Баннер, на которой надписано Кайран эл кайда баратабыз?

Мэрия: исламдашуу боюнча жарнама такталарын агартуучу фонд илдирткен

1611
(жаңыланган 14:12 14.07.2016)
Жарнакты илдирткен фондунун расмий аталышы белгисиз. Мамлекеттик тил боюнча улуттук комиссиянын төрагасы Эгемберди Эрматовдун пикиринде, жарнактын артында чоң каражат булактары турат.

БИШКЕК, 13-июл. — Sputnik. Исламдашуу боюнча баннерди Агартуучулук маанайдагы фонду илдирткендиги тууралуу Sputnik Кыргызстан агенттигине Бишкек мэриясынан билдиришти. 

Маалыматка караганда, мэрия жарнактардын мазмунуна жооп бербейт. Ошентсе да талаш жараткан баннер кимдер тарабынан илингенин муниципалитет изилдеп көргөн. 

"Исламдашуу боюнча баннерди агартуучулук маанайдагы фонду илдиртиптир. Анын расмий аталышын азыр сүрүштүрүп жатабыз. Фондунун жетекчилеринин бардыгы намаз окуган мусулмандар экен. Бирок алар "биз патриот кыргыз мусулмандарыбыз" деген көз караштарын билдиришиптир", — деп маалымдашты мэриядан. 

Алардын айтымында, өлкөдө жарнактардын мазмунун текшерген бир дагы орган жок. Буга чейин бир департамент болсо, ал дагы жоюлуп кеткен. Ал эми көрнөк-жарнактарды текшерүүгө мэриянын укугу жок. Бирок мамлекеттик тил боюнча мыйзамга ылайык, Тил комиссиясы көзөмөлгө ала алат. 

Сурамжылоо

"Кайран элим кайда баратабыз?" баннери керекпи?
  • Ооба, аны өлкө боюнча жайылтуу керек
    15.3% (31)
  • Ооба, кыргыздын маданиятын сактоо керек
    25.6% (52)
  • Жок, бул коомго терс таасир бериши мүмкүн
    36.4% (74)
  • Жок, бул мазактагандык
    22.2% (45)
  • Мага бары бир
    0.5% (1)
Добуш бергендер: 1
Sputnik Кыргызстан агенттигинин кабарчысы Мамлекеттик тил боюнча улуттук комиссиясынын төрагасы Эгемберди Эрматовго кайрылганда, баннерди илдирүүнүн артында чоң каражат турарын билдирди. 

"Бул жарнактар чоң каражат менен чыккан. Анын артында таасирдүү адамдар турат деп ойлойм. Кыргыздын жашоо-турмуш тууралуу мыкты макалдары бар. Ошолорду шаарларга илдиртүүнү суранып көптөгөн мекемелерге кайрылганыбызда эч ким колдогон эмес. Анан элди бөлүп, жарып чыр жараткан жарнакка каражаттын табылып калышы жөн жерден эмес", — деп билдирди Эрматов.

Мамтил боюнча комиссия жетекчиси баннердеги жарнак чагымчылдык маанайда экенин белгилеп, мэрияга билдирүү жибергенин ырастады. 

Ал эми Улуттук коопсуздук кызматы талаш жараткан жарнак тууралуу маалымдар экендигин билдирип, ашыкча пикир айтуудан карманышты.

1611
Белгилер:
баннер, тил, ислам, Бишкек мэриясы
Тема:
"Кайран элим, кайда баратабыз?" баннеринин чуусу (8)
Тема боюнча
Муфтият көчөгө илинген жарнакты ынтымакка доо келтирген көрүнүш деп тааныды
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

39
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

39
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

63
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

63
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео