Ювенилдүү артрит оорусуна чалдыккан он эки жашар Тилек Алтымышев. Архив

Баспай калган 12 жашар Тилек үй-бүлөсүн багыш үчүн үй сатып оокат кыла баштады

1498
(жаңыланган 10:17 10.07.2016)
Тилек Алтымышев — "ювенилдүү артрит" оорусуна чалдыккан он эки жашар бала. Sputnik Кыргызстандын кабарчысы Светлана Федотовага анын кичинекей үйлөрдү жана мечиттерди кантип жасай турганын жана колунан чыккан буюмдарды эмнеге сатып жатканын айтып берди.

Кичине бала майыптардын креслосуна отуруп калганына беш жылдан ашты, бирок кол куушуруп тагдырга багынып берүү оюнда жок. Тилектин эрдиги жана чечкиндүүлүгү бала эмес, чоң кишинин онуна татып, көптөргө кайрат берчүдөй. 

— Сен Интернеттин чыныгы жылдызына айландың. Тагдырыңды баяндаган материалга бир нече саатта эле миңге жакын адам жооп жазыптыр.

— Бизде үйдө Интернет жок, ошон үчүн кошунам жардам кылайын деп чечиптир, ага рахмат. Эми мен эмне менен алектенеримди көп эле киши билет. Бир өзгөрүү болоттур деп ойлосуң да. Бүгүн менден экинчи жолу интервью алып жатышат, кызыктай бир сезимдер… Буга чейин мага мынчалык эч ким деле көңүл бөлгөн эмес. 

— Өзүңдүн кызыгып жасаган ишиң менен акча табуу оюңа кантип келди? 

— Кичинекей кезимде машина уруп кетиптир, бирок, аны эстей албайм, үйдөгүлөр айтып беришкен. Кийин бир аз баскам… Ал эми азыр өзүмдү туулгандан бери эле коляскада отургандай сезем… Атам да майып. Апам мурда биз менен жашачу, анан кетип калды. Эми анын башка үй-бүлөсү болсо керек. Башында анча-мынча жардам берип турчу, кийин ал тургай туулган күнүмдө да чалбай калды. 

12-летний инвалид Тилек Алтымышов, который делает игрушки из спичек и палочек от мороженого
© Sputnik / Табылды Кадырбеков
Тилек Алтымышев: апам мурда биз менен жашачу, анан кетип калды. Эми анын башка үй-бүлөсү болсо керек. Башында анча-мынча жардам берип турчу, кийин ал тургай туулган күнүмдө да чалбай калды.

— Кичинекей болсоң да ойлонгонуң башкача экен…
— Мен кадимки 12 жаштагы балдардай элемин. Эмне үчүн антип ойлоп жатасыз. Сиз менен болгонун болгондой сүйлөшүп жатам, анан өзүмдү калп эле алдай бергим келбейт. Үй-бүлөм жакшы, атам алган, эжелерим тапкан акча менен күн көрөбүз. Эми… азырынча кичине кыйналып турабыз, бирок баары жакшы болот. Мен үйдөгүлөргө аябай жардам бергим келет. Мен аларды жакшы көрөм.

— Чоңойгондо архитектор болсом деген оюң барбы?
— Кайдагы ой, он экиде элемин да. Азырынча жөн гана атам менен эжелериме жардам берсем дейм. Жакшы жашайлы деп баары иштеп жатат. Эжелеримдин университетте окугусу келгенин билем, бирок ага азыр күчүбүз жетпейт. 

— Мындай кооз буюмдарды жасаганыңа канча болду, ким үйрөттү? 
— Атам үйрөткөн. Менин айымдан ал иштебейт, ошон үчүн бекер отурбайлы деп кичинекей үйлөрдү жана мечиттерди жасай баштаганбыз. Эң башында окшошпой кыйналгам, азыр колдорум көнүп, ыгын таап алгам. 

