кайтарылган.

Бул фактылар боюнча материалдар милиция менен прокуратурага жиберилген.

46
Белгилер:
аудитор, мыйзам бузуулар, Эсеп палатасы
Тема боюнча
Эсеп палатасы: көркөм сүрөт музейинде 114 экспонаттын жок экени аныкталды
Суусамыр өрөөнүндө жайгашкан боз үйлөр. Архивдик сүрөт

Тоого кар жаайт. Бейшембиге карата аба ырайы

2
24-июнга караган түнү республика аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 23-июн. — Sputnik. Бейшембиде күндүз кээ бир райондордо өткүн өтүп, күн күркүрөшү, бийик тоолуу райондордо кар жаашы күтүлөт. Бул тууралуу Кыргызгидромет билдирди.

Абанын температурасы Чүй өрөөнүндө +28…+33, Талас облусунда +26…+31, Ош, Жалал-Абад, Баткен аймактарында +30…+35, Ысык-Көл жергесинде +21…+26, Нарын чөлкөмүндө +21…+26 градус болот.

Күндүн табы Бишкекте +30…+32, Ош шаарында +31…+33, Чолпон-Атада +24…+26 градус ысыйт.

2
Белгилер:
Кыргызстан, июнь, аба ырайы
Тема боюнча
Ысыгыраак болот. Июль айына карата аба ырайы
Бишкектеги эл аралык Манас аэропортундагы ПЦР лабораториясы. Архив

"Манас" аэропортундагы ПЦР-лаборатория күнү-түнү иштей баштады

11
(жаңыланган 20:08 23.06.2021)
Лаборатория июндан тарта иштей баштаган. Тест тапшыра турган жарандар аэропортко 5-6 саатка эртерээк келиши керектиги айтылды.

БИШКЕК, 23-июн. — Sputnik. "Манас" эл аралык аэропортундагы коронавирусту аныктоочу ПЦР-лаборатория күнү-түнү иштей баштады. Бул тууралуу аба майдандын маалымат кызматы кабарлады.

Лаборатория ачылгандан бери (1-июнь) ПЦР-тест эртең мененки саат 8:00дөн кечки 18:00гө чейин жасалып келген. Ошондой эле "COVID жок саякаттайм" программасына катышкан.

Тесттин жыйынтыгын amsbiolab.kg сайтынан табууга болот. Же болбосо "Манас" аэропортунун 1-кабатынан үч тилде кагазга чыгартып алса дагы жарайт.

"Манас" аэропортуна түштүк кореялык корпорация ПЦР-лаборатория ача турганы 21-майда белгилүү болгон. Өкмөт башчы Улукбек Марипов менен жолуккан фирманын жетекчиси COVID-19га бир күндө 14 миң адам тест тапшыра аларын билдирген.

11
Белгилер:
ПЦР-тест, корпорация, Түштүк Корея, "Манас" эл аралык аэропорту
Тема:
Коронавируска байланыштуу Кыргызстандагы кырдаал
Тема боюнча
Вакцинадан баш тартуу COVID-19дун организмде мутацияланышын шарттайт
COVID: Марипов министрлер кабинетинин кезексиз жыйынын өткөрмөй болду