Укук коргоочулар президентке койгон доосун 20 миллион сомго чейин көтөрүштү

© Sputnik / Табылды КадырбековПрезидент Алмазбек Атамбаев. Архив
Президент Алмазбек Атамбаев. Архив - Sputnik Кыргызстан
Жазылуу
Буга чейин укук коргоочулар өлкө башчысы келтирген моралдык чыгымды 12 миллион сомго баалашкан болчу.

БИШКЕК, 15-июн. — Sputnik. Укук коргоочулар Азиза Абдрасулова менен Төлөйкан Исмаилова өлкө президенти Алмазбек Атамбаевден моралдык жактан келтирген чыгым үчүн доонун суммасын 20 миллион сомго чейин көтөрүштү. Бул тууралуу Абдрасулова Sputnik Кыргызстан агенттигине билдирди.

Белгилей кетсек, бүгүн Бишкек шаарынын Биринчи Май райондук сотунда укук коргоочулардын президенттин үстүнөн жазган арызы каралды. 

"Сот отуруму саат 10:00дө башталып, саат 17:00дө аяктады. Сотко өлкө башчысы Атамбаевдин өзү келип катышсын деген биздин өтүнүчтү судья орундаткан жок. Анда Төлөйкан Исмаилова буга чейин талап кылган 2 миллион сом доосун 10 миллион сомго чейин көтөрдү. Ошентип президенттин жалпысынан 20 миллион сомдук доо талап кылуудабыз", — деди ал.

Фемида айкели. Архив - Sputnik Кыргызстан
Ажого айбат кылгандар. "Айыпка илинип кала жаздаган" кыргыз президенттери
Эске салсак, буга чейин Абдрасулова дагы доосун 10 миллион сомго чейин жогорулаткан болчу.

Өлкө башчысы Атамбаев 14-майда Энелер күнүнө карата уюштурулган салтанатта "Элдик парламенттин" мүчөлөрүн "туруктуулукту бузгусу келген эл бузарлар" деп атап, алардын жыйынына катышкан укук коргоочуларды грантын актагысы келген бейөкмөтчүлөр деп айткан. 12-майда "Элдик парламенттин" жыйыны өтүп, ага укук коргоочулар Азиза Абдирасулова менен Төлөйкан Исмаилова да катышкан.

Жаңылыктар түрмөгү
0