Оорукана кызматкерлери. Архив

Башкы дарыгер: ооруканага күйдүргү менен түшкөндөр да, каза болгондор да жок

155
(жаңыланган 12:29 25.06.2016)
Социалдык тармакта Бишкек шаарындагы кишилер күйдүргү менен ооруканага түшүп каза болуп жатканы тууралуу маалымат тараган.

БИШКЕК, 25-июн. — Sputnik. Бишкектеги жугуштуу оорулар боюнча республикалык ооруканага күйдүргү дарты менен түшүп жана каза таап калгандар жок экенин аталган оорукананын башкы дарыгери Гүлжигит Аалиев Sputnik Кыргызстан агенттигине билдирди.

Буга чейин социалдык тармактарда жана WhatsApp аркылуу учурда Бишкектеги жугуштуу илдеттер боюнча ооруканага күйдүргү дарты менен жатып каза болгондор бар экени, андыктан базардан эт сатып албоого чакырган билдирүү тараган.

Аалиев мындай чагымчылдык кадамга алдырып, элди кооптонбоого чакырду.

"Биздин ооруканада күйдүргү дартына кабылып келип түшкөндөр жана каза болгондор жок. Коомду мындай маалыматка алдырып, кооптонбоого чакырам", — дейт ал.

Күйдүргү — кишиге малдан жугуучу жугуштуу оору. Көбүнчө терини, ичеги-карынды, өпкөнү жабыркатат. Анын таякчалары абдан туруктуу келгендиктен көп жылдар бою (20-30дан ашык) жашайт. Көбүнчө бул оору менен бодо мал, кой, эчки, чочко, төө жана башкалар ооруйт.

155
Белгилер:
Гүлжигит Аалиев, күйдүргү, оору
Тема боюнча
Күйдүргүдөн Казакстандын эки жараны каза болгону айтылууда
Күйдүргүгө шектелген Сузактын тургуну дартка чалдыкканы аныкталды
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

6
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

6
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды
Нарын шаарынын мэри Самарбек Болотбеков. Архив

Нарындын мэри шайлоодогу коррупциялык иштерге шектелип кармалды

27
УКМК маалымдаган Б.С. инициалдарына Самарбек Болотбековдун аты-жөнү туура келүүдө. Ал мурда Свердлов районунун акими болуп, кийин Нарын шаарына жетекчи катары жиберилген.

БИШКЕК, 18-сен. — Sputnik. 2020-жылкы парламенттик шайлоонун жүрүшүндөгү алдамчылык фактысы менен Нарын шаарынын мэри кармалды. Бул тууралуу УКМКнын маалымат кызматынан кабарлады.

Буга чейин аталган шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Ч.Р. кармалган. Укук коргоо органдары жабырлануучу ири өлчөмдө чыгым тартканын айткан.

"Ыкчам иликтөө иштеринин жыйынтыгында далилдүү материалдар чогултулуп, Бишкек шаарынын Свердлов районунун мурдагы акими, азыр Нарын шаарынын мэри Б. С. жогорудагы ишке аралашкан деген шек менен кармалды", — деп айтылат билдирүүдө.

Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылган.

Б.С. инициалдарына Самарбек Болотбековдун аты-жөнү туура келүүдө. Ал мурда аталган райондо аким болуп, кийин Нарын шаарына жетекчи катары жиберилген.

27
Белгилер:
Нарын шаары, мэр, коррупция, шайлоо, УКМК
Тема боюнча
УКМК: чек ара кызматкери досунун өлүмүнө шектелип кармалды