Аркан. Архив

Милиция таңкы төрттө асылып өлүүгө аракеттенип жаткан кишини ажалдан алып калды

254
(жаңыланган 14:44 12.07.2016)
Окуя 12-июлда Шералиев менен Түштүк магистраль көчөлөрүнүн кесилишинде болгон. Жаран мындай кадамын жалгыздыктан жадагандыгы менен түшүндүргөн.

БИШКЕК, 12-июл. — Sputnik. Кайгуул милициясынын кызматкерлери Бишкек шаарында өзүн-өзү өлтүрүүгө аракет жасаган жаранды ажал оозунан алып калган. Бул туурасында Бишкек шаардык ички иштер башкы башкармалыгынан билдиришти.

Окуя 12-июлда саат таңкы төрттөр чамасында болгон. Шералиев—Түштүк магистраль көчөлөрүнүн кесилишинде Кайгуул милициясынын кызматкерлери суицид жасоо үчүн даракка жип илип жаткан жаранды байкап калышкан.

"Кайгуул милициясынын үч кызматкери жипке асынып алууга жетишкен кишиге жетип барып, аны бошотуп калууга үлгүрүштү", — деп айтылат маалыматта.

Ага биринчи медициналык жардам көрсөтүлүп, бир нече убакытттан кийин өзүнө келген. Ал мындай аракетин жалгыздыктан жадагандыгы менен түшүндүргөн.

254
Белгилер:
ажал, милиция, суицид
Тема боюнча
Бишкекте өзүн өзү бычактап, жипке асынып, дары ичкен үч киши аман калды
Экинчи кабаттан кулаган кишинин абалы оор, үчүнчүдөн кулаганы жеңил жаракат алган
Шарап. Архив

Ашказанды бузат. Шарапты кайсы тамактар менен аралаштырбоо керектиги айтылды

10
Дарыгер ичимдик менен айрым тамактарды кошо ичүү гастрит, ашказан жарасы жана панкреатит ооруларын күчөтөрүн билдирди.

БИШКЕК, 14-июн. — Sputnik. Шарап менен эмнелерди аралаштырып жесе болбой турганын РИА Новостиге гастроэнтеролог Анна Денисова айтып берди.

Адис шарап сыяктуу алкоголдук ичимдик менен майлуу жана ачуу тамактарды колдонуунун зыянын эскертти.

"Куйрук май, колбаса, семга, скумбрия, маринаддалган жашылча, суши жегенде колдонгон васаби татымалын шарап менен аралаштырган болбойт. Бөтөнчө гастрити же ашказанында жарасы барлардын оорусу күчөп кетиши мүмкүн. Ичимдик менен майлуу тамак ашказанга түшкөндө панкреатит да катуу кармайт. Мындайда бейтап ооруканага түшүп, операциялык жол менен дарыланышы мүмкүн", — деген дарыгер.

Мындан тышкары, гастроэнтеролог күнүнө бир-эки гана бокал шарап ичүүнү сунуштап, көп ичүү ден соолукка зыян экенин кошумчалаган.

Ошондой эле ичимдиктин өзүн эле ичүү да кооптуу экенин билдирген.

10
Белгилер:
ден соолук, ашказан, шарап
Тема боюнча
Кофеиндүү суусундуктар менен алкоголду чогуу ичүү жүрөк ыргагын бузат
Витаминдер. Архив

Адам сынынан кетпеши үчүн витамин ичүүнүн зарылдыгы барбы

23
Адистин айтымында, кайсы бир препаратты ичерден мурда дарыгер менен кеңешүү керек. Ошондой эле витаминдер менен биологиялык активдүү кошулмаларды ири жана ишенимдүү дарыканалардан гана сатып алуу зарыл.

БИШКЕК, 14-июн. — Sputnik. Бой келбети келишимдүү болушун каалаган адамдарга витаминдер менен биологиялык активдүү кошулмалардын кереги бар же жок экенин нутрициолог, фитнес жана дарылоочу көнүгүүлөр боюнча адис Арина Скоромная РИА Новости агенттигине айтып берди.

"Эч бир витамин же биологиялык активдүү кошулмаларды ичпей деле жүрө берсе болот. Бирок дене бой ойдогудай болушу үчүн организмдеги бардык заттар жетиштүү болушу шарт. Витаминдерди тамактан керектүү көлөмдө баары бир ала албайбыз. Алыш үчүн абдан көп тамактанышыбыз керек. Негизи биз сөз кылып жаткан заттар организмге жардамчы катары зарыл", — деди адис.

Ошондой эле Скоромная кайсы бир препаратты ичерден мурда бир ооз дарыгер менен кеңешүү зарылдыгын айтты. Мындан тышкары, ал витаминдер менен биологиялык активдүү кошулмаларды ири жана ишенимдүү дарыканалардан гана сатып алуу керектигин кошумчалады.

23
Белгилер:
арыктоо, организм, адис, ден соолук, витамин
Тема боюнча
Адис: туура эмес арыктаган аялдын этек кири токтоп калышы мүмкүн