  • Тилек Алтымышев — ювенилдүү артрит оорусуна чалдыккан он эки жашар бала.
    Тилек Алтымышев — "ювенилдүү артрит" оорусуна чалдыккан он эки жашар бала.
    © Sputnik / Табылды Кадырбеков
  • Ал майыптардын креслосуна отуруп калганына беш жылдан ашты, бирок кол куушуруп тагдырга багынып берүү оюнда жок.
    Ал майыптардын креслосуна отуруп калганына беш жылдан ашты, бирок кол куушуруп тагдырга багынып берүү оюнда жок.
    © Sputnik / Табылды Кадырбеков
  • Тилек жасаган жыгач үй
    Тилек жасаган жыгач үй
    © Sputnik / Табылды Кадырбеков
  • Баз муздактын таякчасынан жасалган мечит
    Баз муздактын таякчасынан жасалган мечит
    © Sputnik / Табылды Кадырбеков
  • Тилектин колунан жасалган боз үй
    Тилектин колунан жасалган боз үй
    © Sputnik / Табылды Кадырбеков
  • Баз муздактын таякчасынан жасалган араба
    Баз муздактын таякчасынан жасалган араба
    © Sputnik / Табылды Кадырбеков
  • Ширеңкеден жасалган эки кабаттуу там
    Ширеңкеден жасалган эки кабаттуу там
    © Sputnik / Табылды Кадырбеков
  • Тилек жасаган жер там
    Тилек жасаган жер там
    © Sputnik / Табылды Кадырбеков
1 / 8
© Sputnik / Табылды Кадырбеков
Тилек Алтымышев — "ювенилдүү артрит" оорусуна чалдыккан он эки жашар бала.

— Мечиттерди тим эле өзүндөй кылып жасайт экенсиң. Канча убакыт кетет? 
— Кээде бир күн, кээде бир жума. Жасап жатканыңдын татаалдыгына жана канча материал керектигине жараша болот. Жупуну үйлөрдү эле эмес, татаалдарын да жасай ала турганыма кечээ эле жакында көзүм жетти. Колум көнүп, тажрыйбамдын өскөнүнөн болсо керек деп ойлойм. Анын үстүнө бош убактым да көп.

— Үйдөгүлөргө бул өнөрүң жагабы?
— Ооба, аябай. Менин колумдан ушундай иш келип жатканына атам сыймыктанат, эжелерим мага ишенет. Мен болсо аларды кубандырып, майда-чүйдө үйгө керектүү буюм жасап бергенди жакшы көрөм. Алар үчүн бул эң баалуу белек болсо керек, ошон үчүн аларга дагы көп буюмдарды жасап берсем дейм. 

12-летний инвалид Тилек Алтымышов во время строительства домов из палочек от мороженного.
© Sputnik / Табылды Кадырбеков
Тилек Алтымышев: досторум боорукер жана дайыма кабак-каштары ачык, күлүп-каткырып жүрүшөт. Көбүнчөсү балдар, бирок кыздар менен да сүйлөшүп турам.

— Буларды эмнеден жасайсың?
— Жыгачтан жасалган бардык нерселерди: тиш чукугуч, бал муздактын таякчасын жана башкаларды колдоном.

— Эмне жасай турганыңды алдын ала ойлоп коёсуң да, ээ?
— Атам экөөбүз сейилдеп жүрүп, бирге ойлоп табабыз.

— Сурагандарга жасап бересиңби?
— Ооба. Менимче, бул мыкты белек. Эгер татаал нерсе жасаш керек болсо, күтүүгө туура келет, бирок мен аябай аракет кылам…

— Досторуң көппү? 
— Ооба, элдикиндей эле. Алар боорукер жана дайыма кабак-каштары ачык, күлүп-каткырып жүрүшөт. Көбүнчөсү балдар, бирок кыздар менен да сүйлөшүп турам. Сейилдейбиз, сырдашабыз, ал тургай, кээде урушуп да кетебиз.. Бирок ойноп урушабыз. 

12-летний инвалид Тилек Алтымышов, который делает игрушки из спичек и палочек от мороженого
© Sputnik / Табылды Кадырбеков
Тилек: жакында жасагандарымды баарын сатып, үй-бүлөмө жеткидей акча тапсам дейм. Бутум айыгып, басып кетсем деп тилей берем.

— Мектепчи?
— Мен мектепке бара албайм да, мугалим эжеке үйгө келип сабак берет. Баарынан математика жагат. Азыр болсо бардык окуучулардай эле мен да каникулдамын.

— Жакында эмне кылайын деген оюң бар? 
— Жасагандарымды баарын сатып, үй-бүлөмө жеткидей акча тапсам дейм. Бутум айыгып, басып кетсем деп тилей берем. 

1498
Белгилер:
Тилек Алтымышев, мечит, майып, үй
Тема боюнча
Көзү азиз марафончу: көрбөсөм эле колумдан эч нерсе келбей калмак беле
Москвада иштеп жүрүп, колун аппаратка чайнатып жиберген Салтанат
Стаканга суу алып жаткан адам. Архив

Диетолог суу тууралуу мифтерди жокко чыгарды

6
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

6
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

8
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

8
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет