Прибытие Федерального канцлера Германии Ангелы Меркель в Кыргызстан

Меркель тамшанган кыргыз боорсогунун рецеби

269
(жаңыланган 11:35 14.07.2016)
Улуу даражалуу конок үчүн боорсокту ал келер алдында жасашкан.

БИШКЕК, 14-июл. — Sputnik. Бейшембинин түнүдө Алмазбек Атамбаев Кыргызстанга келген Германиянын канцлери Ангела Меркелди "Манас" аэропортунан тосуп алды.

© Пресс-служба президента КР
Меркель тамшанган кыргыз боорсогунун рецеби

Кыргызстанга биринчи жолу келген Ангела Меркель алгач эле кыргыз боорсогунан ооз тийди. Ал боорсок мыкты экенин айтты.

Боорсокту Меркель келердин алдында жасашкан. Башкы технолог Георгий Нагай жалпысынан үч килограмм боорсок бышырылганын айтты.

"Биз өзүбүздүн атайын рецепт менен жасайбыз. Ага эмнелерди канча көлөмөдө кошорубуздун сырын ачпайм, бирок, жалпы керектелген кошулмалар тууралуу айтайын. Негизинен ун, сүт, майонез, өсүмдүк майы, ачыткы, туз, шекер жана бир аз суу кошобуз. Анан албетте, алардын барын жакшы маанай менен жууруйбуз. Андыктан боорсоктор даамдуу болот", — деди башкы технолог.

Ангела Меркелдин иш сапары бүгүн аяктайт.

269
Белгилер:
боорсок, Ангела Меркель, Алмазбек Атамбаев, Бишкек, Кыргызстан
Тема:
Ангела Меркелдин Кыргызстанга болгон сапары (18)
Тема боюнча
Атамбаев Меркель менен немисче саламдашып, бир кучак гүл сунду
Сириялык качкындар боюнча лагер түзүүнү Атамбаев менен Меркель талкуулабайт