Коргоо кеңешинин катчысы Темир Жумакадыров. Архив

Жумакадыров: УКМКнын бизнести текшерүү укугу жоюлат

89
(жаңыланган 19:52 04.07.2016)
Коргоо кеңешинин катчысы отурумда ИИМдин түзүмдөрүн кайра карап чыгуу айтылганына токтолду.

БИШКЕК, 4-июл. — Sputnik. УКМКнын бизнеске жана контрабандага каршы күрөшүү функцияларынын баары алынып, Экономикалык кылмыштарга каршы күрөшүү кызматына өткөрүлүп берилет. Бул тууралуу Коргоо кеңешинин катчысы Темир Жумакадыров кеңештин жыйынында каралган маселелер тууралуу айтып жатып журналисттерге маалымдады. 

Белгилей кетсек, Коргоо кеңешинин отурумунда Укук оргоо органдарынын системасын реформалоо жана азыркы шартта миграциялык процесстерди жөнгө салуу маселелери каралган. 

Жумакадыров отурумда ИИМдин түзүмдөрүн кайра карап чыгуу айтылганын кошумчалады. 

"ИИМдин кылмыштуулукка каршы күрөшүү функцияларын дагы күчтөнткөнгө багытталган чечимдер кабыл алынды. ИИМ коомдук коопсуздукту, кылмыштуулукту азайтуу боюнча саясатты иштеп чыгып жана ошону өзүнүн кызматтары аркылуу ишке ашырган орган болот", — дейт ал. Андан сырткары министрликтин алдында бир катар кызматтар түзүлөт. Алар: 

  • Коомдук коопсуздукту камсыз кылуу кызматы;
  • Криминалдык милиция;
  • Экстремизмге жана мыйзамсыз миграцияга каршы аракеттенүү боюнча кызмат;
  • Баңги заттарды мыйзамсыз жүгүртүүгө каршы күрөшүү кызматы;
  • Тергөө кызматы;
  • Өздүк коопсуздук кызматы. 
  • Баңги заттарга каршы күрөшүү кызматын толугу менен ички иштер министрлигине өзүнчө кызмат катары өткөрүп берүү;
  • Ошондой эле ИИМдин экономикага жана бизнести текшерүүгө кийлигишүүсүн токтотуу үчүн ИИМдин түзүмүндөгү 5-башкы башкармалыгы толугу менен Экономикалык кылмыштарга каршы күрөшүү кызматына өткөрүп берүү.

Жумакадыров укук коргоо органдарындагы белгиленген реформаларды өкмөт менен Жогорку Кеңеш биргеликте ишке ашырарын кошумчалады.

89
Белгилер:
контрабандалык жүк, бизнес, УКМК
Тема боюнча
ИИМдин академиясы министрликтин курамынан чыгарылат
Томографиядан бейтапты өткөргөн медиктер. Архивдик сүрөт

Коронавирус жуктуруп алгандар жана айыккандар. Соңку маалымат

1
(жаңыланган 11:34 05.12.2020)
Бүгүнкү статистикада илдетти илештирип алгандардын саны ооруканадан айыгып чыккандарга караганда аз.

БИШКЕК, 5-дек. — Sputnik. Кечээтен бери Кыргызстанда 401 адам коронавирус жуктуруп алса, дарыланып жаткан 425 адам айыгып чыкты. Бул тууралуу Республикалык штаб кабарлады.

Оору жуктургандар төмөнкү аймакта:

  • Бишкек - 99;
  • Ош - 20;
  • Чүй облусу – 133;
  • Ош облусу - 22;
  • Талас облусу - 15;
  • Нарын облусу - 2;
  • Ысык-Көл облусу – 45;
  • Жалал-Абад облусу – 39;
  • Баткен облусу - 26.

Айыккандар:

  • Бишкек – 124;
  • Ош шаары – 10;
  • Чүй облусу – 102;
  • Ош облусу – 11;
  • Талас облусу – 16;
  • Нарын облусу – 9;
  • Ысык-Көл облусу – 40;
  • Жалал-Абад облусу – 60;
  • Баткен облусу – 53.

Ушуну менен пандемия башталгандан тарта оору илештирип алгандардын саны 74 774 болду. Анын 66 538и айыгып чыкты.

1
Белгилер:
айыгуу, жуктуруу, оорукана, бейтап, Кыргызстан, коронавирус
Нарын облусу. Архивдик сүрөт

Өкмөт Нарынга 300 үй-бүлө үчүн эксперименталдык айыл курууга белсенүүдө

17
(жаңыланган 11:13 05.12.2020)
Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда.

БИШКЕК, 5-дек. — Sputnik. Кыргыз өкмөтү Нарын облусуна "Ак-Тилек" деп аталган эксперименталдык конуш курууга белсенип жатат. Тийиштүү буйруктун долбоорун Архитектура, курулуш жана коммуналдык-турак жай агенттиги коомдук талкууга чыгарды.

Жаңы конуш Ак-Талаа районунда пайда болору айтылган. Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда. 1990-жылдын аягынан 2010-жылга чейин бул аймактарда бир нече жолу жер силкинип, сел түшүп кыйроолорго алып келген. Өзгөчө кырдаалдар министрлиги ал жердин тургундарын көчүрүү зарыл деген корутунду чыгарган.

Ак-Тилек конушу 300 турак жайга (1500 адам) ылайыкташкан. Курулуш агенттиги жерлер 2019-жылдын ноябрында эле өкмөттүн токтому менен трансформация болгонун билдирди.

Конушту куруу жана пландаштыруу боюнча жаңы ыкмаларды колдонуу (конструкция, курулуш материалдары, инженердик камсыздоо системасы) чечими кабыл алынгандыктан эксперименталдуу калктуу конуш деген макам берилет.

Ошондой эле планын иштеп чыгууда шаар куруу боюнча дүйнөлүк тажрыйба жана экологияга аяр мамиле жасоо принциби колдонулганы белгиленет. Үйлөрдүн ичи жылуу жана жер титирөөгө туруштук берүү деңгээли жогору болоруна ишендирет.

Долбоордун суммасы жазылган эмес, бирок өкмөт ага бюджеттик каражат коротулбай турганын айтты. БУУнун Европа экономикалык комиссиясынын долбоору аркылуу каражат жана инвестиция тартылары күтүлүүдө. Бул боюнча алдын ала макулдашуу түзүлгөн.

Техникалык документациясы менен өкмөттүн сайтынан кененирээк таанышууга болот.

17
Белгилер:
айыл, тургун, курулуш, Нарын, жаңы конуштар
Тема боюнча
Өрттөнгөн прокуратуранын ордуна эмнеге шаардык кеңештин имараты курулат. Жооп
Өзгөн менен Араванда эки төрөт үйү пайдаланууга берилди