КВН Азия MIX командасынын катышуучусу Ситора Фармонова. Архив

"Азия MIX" командасындагы Ситора: лицензиядан кол жууганыма ишенбей турам

(жаңыланган 22:10 21.07.2016)
Өзбекстандык актриса жана ырчы бул маалыматты укканда аябай таң калганын билдирген.

БИШКЕК, 21-июл. — Sputnik. Шаршемби күнү Өзбекстандын артисттерине лицензия берген "Узбекнаво" эстрадалык бирикмеси Ситора Фармонова, Сарвора Азимова жана Комила Фозиловалардын лицензияларынан ажыраткан. Анын себебин "Узбекнаво" так айткан эмес.

Актриса жана ырчы Ситора Фармонова Sputnik Кыргызстан маалымат агенттигине лицензиясынын ажыраган кабарды кандай кабыл алганын сурады.

"Чынында толук маалыматты билбейм. Азыр бул маселе боюнча продюсерим иштеп жатат. Лицензияны алып койгонун укканда аябай таң калдым. Азырынча эч кандай түшүндүрмө бере албайм", — деди ырчы.

Ал окуянын чоо-жайы тууралуу кийин толук маалымат бере турганын кошумчалады.

Ситора Фармонова "Азия MIX" КВН командасында чыгып жүрөт. 17-июлда команда Светлогорск шаарында болгон "Голосящий КиВиН — 2016" фестивалында "Алтын Чоң КиВиН" кубогун утуп, биринчи орунга татыган.

Белгилей кетсек, Өзбекстандын "Узбекнаво" бирикмеси бир катар ырчыларды лицензиясынан ажыраткан. Алардын арасында ырчы Лола, Тамиля бар

Белгилер:
эстрада, КВН, Ситора Фармонова, Өзбекстан
Тема боюнча
"Азия MIX" командасындагы ырчы Ситора лицензиясынан кол жууду
"Азия Mix" "Алтын чоң КиВиНди" утуп, 400 миң рубль алышты
WhatsApp мессенджердин логотиби. Архив

Жаңы эрежени кабыл албасаңыз WhatsApp сиздин профилди өчүрөт

(жаңыланган 15:26 19.04.2021)
Жаңыланган келишимге ылайык, сиздин адаттарыңызды жана табитиңизди анализдөө үчүн WhatsApp колдонуучулардын жеке маалыматтарын Facebook тармагына өткөрүп берет.

БИШКЕК, 19-апр. — Sputnik. WhatsApp мессенжери жаңыланган колдонуу келишимин кабыл албаган аккаунттарга 15-майдан тарта чектөө киргизет. Бул тууралуу платформанын сайтында айтылат.

Компания колдонуучунун жаңылануулар боюнча кенен маалымат алуусу үчүн 15-майга чейин убакыт берди. Мессенжер кардарлардын профилин дароо өчүрүп салбайт. Деген менен алар жаңы эрежени кабыл алмайынча башкалардан келген коңгуроолор менен билдирүүлөргө жооп бере албайт.

Россиянын "Башкы радиожыштык борбору" Федералдык мамлекеттик унитардык ишканасынын илимий-техникалык борборунун адистери WhatsApp тиркемесин колдонуу келишиминдеги жаңыланган саясатында АКШнын чалгындоо кызматы тиркеме колдонуучуларын аңдып, алардын пикирин бурмалоо коркунучу пайда болушу мүмкүн деген тыянакка келишкен.

Январь айынын башында WhatsApp колдонуу шарттарын өзгөрттү. Ага ылайык, эми колдонуучулар Facebook жарнама тутумуна жана анын тиркемелерине өзүлөрүнүн адаттары жана табити боюнча маалыматтарын тапшыруусу керек. Кийинчерээк айтылган сындарга байланыштуу мессенжер колдонуу келишиминин мөөнөтүн 8-февралдан 15-майга чейин узартып койду.

Белгилер:
эреже, өчүрүү, жазышуу, аңдуу, WhatsApp
Тема боюнча
Clubhouse колдонгон 1,3 млн. кишинин маалыматы ачыкка чыгып кетти
Оорукананын нейрохирургия бөлүмүндө омурткага операция учурунда. Архив

Нарын облусунда биринчи жолу грыжаны алган операция жасалды

(жаңыланган 15:16 19.04.2021)
Мындан ары грыжасы бар бейтаптар Бишкек шаарына барбастан Нарын облусунда эле операция жасата алышары белгиленди.

БИШКЕК, 19-апр. — Sputnik. Нарын облусунда бел омурткасында пайда болгон грыжаны алган алгачкы операция жасалды. Бул тууралуу аймактык кабарчыга Нарын облустук бириктирилген ооруканасынын травматология бөлүмүнүн травматологу Талант Калдыбаев билдирди.

Анын айтымында, 14-апрель күнү 41 жаштагы бейтаптын төртүнчү жана бешинчи бел омурткасындагы (L IV-L V) грыжасы алынган. Бейтап бул илдеттен жети жылдан бери жапа чегип келген.

"Бүгүн бейтапка операция жасалганына 5 күн болду, бутуна туруп басып калды. Учурда абалы жакшы. Эми бейтаптар Бишкек шаарына барбастан Нарын облусунда эле операция жасата алышат", — деди дарыгер.

Бул операцияны Нарын облустук бириктирилген ооруканасынын директору Чыңгыз Нарынбеков, директордун дарылоо иши боюнча орун басары Эламан Алиев жана травматология бөлүмүнүн травматолог дарыгери Талант Калдыбаев жасаган.

Белгилер:
бейтап, операция, грыжа, Нарын
Тема боюнча
Невролог Батыров: остеохондроз күчөп отуруп грыжага айланат