Бассейн. Архив

"Тартуга" эс алуу борборунун бассейни жабылды, бала комада, кылмыш иши козголгон жок

264
(жаңыланган 13:29 12.07.2016)
Бессейнге чөгүп кете жаздаган баланын жүрөк согуусу калыбына келди. Ал аппараттын жардамы менен дем алып жатат.

БИШКЕК, 12-июл. — Sputnik. "Тартугадагы" кырсыкка байланыштуу кылмыш иши азырынча козголо электиги тууралуу Бишкек шаардык ички иштер башкармалыгынын маалымат кызматынын жетекчиси Олжобай Казабаев билдирди.

Анын айтымында, тергөө иштери уланып эс алуучу жайдын жетекчилиги менен күбөлөр суракка алынып жатат. Учурда кырсыкка байланыштуу алгачкы материалдар чогулуп калган. Эми медициналык экспертизанын жыйынтыктары күтүлүүдө. Ал аркылуу окуяга юридикалык баа берилет.

"Бала комадан чыгып жашоого кайтып келерине үмүт артып турабыз. Ал учурда абдан оор абалда. Иш кайрадан каралышы ыктымал, күнөөкөрлөр өз жазасын алышы керек", — деп билдирди Казабаев.

Шаардык балдар ооруканасынын башкы дарыгери Гүлнара Жанабилованын берген маалыматына караганда бала дагы деле өзүнө келе элек.

"Бала клиникалык өлүм абалында келип түштү. Биз жүрөк кагышын калыбына келтирип, аппараттын жардамы менен дем алдырып жатабыз. Керектүү бардык терапиялар жүргүзүлүп жатат", — деп билдирди дарыгер.

Ал эми "Тартуга" эс алуучу борборунан бассейн бир нече күнгө жабылганын билдиришти. 

"Кечээ бассейндин суусу төгүлдү. 5-6 күндөн кийин ачылышы күтүлүүдө", — деп борбордон билдиришти. 

Жекшемби күнү, 10-июлда "Тартуга" эс алуу борборунун бассейнине сегиз жашар бала чөгүп кете жаздаган. Ал ооруканага эс учун жоготкон абалда жеткирилген.

264
Белгилер:
кома, жүрөк, бассейн, кырсык
Тема:
Бишкектин бассейндеринде болгон кырсык (6)
Тема боюнча
Бишкектеги бассейнге кулап кеткен жети жашар бала өзүнө келе элек
Бишкектеги бассейндердин бирине түшүп кеткен 7 жашар бала өзүнө келбей ооруканада
Президенттин маалымат кызматынын жетекчиси Нургазы Анаркулов. Архив

Анаркулов: инаугурацияга чакырылгандардын баарынын ПЦР-анализи таза чыкты

13
(жаңыланган 22:01 27.01.2021)
Президенттин кызматка киришүү үчүн ант берүү аземине ар кайсы катмардагы миңден ашуун мейман чакырылган.

БИШКЕК, 27-янв. — Sputnik. Жаңы шайланган президент Садыр Жапаровдун инаугурациясына чакырылган коноктордун баарынын коронавируска тапшырган тести таза чыкты. Бул тууралуу президенттин маалымат кызматынын жетекчиси Нургазы Анаркулов билдирди.

Президенттик кызматка киришүү үчүн ант берүү аземине катардагы жарандардан, коомдук ишмерлерден, чыгармачыл жана интеллигенциянын өкүлдөрүнөн, жергиликтүү жана чет элдик маалымат каражаттарынын жетекчилеринен турган миңден ашуун мейман чакырылган.

Иш-чара санитардык-эпидемиологиялык талаптарга ылайык уюштурулуп, коноктордун баары коронавирус инфекциясына ПЦР-анализ тапшырышкан.

Садыр Жапаровдун инаугурациясы эртең, 28-январда, саат 11:00дө Токтогул Сатылганов атындагы Кыргыз улуттук филармонияда өтөт.

13
Белгилер:
ПЦР-тест, коронавирус, инаугурация, Садыр Жапаров
Тема:
Садыр Жапаровдун инаугурациясы
Тема боюнча
Чепкен жапмай, аластоо жана ыңгайсыз жагдайлар... Эл эсинде калган инаугурациялар
Депутаттарга Жапаровдун инаугурациясына жеке унаа менен келүүгө тыюу салынды
ИИМ: инаугурация күнү кортеж өтүп, жолдор бир нече секундга гана жабылат

Баланын коопсуздугун колу менен коргогон мышык. Ич жылыткан видео

55
Кээде жаныбар болсо да наристенин коопсуздугун ата-энесинен кем калбай коргогон учурлар кездешет. Дал ошондой видео интернет айдыңга тарап кетти.

Балкондун кармагычына колун созгон бөбөктү жанында отурган мышык кадимкидей тыйып, кадам сайын "тартипке чакырып" жатканын көрүүгө болот.

Тили чыга элек бала балкондун кармагычына колун созуп, асылгысы келип, бирок ага жанында периште сымал кайтарып отурган мышык "жол бербей" жатканы четте турган кишинин ичин жылытат. Агала мышык "максатына жетүүгө тоскоол болгонун" түшүнгөн сымал, бөбөктүн бөлмөнүн башка тарабына кетип бара жаткан учуру менен видео аяктаган.

55
Белгилер:
видео, балкон, мышык, бала
Тема боюнча
Шакылдатып башка чапкылап. Мышык менен ымыркайлардын ич жылыткан видеосу