Кант кызылчасы. Архив

Талас: төө буурчак быйыл азайып, эл кант кызылчасына басым кое баштады

77
(жаңыланган 15:07 15.06.2016)
Облус аймагында 112 миң гектар айдоо жери бар экенин Кенекеев баса белгиледи.

БИШКЕК, 15-июн. — Sputnik. Быйыл Талас облусуна 46 миң гектар жерге төө бурчак жана үч жылдан бери биринчи жолу 560дай гектар жерге кант кызылчасы айдалган. Бул тууралуу өкмөттүн Талас облусу боюнча ыйгарымдуу өкүлүнүн орун басары Даир Кенекеев Sputnik Кыргызстан агенттигине билдирди.

Ал кант кызылчасы Кайыңды кант заводуна өткөрүлөрүн кошумчалады.

"Буюрса, дыйкандардын кант кызылчасы Кайыңды кант заводуна өткөрүлөт. Буга чейин кант кызылчасы эң көп 815 гектарга айдалган экен. Быйыл негизинен суу мол болгон Кара-Буура, Манас райондоруна тигилди", — деди ал.

Кенекеев Чүй облусундагы Кайыңды кант заводу менен учурда сүйлөшүүлөр болуп жатканын жана алар кабыл алуу жайларын ача турганын айтты. Таласта өстүрүлгөн кант кызылчасы Маймак аркылуу темир жол менен жеткирилерин кошумчалады. Бир гектар жерден эң азы 20 тонна, эң көп дегенде 80-90 тоннага чейин алууга болорун белгиледи.

"Бир тонна кызылчанын баасы 3450 сомдон болот", — дейт ал.

Кенекеев былтыр 53 миң гектар жерге төө буурчак тигилсе, быйыл анын аянты 7 миң гектарга азайтылган. Учурда анын бир килограммы 55-70 сомго чейин сатылууда. Күзүндө баасы 25-30 сомго чейин түшүп кеткенин айтты.

77
Белгилер:
айдоо, төө буурчак, кызылча, айыл чарба
Тема боюнча
Министр төө буурчак, эт жана мөмө жемиштерди Сауд Аравиясына экспорттоону сунуштады
Казакстан Кыргызстандын картошкасына койгон тыюуну алды
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

62
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

62
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди
Мурдагы вице-премьер Алтынай Өмүрбекова. Архив

Финполго Алтынай Өмүрбекова менен Аида Исмаилова чакырылганы айтылды

137
(жаңыланган 22:46 25.01.2021)
Өкмөттүн пандемия маалындагы иши боюнча буга чейин мурунку премьер-министр Кубатбек Боронов сурак берип, күбө катары чакырылганын айткан.

БИШКЕК, 25-янв. — Sputnik. Мурдагы вице-премьерлер Алтынай Өмүрбекова менен Аида Исмаилова өкмөттүн пандемия маалындагы иши боюнча Экономикалык кылмыштарга каршы күрөшүү кызматына суракка чакырылды. Бул тууралуу укук коргоо органдарындагы ишенимдүү маалымат булагы билдирди.

Вице-премьер-министр Кыргызской Республики Аида Исмаилова на заседании Жогорку Кенеша в государственной резиденции Ала-Арча
© Sputnik / Табылды Кадырбеков
Мурдагы вице-премьер-министр Аида Исмаилова

Алардын айтымында, Исмаилова эртең, 26-январь саат 09:30га, ал эми Өмүрбекова саат 15:00гө чакырылды. Финпол азырынча комментарий бере элек.

Өмүрбекова 2018-жылдан 2020-жылга чейин вице-премьер болуп иштеген. Исмаилова болсо ал кеткенден кийин апрель айынан октябрга чейин бул кызматты аркалаган.

Ушул иш боюнча буга чейин өкмөттүн мурунку башчысы Кубатбек Боронов сурак берип, күбө катары чакырылганын айткан.

Андан мурда Экономикалык кылмыштарга каршы күрөшүү кызматынын жетекчиси Сыймык Жапыкеев пандемия маалында адамдардын массалык түрдө каза болушуна премьер-министрлер жана вице-премьерлер жооп берерин айткан. Ошондой эле ал медикаменттер, жеке коргонуу каражаттары, тез жардам унаалары кымбат баада алынгандыгы териштирилип жатканын кошумчалаган.

137
Белгилер:
сурак, Аида Исмаилова, Алтынай Өмүрбекова, финансы полициясы
Тема боюнча
Жапыкеев: пандемияда иштеген аткаминерлердин баары сурак берип, көбү камалат