Ысык-Көлдө Кыргызстандагы акушерлердин чоң жыйыны өтөт
(жаңыланган 08:50 18.07.2016)
Адистер сапаттуу акушердик кызмат көрсөтүүнү жана алардын өлкө аймагындагы жеткиликтүүлүгүн талкуулашат.БИШКЕК, 18-июл. — Sputnik. Кыргызстандагы акушерлердин альянсы Саламаттык сактоо жана акушерлердин эл аралык конферациясынын (International Confederation of Midwives, ICM) колдоосу менен секторлор аралык жыйын өткөрөт. Бул тууралуу Саламаттык сактоо министрлигинин маалымат кызматы билдирди.
Жыйын 18-20-июлда Ысык-Көлдө өтөт.
Адистер сапаттуу акушердик кызмат көрсөтүүнү жана алардын өлкө аймагындагы жеткиликтүүлүгүн талкуулашат.
Жыйынга 50 киши катышат. Алардын ичинде министрликтердин, бейөкмөт жана эл аралык уюмдардын өкүлдөрү бар.
Маршрутка көйгөйү: Милиция аялдамадагы аялдарды, балдарды үйүнө ташыды. Видео
(жаңыланган 00:03 19.01.2021)
Милиционерлер маршрутка маселесинен улам аялдамаларда калган бишкектиктерге жардам берип, үйлөрүнө жеткирип жатышты.БИШКЕК, 19-янв. — Sputnik. Бишкектеги Кайгуул милиция кызматы бүгүн маршрутка көйгөйүнөн улам аялдамаларда калган бишкектиктерди үйлөрүнө жеткирүүдө. Бул туурасында шаардык милициянын маалымат кызматынан кабарлашты.
Кечкурун милиционерлер балдарга, аялдарга жана улгайган адамдарга өз жардамын сунуштап жатканы айтылды. Бул багытта аталган кызматтын атайын автоунаалары иштеген.
Посмотреть эту публикацию в Instagram
Милициядан аялдамаларда топтолгон кишилер аз, шаар ичи тынч деп билдиришти.
Посмотреть эту публикацию в Instagram
Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда. Себеби жол кире 2012-жылдан бери көтөрүлө элек. Учурда маршрутканын баасы күндүз 10, ал эми кечинде 12 сом.
Эртең менен Бишкек шаарынын мэринин милдетин аткарып жаткан Балбак Түлөбаев каттамга чыкпай койгон маршруткалардын лицензиясы алынып, башкага берилерин эскерткен.
©
Sputnik / Эркин Садыков
Белгилер:
ЖМК: Болгарияда бала COVID-19га туруштук берген артыкчылык менен төрөлдү
(жаңыланган 22:08 18.01.2021)
Кош бойлуу аял ооруканага коронавирус менен катуу жабыркап түшкөнү айтылган. Бала жарыкка келгенден кийин дарыгерлер таң калыштуу жагдайга туш болгон.БИШКЕК, 18-янв. — Sputnik. Болгарияда кош бойлуу келин коронавируска антителосу бар бөбөк төрөдү. Бул туурасында улуттук радионун сайтына маалымат жарыяланды.
Пазарджик шаарынын 28 жаштагы тургуну ооруканага эти катуу ысып, жөтөлүп жана алы кетип түшкөн. Аны бир курс дарылагандан кийин ак халатчандар баланы операция жолу менен жарыкка алып келишкен.
Азыр бөбөктүн абалы жакшы экендиги айтылды. Ал эми антигендик тест бөбөктө коронавируска каршы антитело бар экендигин көрсөткөн. Эне-бала үйүнө чыккандан кийин да дарыгерлердин көзөмөлүндө болууда.
Ымыркайдын салмагы 2,75 килограмм, ал эми бою 46 сантиметр экени айтылды.