Питерде Токтогон Алтыбасарованын ысымын түбөлүккө калтыруу сунушталды

© Sputnik / Наталья Селиверстова / Медиабанкка өтүүЛенинград блокадасында курман болгондорго арналган айкел. Архив
Ленинград блокадасында курман болгондорго арналган айкел. Архив - Sputnik Кыргызстан
Жазылуу
Питердик депутат курчоого алынган Ленинграддагы 150 баланы камкордукка алган Токтогон апанын ысымын сейил же гүлбакчага ыйгарууну сунуштады. Алтыбасарова ошол маалда 16 гана жашта болгон.

БИШКЕК, 19-июн. — Sputnik. Санкт-Петербургдун депутаты Борис Вишневский Токтогон Алтыбасарованын ысымын Россиянын түндүк борборунда түбөлүккө калтырууну сунуштады. Бул тууралуу РосБалт жазып чыкты.

Президент Алмазбек Атамбаев. Архив - Sputnik Кыргызстан
Атамбаев: блокадада калган Ленинграддын тарыхы — эки элдин биримдигинин тарыхы
Парламентарий топонимикалык комиссияга кыргызстандык байбиченин ысымын шаардагы объектилердин бирине ыйгаруу боюнча кат жөнөттү. Токтогон апа 16 жашында курчоого алынган Ленинграддан Кыргызстанга жөнөтүлгөн 150 баланы камкордукка алган. 

Депутат жазган катында Алтыбасарова СССРдин баатыры сыяктуу сыйлык албаганын белгилеген. Андай сыйлыктардын ээлеринин ысымы алар өлгөндөн кийин 20 жыл өткөндөн кийин гана объектилерге берилиши керек. Бирок Алтыбасарованын сыйлыктары жок болгондуктан анын ысымын Петербургдагы сейил же гүлбакка ыйгарып, эстелик такчасын орнотууга мүмкүн экенин баса белгилеп жазган. 

Улуу Ата мекендик согуш учурунда курчоого алынган Ленинграддан Кыргызстанга 16 миңге жакын адам эвакуацияланган. Алардын 3,5 миңи балдар болгон.

Sputnik Кыргызстан агенттигинин видео материалынан Токтогон апанын акыркы берген интервьюсун көрүңүздөр>>

Жаңылыктар түрмөгү
0